Ашық сабақ "Бір орнында тұрып, қос аяқпен секіру"

2. Ашық сабақ

Ұйымдастырылған оқу іс-әрекеті: «Денсаулық». Дене тәрбиесі. Тақырыбы: Бір орында тұрып, қос аяқпен секіру Мақсаты: бір орында тұрып қос аяқпен өзін айнала секіруге үйрету.Денені түзу ұстап,тепе-теңдік сақтау қабілеттерін жетілдіру.Жағымды көңіл-күй,өзіндік қимыл белсенділігін қалыптастыру. Әдіс – тәсілдері: көрсету,түсіндіру,сұрақ-жауап Көрнекілігі: спорттық костюм киген балалар,доптар

Ұйымдастыру кезеңі.

Шаттық шеңбері:

• Балалар,қараңдаршы,бізге күн сәулесі шуағын шашып тұр.Қане,күн мен амандасайықшы! Балалар жай әуенмен дөңгеленіп тұрады, күнмен амандасады.

• Арайлап бүгін атты күн, Шашып бізге шапағын, Қуанышты бүгін күн, Қайырлы таң,балалар! Қайырлы таң,апайлар!

• Балалар,қараңдаршы,біз бүгін қандай әдемі боп тұрмыз.Біз қандай баламыз?

• Ақылды біз баламыз, Айтқан тілді аламыз. Жаттығу жасап шынығып, Өсіп үлкен боламыз.

Саптізбекте бірінің артынан бірі белгі бойынша тапсырманы орындай жүру,аяқтың ұшымен жүру,жәй жүгіріспен жүгіру,қолдарын созып жүру.Көрнекі бағыт бойынша шеңбер болып тұру.

Ұйымдастыру кезеңі.

Доппен жалпы дамыту жаттығулары.

1.Өздігінен уқалау: «Қолымызды жылытайық».

Қолды алға созып,алақанды жоғары –төмен аудару; алақанды ысқылау,алақанға үрлеу.4-5рет.

2.«Допқа қара».Б.қ.:қол доппен төмен.1-доппен қолды алға созу,допқа қарау;2-б.қ-қа оралу; 3-допты жоғары көтеру,допқа қарау;4-б.қ-қа оралу.4-5рет.

3.«Доппен бұрыл».Б.қ: қол доппен алға созулы.1-қолды оңға,допқа қарау;2-б.қ-қа оралу,тура қарау;3-доппен солға,допқа қарау;4-б.қ-қа оралу,тура қарау;4 – 5рет.

4. «Допты қой,ал».Б.қ.:аяқ иық деңгейінде,қол доппен кеуде тұсында.1-алға еңкею,допты еденге қою;2-б.қ-қа оралу;3-алға еңкею,допты еденнен алу;4-б.қ-қа оралу;4-5рет.

5. «Допты айнал».Б.қ.:түзу тұру,доп еденде.1-допты айнала секіру;2-б.қ-қа оралу:3-қол еркін қалыпта,доп еденде;допты айнала секіру;4-б.қ-қа оралу;4-5рет.

Тыныс алу жаттығулары. Мақсаты:Тыныс жолдарының шырышты қабатын шынықтыру.Тыныс жолы бұлшық етті нығайту, бала денесін шынықтыруды жақсарту.

Негізгі ережелер: - жаттығуларды таза ауада жасау керек; - жаттығуларды орындау кезінде таза ауамен демалу, ауаның өкпеден еш кедергісіз шығуы үшін ауызды кең ашу керек. Балаға «алманы қалай тістейсің, ауызыңды солай аш» деп түсіндірген жөн.

- Балалар, қазір жылдың қай мезгілі? - Қыс мезгілі

- Қыс мезгілінде ауа- райында қандай өзгерістер болады? - Күн суытады, қар жауады, аяз болады.

- Боранның дыбысын салайықшы. Балалар, мұрындарымен ауаны жұтып, аузымен «Уууу» деп боранның дыбысын салу арқылы ауаны сыртқа шығарады.

Негізгі жаттығу.

1.Бір орнында тұрып,аяқтың ұшына көтерілу және тепе-теңдік сақтап тұру. 2.Бір орнында тұрып қос аяқпен өзін айнала секіру

Қимылды ойын: «Алтыбақан»

Босаңсу сәті:

Балалар аяқ-қол бұлшық еттерімізді босаңсытып, бәріміз кілемнің үстінде күнге ұқсап дөңгеленіп жатамыз, көзімізді жұмамыз. Қолымызды, аяғымызды еркін созып, бұлшық еттерімізді еркін демалтамыз.Көзімізді ашамыз, орнымызға тұрамыз.

Қорытынды бөлім.

Саптізбекке тұрып,қатармен жүру,жүгіру. Іс-әрекетке қатысқан балаларды мадақтап, үйлеріне қуанышты хабарлама жіберу

Күтілетін нәтиже:

Орындайды: бір орында тұрып,аяқтың ұшына көтерілу және тепе-теңдік сақтап тұруды,бір орында тұрып қос аяқпен өзін айнала секіруді. Түсінеді: жаттығулардың маңызын Қолданады: жаттығулар орындау кезінде шапшаңдық,мұқияттылық сияқты сапаларды.