Ашық сабақ "Дос болайық бәріміз"

Тәрбие сағаты : «Дос – болайық бәріміз» ( Ойын сабағы)

Мақсаты:

а) Оқушылардың дос туралы түсініктерін кеңейту,олардың бір-бірімен достық қатыныасын нығайту

ә) Оқушыларды адалдыққа,шыншылдыққа тәрбиелеу,менмендік тағы басқа жаман әдеттерден аулақ болуға үйрету.

б) Оқушыларды әдепті, тәртіпті, ибалы болуға тәрбиелеу.

Көрнекілік:плакаттар, суреттер, мақал-мәтелдер.

І. Ұйымдастыру бөлімі.

- Балалар,бүгін сабағымызға қонақтар келді.Барлығымыз тұрып амандасамыз.

-Балалар, көңіл күйлерің қалай? Қазір, ортаға шығып,шаттық шеңберіне тұрыңдар.Тағы да көңіл күйімізді көтеріп алайық.

Амансың ба, алтын күн

Амансың ба, жер- ана.

Амансың ба, достарым,

Сендерді көрсем қуанам.

- Енді,балалар жайлап орындарыңа отырыңдар.

-Балалар, мен сіздерге тапсырма берген болатынмын, 2 топқа бөлініп топ басшысын сайландар деп.Бүгінгі тәрбие сағатымыз ерекше өтеді.

- Себебі, қазір «Кім жылдам?» ойынын ойнаймыз.

- Мен сендердің дайын екендеріңді көріп тұрмын.

- Балалар,дайынсыңдар ма?

- Жарайсыңдар.

-Ендеше сіздерді ойынның ережесімен таныстырамын.

-Мұқият тыңдаңдар.Сұрақтарға дұрыс,анық жауап беріңдер.

Ойынның мақсаты:

-Алтын сандыққа жетіп,ішіндегі сыйлықты алу.Алтын сандыққа не арқылы жетуге болады деп ойлайсыңдар?

-Дұрыс айтасыңдар,бапалдақ арқылы жетуге болады.Бұл да жай баспалдақ емес,сиқырлы баспалдақ.Баспалдақтың әрбір сатысының тапсырмалары, сұрақтары бар.Қай топ сұрақтарға дұрыс,анық жауап береді, сол топ алтын сандыққа жетіп, сиқырлы сыйлықтарға ие болады.

-Балалар, бүгінгі сабақ барысында кезекші ы,і дыбыстарына көп сөздер кездеседі.

Дұрыс,анық айтыңдар.

-Ойынның шарты түсінікті болса,ойынды бастайық.

- Дайынсыңдар ма?

- Балалар, сұрақтарды,тапсырмаларды мұқият тыңдаңдар.

- Дұрыс, анық жауап беріңдер.

1.-Бірінші тапсырма:

Таныстыр- деп берілген.Яғни әр топ өзін таныстырады.

-Сіздің топ бастасын.

- Топбасшы кім?

-Сөз кезегі өзіңде.

-Рахмет, келесі кезекті 2-ші топқа беремін.

-Жарайсыңдар, балалар. 1-ші сатының сендерге жақсы тілегі бар.

-Барлығымыз, бірге оқимыз: «Достарың көп болсын».

-Келесі 2-ші сатының тапсырмасын көрейік.

2.-Дос деген кім?

- Дос- ең жақын адам.

-Дос – сыр бөлісетін адам.

-Дос-әрдайым көмектесеін адам.

-Дос- күнде қасыңда жүретін адам.

-Дос-бірге қуанатын адам.

- Дос- сені түсінетін адам.

-Жарайсыңдар, балалар. Сіздер 2-ші сатының да сұрағына жақсы жауап бердің: «Досыңа әрдайым көмектес».

3.Балалар, 3-ші тапсырма: Мінездерін тап деп аталады.( Суретпен жұмыс )

-Барлығың тақтаға қараңдар.

- Мына суреттегі қандай оқушылар?

- Әдепті оқушылыр.

- Ал 2-ші суреттегі ше?

-Әдепсіз оқушылар.

-Қазір мен сіздерге топшамаларды үлестіремін.

-Топшамадағы жазылған әдепті және әдепсіз оқушылардың мінездерін дұрыс анықтап ілулерің керек. Ақылды, адал, салмақты, мейірімді, кешірімді, ұқыпты, әдепті, тәртіпті.

-Ақылсыз, тентек, мейірімсіз, ұқыпсыз, ашушаң, тәртіпсіз.

-Жарайсыңдар,балалар. 3-ші сатыдан да сүрінбей өттіңдер.3-ші сатының

кеңесін, қане, бәріміз бірге оқиық: «Достарыңды ренжітпе».

-Балалар, 4-ші сатының тапсырмасы Жалғастыр деп аталады.

Яғни, 1-ші топ мақал-мәтелдің алғашқы жолын айтады. Келесі топ мақалды жалғастырады.

-Жарайсыңдар, балалар бұл кезеңнен де жақсы өттіңдер.

-4-ші кезеңнің сіздерге ақылы: «Достарыңды кешіре біл».

- Қане, бірге айтайықшы.

- Балалар,5-ші сатыға да келіп жеттік.

-Бесінші сатының тапсырмасы: Досыңа тілек айт-деп аталады.

-Балалар, мынау сіздердің еңбек сабағында жасаған жұмыстарың.

- Мен қазір сіздерге үлестіремін. 1.Достарыңның атын жазасыздар. 2.Досыңа тілек жазасындар.Мысалы: Дана, ешқашан ауырма.

-Балалар, жарайсыңдар. Алтын сандыққа жетуге 1-тапсырма қалды.

Ол Достық шеңбері деп аталады екен. Барлығың ортаға шығып, шеңберге тұра қалыңдар.

- Балалар, менің қолымдағы не?

-Лента.

-Бір-бірден ұнаған түсті лентаны алыңдар.

-Енді, бір ұшын өзің ұстап көршіңе жылы сөз айтып, лентаның 2-ші ұшын көршіңе ұсынасың. Көршісі, рахмет айтып, ары қарай жалғастырады.

Ақылдысың, әдемісің, ұқыптысың, тәртіптісің, жақсысың, сыпайысың, тәртіптісің, мейірімдісің.

-Жарайсыңдар, балалар.

-Балалар, әрдайым бір-біріңмен дос,тату болыңдар.

-Барлығыңда өте жақсы қатыстыңдар, жақсы, анық сөйледіңдер .Сұрақтарға жақсы жауап бердіңдер. Екі топ та алтын сандыққа жеттіңдер.

-Елжан, «Жас қыран» тобы сайысқа қалай қатысты?

-Әділет, «Болашақ» тобы сұрақтарға қалай жауап берді?

-Мынау алтын сандықтың сыйлығы.

Облыстық есту және сөйлеу қабілеті бұзылған балаларға арналған

мектеп-интернат-кешені

«Дос болайық бәріміз !»

(ойын сабақ)

2012-2013 оқу жылы