Ашық сабақ "Достық, татулық - өмірдің қызығы" 7 сынып

Пән: Қазақ тілі

Мектеп: №1 мектеп-гимназиясы

Күні:29.11.2019

Мұғалімнің аты-жөні: Шыныбекова Ә.Б.

Сынып: 7 «А»

Қатысқаны: Қатыспағаны:

Бөлім: 4

Сүйіспеншілік пен достық

Сабақ тақырыбы

Достық, татулық – өмірдің қызығы

Осы сабақта қол жеткізілетін оқу мақсаттары (оқу бағдарламасына сілтеме)

7.О5.Мәтін бойынша проблемалық сұрақтарға жауап беру.

7.А4.Өлең құрылымы мен ой желісін сақтап,тақырыпқа байланысты берілген мәселенің оңтайлы шешілу жолдары немесе себептеріне өз көзқарасын білдіру.

7.ӘТН4.2.Еліктеу сөздердің стильдік мәнін түсініп қолдану.

Сабақ мақсаттары

Барлығы көтерілген мәселені болжайды.

Көбі еліктеу сөздерді, ауызша жұмыстарда орынды қолданады.

Кейбірі мәтіндерді талдайды.

Бағалау критерийі

Өлеңнің негізгі мазмұнын түсінеді.

Нақты ақпаратты ажыратады.

Құндылықтарға баулу

-шығармашылық және сын тұрғысынан ойлау;

-достық және айналадағыларға қамқорлық жасау;

-жауапкершілік.

Пәнаралық байланыс

Музыка, қазақ тілі, қазақ әдебиеті.

Сабақта қолданылатын ресурстар

1.Интерактивті тақта

2.А-3 парағы

3.Постер

4.Стикерлер

5.Оқулық

6.Слайдтар

7.Маркерлер

8. Бейне көрсетілім

Оқыту әдістері:

«Еркін әңгіме», «Миға шабуыл», «Галереяны шарлау»,«Он сұрақ!»,«Бір сөзбен түйіндеу», «Қол шапалақ», «Бас бармақ», «Смайликтер», «Екі жұлдыз, бір тілек», «ПОПС формуласы», «Білім қоржыны».

САБАҚ БАРЫСЫ:

Сабақтың жоспарланған кезеңдері

Сабақтағы жоспарланған іс-әрекет

Ресурстар

Сабақтың басы

Психологиялың ахуал қалыптастыру.

Мұғалім ынтымақтастық атмосферасын орнату үшін «шаттық шеңберін» құрады.

«Достық - өмір үшін ең қажетті нәрсе, өйткені ешкім ешқашанда барлық басқа игілікке түгел ие бола тұрса да, дос-жарансыз өмірді қаламақ емес» деп Аристотель атамыз айтқандай, айналамызда көңіл-күйі көтеріңкі, жақсы достарымыздың болғанын бәріміз ұнатамыз. Ендеше қол ұстасып, досымызға жақсы көңіл-күй мен жақсы тілек білдіру үшін ортаға шығып, «Жүректен жүрекке» шеңберін құрайық.

Топқа бөлу:

I топ:«Дос»

II топ:«Достық»

III топ:«Татулық»

Миға шабуыл.

-Достық деген не?
-Дос деп кімдерді айтамыз?
-Достарды қайдан кездестіруге болады?

-Достың қанша түрі бар?

-Амал достық дегеніміз не?

-Шын дос қандай болуы керек?

-Жалған достық дегенді қалай түсінесіңдер?

Ойтүрткі.Топқа тапсырма

I топ: Бозбалаларды достыққа, татулыққа жетелейтін қандай қасиеттер деп ойлайсыңдар?

II топ:Ақынның «жолдастық, сұхбаттастық – үлкен іс» деген сөзін қалай түсінесіңдер?

III топ: Ақынның сырлас құрбы-құрдасқа қойған талабын қазіргі заман тұрғысынан бағалаңдар.

Дескриптор:

-мәтінді мәнерлеп оқиды;

-жаңа сөздерді үйренеді;

-топпен бірігіп жұмыс жасайды;

-берілен сұрақтарға жауап беріп, пікір бөліседі.

Қалыптастырушы бағалау. «Бас бармақ» тәсілі арқылы бағаланады.

«Екі дос» бейнеролик көрсету.

2-тапсырма.Айтылым. «Еркін әңгіме» әдісі бойынша еліктеу сөздердің түрлерін қатыстырып, «Екі дос» тақырыбында қызықты әңгіме сұхбат құрастырыңдар.

Дескриптор:

-әңгіме құрастырады;

-еліктеу сөздерді қолданады;

-тақырып бойынша пікір алмасады.

Қалыптастырушы бағалау. Топтар «Екі жұлдыз, бір тілек» әдісі арқылы топтар бір-бірін бағалайды.

3-тапсырма.Қанатты сөздерді оқып, Абай ойымен үндестікті табыңдар. «Галереяны шарлау» әдісімен көзқарастарыңды білдіріңдер.

Дескриптор:

-тірек сөздерді табады;

-мәтіннен қажет ақпарат алады;

-тақырып бойынша пікір алмасады.

Қалыптастырушы бағалау. «Қол шапалақ» тәсілі арқылы бағаланады.

Тренингке арналған жүрекше

Сабақтың ортасы

Қуандық Рахым. «ЖАН ДОСЫМА» бейнеролигін тамашалау.

4-тапсырма. «Он сұрақ!» әдісі. 3 топқа бірдей достық туралы мақал-мәтелдердің жалғасын табу тапсырмасы беріледі.Дұрыс, бұрыс жауапты аудио тыңдалым әдісі арқылы тексереді.

1. «Кемшіліксіз …. іздеген адам …. қалады».

2. «Дұшпан …. айтады, дос….айтады».

3. «…. жаңасы жақсы, … көнесі жақсы.».

4. «……….ақшаң болғанша, көп досың …».

5. «Досы жоқпен …. , Досы көппен … ».

6. «…. басқа қарайды,… аяққа қарайды».

7. «Ақылсыз ….ақылды дұшпан ….».

8. « Досың мың …., … біреу болса да көп».

9. « … адам тамыры жоқ … тең»

10. « … дос болсаң, Сасқанда ақылың айтар.

… дос болсаң, Топ ішінде бетің қайтар».

Жауаптары:

1. «Кемшіліксіз дос іздеген адам доссыз қалады».

2. «Дұшпан күлдіріп айтады, дос жылатып айтады.

3. «Киімнің жаңасы жақсы, достың көнесі жақсы».

4. « Көп ақшаң болғанша, көп досың болсын».

5. «Досы жоқпен сырлас, Досы көппен сыйлас».

6. «Дос басқа қарайды, Дұшпан аяққа қарайды».

7. «Ақылсыз достан ақылды дұшпан артық».

8. «Досың мың болса да-аз,

Дұшпаның біреу болса да-көп».

6. «Доссыз адам тамыры жоқ ағашпен тең»

10. «Білімдімен дос болсаң, Сасқанда ақылын айтар.

Білімсізбен дос Білімсізбен дос болсаң, Топ ішінде бетің қайтар».

Сабақтың соңы

Сабақ соңында оқушылар «ПОПС» формуласы арқылы ой түйін жасайды.

Пікір: «Біздің ойымызша, ...»

Дәлел: «Себебі .. ескеру керек»

Мысал: «Оны біз ... сияқты фактілермен, мысалдармен дәлелдей аламыз».

Қорытынды: «Осыған байланысты біз: «...»деген шешімге келдік»

Кері байланыс.

«Білім қоржыны» тәсілі арқылы жүргізіледі.

Үйге тапсырма. Үй тапсырмасы ретінде оқулықтағы

5-тапсырма беріледі. Тапсырманың шарты, қалай орындау қажет екені түсіндіріледі._

Стикерлер үлестіру.