Ашық сабақ Ихсанова Жумазия 9 сынып

Сабақтың тақырыбы: Квадрат теңдеулердің түбірлерінің формуласы.
Сабақтың мақсаты.:
1.Коррекциялық-білімділік: квадрат теңдеулерді шешудің жолдарын, әдіс-тәсілдерін меңгерту.
2.Коррекциялық-дамытушылық: өз бетімен ойлау қабілеттерін арттыру, әр оқушының білім деңгейлерін ескере отырып, тақырыпты қайталау.
3.Коррекциялық -тәрбиелік: математика пәнінің нақтылығына көз жеткізу, оқушының пәнге деген қызығушылығын арттыру, математикалық мәдениетке тәрбиелеу. Жүйелі түрде жұмыс істеуге, өз ойын тиянақты жеткізе білуге үйрету.
Сабақтың түрі: білімдерін жинақтау, жүйелеу, қорытындылау сабағы.
Сабақтың типі: практикалық сабақ.
Көрнекілігі: сызбалар, деңгейлік тапсырмалар жазылған үлестірме қағаздар.

Техникалық құрал: интерактивті тақта, интернет жүйесі

Сөздік: квадрат теңдеу, квадрат түбір, дискриминант, толымсыз, толық квадрат теңдеу, келтірілген теңдеу, түбір, формула, коэффицент, бос мүше, айнымалы.
Сабақтың барысы:

1.Ұйымдастыру.

-кезекші дыбыстармен жұмыс

- ауызша есептеулер

- сөздік жұмыс

2.Үй тапсырмасын тексеру.
а) Сұрақтар арқылы өтілген материалды қайталау (1 слайд)
1.Квадрат теңдеулердің түбірлерін табатын формуланы жаз.
2.Толымсыз квадрат теңдеулердің түбірлерінің формуласы қандай?
3.Келтірілген квадрат теңдеулердің түбірлерінің формулаларын жаз.

ә) Квадрат теңдеулердің түрлерін анықтау (2 слайд)
1. Түбірі бірден аспайтын квадрат теңдеудің мысалын келтір.
2. Қандай жағдайда квадрат теңдеудің түбірлері болмайды?

б) Көп нүктенің орнына керекті сөзді қойып оқу (3 слайд)

1) ах² + вх +с = 0 түріндегітеңдеуді ... деп атайды.

2) Квадрат теңдеудің түбірлері ...байланысты.

3) Егер Д= 0 болса, квадрат теңдеудің ... түбірі бар.

4) Теңдеуді шешу деп түбірлерін табу немесе ... екенін дәлелдеу.

5) Кез келген сөзде, кез келген өсімдіктегі сияқты теңдеудіңде ... бар.

6) 2х ²-5=0 теңдеуі ... квадрат теңдеу.

Керекті сөздер: толымсыз, бір ғана, дискриминант, түбірі, жоқ, квадрат теңдеу.

3. Өзбетімен жұмыс (деңгейлік тапсырма)

4.  "Квадрат теңдеудің түрлерін анықтау."

5."Қатесін тап "ойынын өткізу.

  (х-3)²=3х-11                                         (х-1)(х+1)=2х-1

   х²-6х-9+3х+11=0                                 х²-1+2х+1=0

   х²-3х-2=0                                              х²+ 2х=0

   а=1; в=-3; с=2                                      х(х+2)=0

   Д= (-3)²-4·1·2=9-8=1 Д>0                   х+2=0

   х₁=2   х₂= 1                                           х=-2

Жауабы: х₁=2  х₂=1                                х=-2

6. Оқулықпен жұмыс.

Класта: №261 (2,4,6,8)

Үйге: №261 (1,3,5,7)

(квадрат түбір формуласы

тірек сызба ретінде көрсетіледі.)

а) 3х²-5х-2=0
ә)х²-9х+14=0
б)7х²+2х-9=0
в) 4х²+7х+3=0

5. Ертегі есеп.

Ертеде бір кемпір өмір сүріпті. Мал дегеннен жалғыз сиыры бар екен. Ауылдың шетіндегі жұпыны үйде, жалғыз сиырының сүтімен күн кешіп жатқан. Бір күні сиырды ұрлап кетуге ұрылар келеді. Мұны байқап қойған кемпір, бір шелек суды алып,былай деп әндетіпті:

сапырып –сапырып Сарманға бер,

құйып алда Құрманға бер.

Төрдегі төртеуге бер,

есіктегі екеуге бер.

Өзің іш, сосын маған бер.

Мұны естіген ұрылар: “ойбай, кемпірді санамағанның өзінде, біз олардың квадрат түбірінен шыққандай екенбіз. Аман тұрғанда қайтайық”- деп жөндерімен кетіпті.

Сұрақ: ұрылар нешеу болған?

6. Сабақты қортындылау.
Бағалау, дыбыстарды дұрыс айтуы мен анық сөйлеулерін бағалау, үй жұмысы