Ашық сабақ. Имандылық – адамгершілік пен ізгіліктің тірегі тарбие сағаты 5-11-сыныптар

Тәрбие сағаты

Тәрбие сағатының тақырыбы: Қауіпсіз қоғам

«Имандылық – адамгершілік пен ізгіліктің тірегі»

Сынып: 5-11

Сынып жетекші:

Қауіпсіз қоғам

«Имандылық – адамгершілік пен ізгіліктің тірегі» тәрбие сағатының жоспары

Тақырыбы: Қауіпсіз қоғам

«Имандылық – адамгершілік пен ізгіліктің тірегі»

Мақсаты:

• Оқушыларға буллингтің (қорқыту, кемсіту, әлімжеттік) не екенін түсіндіру;

• Буллингтің түрлері мен оның салдары туралы ақпарат беру;

• Оқушыларды өзін-өзі қорғауға, құрдастарын қолдауға, мейірімділік пен сыйластыққа тәрбиелеу;

• Мәселені шешудің дұрыс жолдарын көрсету.

Қатысушылар: 5-11 сынып оқушылары
Өткізу форматы: Тренинг, сұхбат, рөлдік ойын, бейнежазба көру
Қажетті құралдар: Презентация, бейнероликтер, постерлер, қағаз, маркерлер

Сабақтың барысы:

1. Ұйымдастыру кезеңі (5 минут)

• Оқушылармен амандасу.

• "Жылы сөз" тренингі: әр оқушы бір-біріне жақсы тілектер айтады

• Оқушылар сурет таңдау арқылы топқа бөлінеді

• Топқа бөлу: Оқушыларды "Имандылық", "Адамгершілік", "Ізгілік" сөздерімен топтастыру.

Тақырыпты таныстыру: «Имандылық – адамгершілік пен ізгіліктің тірегі».

ІІ. Негізгі бөлім (25 минут)

Қызығушылықты ояту (7 минут)

• Сұрақ: "Имандылық деген не?"

• Бейнематериал көрсету: "Имандылық – адамгершілік негізі" (қысқа видео үзінді);

• Бейнематериал бойынша талқылау.

Мағынаны ашу (20 минут)

Имандылықтың мағынасы:

Имандылық – адамның рухани-адамгершілік қасиеттерінің жиынтығы, ар-ұждан тазалығын сақтауға бағытталған ішкі сенімі мен ұстанымы. Бұл ұғым қазақ халқының ұлттық дүниетанымында терең мағынаға ие, адамгершілік пен әдептілікке негізделген. Имандылық – адалдықты, шыншылдықты, әділдікті, сабырлылықты, мейірімділікті, кешірімділікті қамтитын қасиет.

Адамгершілікпен байланысы:

Адамгершілік – адамның моральдық құндылықтарын, әдеп нормаларын сақтау, айналасындағы адамдарға құрметпен қарау және адал қарым-қатынас жасау қабілеті. Имандылық адамгершілікке негізделеді, өйткені иманды адам әрқашан шыншыл, әділ, кішіпейіл болады және өзгелерге мейіріммен қарайды. Яғни, имандылық – адамгершіліктің рухани тірегі.

Ізгілікпен байланысы:

Ізгілік – адам бойындағы қайырымдылық, мейірімділік, жанашырлық, өзгенің игілігі үшін жақсылық жасауға ұмтылу. Имандылық ізгілікпен тығыз байланысты, себебі иманды адам әрқашан ізгі істерге бейім, жақсылықты насихаттайды және айналасына шапағат шуағын шашады. Имандылық – ізгіліктің қайнар көзі, себебі ол адамдарды бір-біріне мейірімді, әділ және адал болуға шақырады.

Топтық жұмыс:

Оқушылар 3 топқа бөлінеді:

 1-топ: "Имандылықтың адам өміріндегі маңызы" постер жасау;

 2-топ: "Адамгершілік пен ізгілік туралы мақал-мәтелдер" жинақтау;

 3-топ: "Имандылыққа қатысты өмірлік жағдайлар" сахналық көрініс дайындау.

Әр топ өз тақырыбын талдап, постер жасап, қорғайды.

Шығармашылық тапсырма:

Ой толғаныс (8 минут)

• "Екі жақты күнделік" әдісі:

  • Сол бағанға – сабақтан алған негізгі ойды жазады;

  • Оң бағанға – сол ойдың өз өмірлерінде қалай көрініс табатынын жазады.

• "Ыстық орындық" әдісі:

Бір оқушы алға шығып, имандылық туралы ойын ортаға салады, сынып сұрақтар қояды..

ІІІ.Қорытынды бөлім (10 минут)

• "Бір ауыз сөз" әдісі (оқушылар сабақтан алған әсерін бір сөзбен жеткізеді).

• "Имандылық – адамгершілік пен ізгіліктің тірегі" екенін түсіну;

• Оқушылардың рефлексиясы: "Маған бүгінгі сабақтан ұнағаны…" сөйлемін аяқтау;

Үй тапсырмасы:

1. " Имандылық – адамгершілік пен ізгіліктің тірегі " тақырыбында шағын әңгіме жазу.