Ашық сабақ "Жалқаулыққа жол жоқ"

Білім беру саласы: Денсаулық

Ұйымдастырылған ашық оқу іс-әрекеті: Денешынықтыру

Мақсаты: Денсаулықтың адам баласына табиғаттың берген сыйы

екенін түсінуге тәрбиелеу. Қимыл-қозғалыс дағдыларын

қалыптастыру. Белгілі бір бағытқа шапшаңдықпен,

жылдамдата жүгіруге жаттықтыру.

Тәрбиеші: Сәлеметсіздер ме? Көрермендер, топ тәрбиешілері. Дарынды бүлдіршіндерді анықтау үшін, ортаға II-ші сәбилер тобының бүлдіршіндерін шақырамыз. (Әуенмен, спорттық киінген бүлдіршіндер шеңбер жасап тұрады.)

Шаттық шеңбері: Армысың, алтын күн!

Армысың, асыл жер!

Армысың, жан досым!

Жылуыма жылу қос!

Тәрбиеші: Балалар, «Тазалақ - денсаулық, денсаулық - байлық негізі» - деген, қазақ халқында мақал бар. Бүгін сендердің өз денсаулықтарыңа қандай жауапкершілікпен қарап, қалай бағалайтындарыңды көретін боламыз. «Жалқаулыққа жол жоқ» атты эстафеталық ойындарымызды бастаймыз.

Бой жазу жаттығулары:

1. Сапқа тұру.

2. Жәймен жүру.

3. Саппен жүгіру.

4. Аяқ ұшымен жүру.

5. Өкшемен жүру.

Дамытушылық жаттығулар:

1. «Міне, біз қандай үлкенбіз» (қолды жоғары көтеріп созылу). «Біз енді кішкентаймыз» (отырып, қолды тізеге қою). Б.қ Тік тұру, қол төменде. 2-3 рет.

2. «Ұзын аяқтар» (еденде отырып, қолды артқа тіреу, аяқты бірге алға созу). «Қысқа аяқтар» (аяқты жиып, тізені бүгіп, құшақтау).

3. «Құстар ұшады» (еркін тұрып, бір орында секіру).

Тәрбиеші: Дүниедегі ең үлкен бақыт – денсаулық. Денсаулығымыз болмаса көп ауыратын боламыз. Не үшін көп ауырамыз деп ойлайсыңдар? Себебі, адамдар жалқаулықтан, қомағайлықтан, ластықтан ауырады. Жалқаулыққа жол бермеуіміз керек.

Негізгі қимыл-қозғалыс жаттығулары:

1. «Қояндар секіреді» (арқан үстінен секіру).

2. Төрт тағандап еңбектеу.

3. Бір орында тұрып, ұзындыққа секіру.

Тыныс алу жаттығулары:

«Ботқа қайнайды» сол қол іште, оң қол кеудеде. Ішті тартып, ауа жұтып, кеудемізді үреміз де, оң қолымызды ішімізге түсіріп, шшш деп айта отырып ішімізді сипаймыз.

Тәрбиеші: Сендер, өте жылдам екенсіңдер. Ендеше, денсаулық туралы мақал-мәтелдер айтып, оны қалай түсінетіндерің туралы айтып жарысасыңдар. Мен мақалдың басын айтамын, сендер жалғастырып және қысқаша түсінік бересіңдер.

1. Тәні саудың - (жаны сау)

2. Денсаулық - (зор байлық)

3. Ас адамның - (арқауы)

4. Ішің ауырса - (аузыңды тый)

Сендер еліміздің болашағы, қазақтың атын бүкіл елге танытатын, дарынды бүлдіршінсіңдер. Олай болса бүгінгі эстафеталық ойынымызды аяқтаймыз.

ММ Өкпе ауруларына қарсы сауықтыру

«Балдырған» балабақшасы

(ЭСТАФЕТАЛЫҚ ОЙЫНДАР)

Тәрбиеші:Қарымбаева.А

II-ші сәбилер тобы

17.03.2014ж