Күні: 20.01.21ж

Пәні:Жаратылыстану

Абдраш Назарбеков атындағы № 87 ЖОББМ

Мұғалімнің аты – жөні: Диханбаева Нышанкуль

Сынып: 3 «Ә»

Сабақтың тақырыбы:

Жер сфералары дегеніміз не?

Оқу мақсаттары

3.4.1.1 Жер сфераларын түсіндіру және графиктік кескіндеу;

3.1.2.1 ақпарат көзінің түрлерін анықтау;

Сабақ мақсаттары

Барлығы: жер сфераларын түсіндіру және графиктік кескіндеуді үйренеді.

Көпшілігі: жердің қандай қабықтары болатынын біледі.

Кейбірі: жердің әр қабығы неден құралатынын анықтайды.

Бағалау критерийлері

жер сфераларын түсіндіру және графиктік кескіндеуді үйрену;

жердің қандай қабықтары болатынын білу;

жердің әр қабығы неден құралатынын анықтау;

Тілдік мақсат

Пәнге тән лексика мен терминология:

Сфералар, биосфера, литосфера, гидросфера, атмосфера.

Диалог пен жазу үшін пайдалы сөздер мен тіркестер:

Жер сфералары неден құрылған?

Құндылықтарды дарыту

Бір-бірін тұлға ретінде қабылдап, ой-пікірлерін тыңдау, адамгершілікке тәрбиелеу.

Пәнаралық байланыстар

Дүниетану, көркем еңбек.

Сабақ барысы

Сабақтың жоспарланған

кезеңдері

Сабақта жоспарланған іс-әрекет

Ресурстар

Сабақтың басы

Ұйымдастыру кезеңі: Сәлемдесу, сәттілік тілеу.

Өткен сабақты пысықтау:

«Сұрақ-жауап» әдісі

Неге адамдар егіншілікпен айналыса бастады?

Ол үшін қандай жағдайлар қажет?

Топырақты өңдеуге арналған құралдар қандай өзгерістерге ұшырады?

Суретпен жұмыс

Өткен сабақты қорыту

Бояғыштарды бояу

1.Бағбандар немен айналысады?

2. Көкөністерге не жатады?

3 . Дәнді дақылдарды ата ?

4. Төрт түлік малға нелер жатады?

Б ағбаншылық, бақшалық, астық шаруашылықтарын бөліп атап шығу.

Сабақтың ортасы

Сабақтың соңы

Жаңа сабақ

Тақырыбы: Жер сфералары дегеніміз не?

Жердің қандай қабықтары болатынын білеміз.

Жердің әр қабығы неден құралатынын анықтаймыз.

Тірек сөздер: сфера, биосфера, литосфера, гидросфера, атмосфера.

«Жедел жауап» әдісі

• Мектебіміздің аты кімнің атымен аталады?

• 1.Ұлы отан соғысының ардагері, ұстаз- Абдраш Бейдалыұлы Назарбековтың туылғанына 100 жыл.

• 2.Қазақтың аса көрнекті ағартушы- педагогы, қазақтың алғашқы ұстазы Ыбырай Алтынсариннің 180жылдығы.

• 3.Ұлы ақын Жамбыл Жабаевтың туғанына 175жыл.

• 4.Күш атасы палуан Қажымұқан Мұңайтпасовтың туғанына 150жыл.

• Табиғат дегеніміз не? /

• /Бізді қоршаған орта: жан-жануарлар мен өсімдіктер, Жер, Ай, Күн, Жұлдыздар барлығы да табиғат деген ауқымды ұғымды білдіреді. Жанды, жансыз болып екіге бөлінеді./

• Жанды табиғат жансыз табиғаттан қалай ерекшеленеді?

• Қандай өсімдіктерді білесің?

• Үйіңде қандай жануарлар бар? Ал таныстарыңда ше?

Оқушылардың өсімдіктер мен жануарлар туралы білімдерін тексеру. Тапсырманың мақсаты: оқушылар табиғат – бізді қоршап жатқан заттар, ағзалар мен құбылыстарды, тірі ағзалардың жансыз табиғатқа қарағанда дем алатынын, қоректенетінін, көбейетінін естеріне түсіру.

Зертте. Жеке берілген суреттерді сипаттау.

-Жердің неше қабығы бар?

-Әр қабыққа қандай нысандар кіреді?

-Жердің бірінші қабығында не орналасқан?

-Жердің екінші қабығында нелер бейнеленген?

-Жердің үшінші қабығы туралы не айта аласыңдар?

-Жердің төртінші қабығына не жатады?

-Неге су қабаты ең төменгі қабықта орналасқан деп ойлайсың?

-Олардың арасында ортақ не бар?

Жер қабықтары

Жердің төрт қабығы бар. Олар сфералар деп аталады.

Атмосфера

Биосфера

Гидросфера

Литосфера

Түсіндіру. Жер қабықтарының атаулары грек сөздерінен шыққанын айтып, термин сөздермен таныстыру.

Тыңдалым:

--Атмосфера  (гр. атмос «бу» және гр. сфера — «шар») - жердің ауа қабығы. Атмосфера – ауа, химиялық қоспалар мен су буынан тұратын күрделі жүйе.  Аспан денелерін қоршап тұрған газ қабығы.

--Биосфера (гр. биос—тіршілік, өмір, гр. сфера — шар) — бұл ұғым биология ғылымына XIX ғасырда ене бастады. Ол кездерде бұл сөзбен тек жер жүзіндегі жануарлар дүниесі ғана аталатын. Биосфера - жердің тіршілік қабаты.

--Гидросфера (гр. гидро— су, сфера — шар) — жер ғаламшарының су қабығы немесе құрлықтағы (тереңдегі, топырақтағы, жер бетіндегі), мұхиттағы және атмосферадағы, яғни жер шарындағы барлық сулардың жиынтығы.  Жердегі судың барлығы гидросфераны құрайды. Оның ішіне мұхиттар, теңіздер, көлдер, өзендер, жерасты суы және т.б. кіреді.

--Литосфера  — жердің қатты қабығы (грек. литос - тас, сфера — шар) — жердің сыртқы қатты қабаты, жоғары гидросфера және атмосферамен шектеседі.

Оқылым: оқулықта берілген мәтінді оқу

Модельдеу. Бұл жұмыста оқушылардың мақсаты: жер қабықтарына сәйкес нысандарды топтау. Жұмысты орындау үшін оқушыларға жердің қабығы пазл түрінде жазылған атаулар беру. Оқушылар ақпарат көздерінен әр қабықта не орналасқанын біліп, бос пазлдарға жазу немесе суретін салу, сәйкес атауға біріктіру.

Жүргізуге арналған нұсқаулық

• Пазлдарды Жер қабаттарының грекше атаулары мен оның әрқайсысында орналасқан нысандар сәйкес болатындай етіп жинау.

Модельдеу жұмысына қойылатын критерийлер:

• Жер қабығын ретімен орналастыру

• Жер қабатына нысандарды дұрыс орналастыру

• Өз шешімдерін дәлелдеу

• Ерекше нысандарды тауып жазу

Жазылым: Жер қабығының атауларын жазу.

.............. – жел, жаңбыр, ауа, қар

............... – өзен, көл, теңіз, айсберг

................ – өсімдік, жәндік, құс,

................ – көмір, қарашірік, құм, шөгінді.

Тексеру.

Атмосфера – жел, жаңбыр, ауа, қар

Гидросфера – өзен, көл, теңіз, айсберг

Биосфера – өсімдік, жәндік, құс,

Литосфера – көмір, қарашірік, құм, шөгінді.

Өзін-өзі бағалау түрін ұйымдастыру.

Айтылым: Қай жерде орналасқан?

Жердің төрт қабығында орналасқан нысандар бейнеленген суреттер беру. Суреттер бойынша олардың қай қабатта орналасқанын анықтау және дәлелдеу.

Ойлан. Диаграмма сызу

Бұл тапсырманы сыныппен орындау. Оқушыларға Жер қабықтарының өзара байланысын және оларды диаграмма түрде қалай бейнелеуге болатынын түсінуге қолайлы жағдай туғызу.

• Күн қай қабықта орналасқан?

• Биосфера қабығында нелер бар?

• Бұл диаграмма неліктен бір-бірімен қиылысады?

Жеке қалыптастырушы бағалау.

Дифференциация – оқушыларға көбірек қолдау көрсетуді қалай жоспарлайсыз? Қабілеті жоғары оқушыларға қандай тапсырмалар қоюды жоспарлап отырсыз?

Бағалау – оқушылардың материалды меңгеру деңгейін тексеру жоспарыңыз?

\ҚБ\ «Өте тамаша»

/ҚБ\«От шашу»

Денсаулық және қауіпсіздік техникасы

ның сақталуы
табиғатты қорғау, қамқорлық жасау