Минск орта мектебі

Рухани жаңғыруға байланысты

іс – шара есебі 2017 – 2018 оқу жылы

11.12.17ж. күні өлкетану факультатив сабағы аясында «Көкшетау – құт дарыған мекенім» атты тақырыпта 6-7 сынып оқушыларымен сабақ өткізілді.

Мақсаты: Көкшетау өлкесінің тұнып тұрған сыр, сөйлеп тұрған сурет екенін ұғындыру. Оқушылардың туған жер тарихын білуге қызығушылығы мен танымдық қабілетін дамыту.

Қатысқан оқушылар саны: 7.

Қатысқан мұғалімдер: 5.

Сабақ барысы география пәнінің мұғалімі Ауел Бақыткерейдің Көкше өлкесі туралы дайындаған слайд – шоу материалымен, оқушыларға жалпы мәліметтер берілді. Атап айтатын болсақ, Көкшетау облысының құрылуы, табиғаты, климаты, өнеркәсібі, экономикалық жағдайы, сонымен қатар, сұлу өлкенің ерекше көркем жерлері туралы баяндады.

Одан кейін оқушылар арқа өңірінде туған тарихи тұлғалардың өмірінен сыр шертіп, олардың еңбектерін атап айтты.

Мұғалім оқушылардың білімдерін толықтыра түсу үшін «Арқаның кербез сұлу Көкшетауы» атты тақырыпта бейнематериал көрсетті. «Көкшетау» сөзжұмбағын шешті.

«Білім ағашында» жапсырылған географиялық сұрақтарға жауап берді.

Қорытындылай келе, Көкшетаудың жалпақ жазира төсінде еркелей қол бұлғап, аты аңызға айналған ескерткіш таулары туралы көп мағлұматтар алды. Жер байлығы, экономикалық жағдайы, Көкшетаудың қазақтың Швейцариясы атанған өлке екенін таныдық. Табиғатты аялау керек екенін айтты. Мұғалім сабақтың соңын, С. Сейфуллиннің «Көкшетау» поэмасының үзіндісімен аяқтады.

География пәнінің мұғалімі: Ауел Б.