Обылыстық есту және сөйлеу қабілеті бұзылған балаларға арналған мектеп-интернат-кешені

Сыныптан тыс шара

Күлше қыз

(Ертегісінен қойылым)

Орындаған:Зинуллина Р.А

Орал қаласы 2017

Сабақтың тақырыбы:Күлше қыз ертегісінен қойылым.

Коррекциялық білімділік мақсаты:

Оқушылардың танымдық қабілетін жетілдіре отырып ертегі мазмұнын білу,өз ойын тұжырымдап жеткізуге үйрету.

Коррекциялық дамытушылық мақсаты:Таным қабілеттерін, қызығушылықтарын арттыру,ой өрістерін, тілдік қорларын, есте сақтау қабілеттерін дамыту.

Коррекциялық тәрбиелік мақсаты:Ертегі арқылы балаларды адамгершілікке,мейірімділікке және адалдыққа еңбек сүйгіштікке тәрбиелеу.

Көрнекілік:интерактивті тақта.

Сөздік:әдемі киімдер,сиқырлы таяқ.

Сабақтың әдісі:Ертегі қойылымын орындау.

Өтетін орыныМәжіліс залы.

Күлше қыз ертегісі Е.Шварцтың ертегісі

Кейіпкерлер

Күлше қыз,ханзада,өгей шеше, екі сіңлісі, қайырымды пері,әкесі,ханымдар мен мырзалар.

І.бөлім.Музыка Лесной Царь Ф.Ш

( Әуен ойналады) Сахнаға күлше қыз шығып,үйді жинастырады,еден сыпырады.

Күлше қыз-өгей шешесі мен оның екі қызынан теперіш көріп, өз үйінде өзі күн болған мейірімді де,сұлу қыз.Өгей шеше қызына өте қатал болады. Үнемі жұмыс жасатып,күн көрсетпеді. Еден сыпыру,жуу,тазалау Күлше қыздың күнделікті тапсырмасы болатын.Оған қоса кір жуу,от жағу,пештің күлін шығару міндеті де бар еді. Тынығу демалуға мүмкіндік жоқ.Өгей әпкелері Күлше қызды мазақтап «Күл қыз» деп атаған.

Күндердің күні патша сарайында жас бикештерге арналған сауық кеші өтеді.Күлше қыз да сол кешке барғысы келеді.Бірақ жетімдік аяғына тұсау болады.

(Ортаға өгей шеше екі қызымен шығады)

Күлше қыз: О о о менде кешке барамын.

1 қыз:Патшақыз сені шақырған жоқ.

2 қыз:Сендер кір қожалақтарды шақырмайды.(Күлше қызды итеріп жібереді)

Өгей шеше: Қыздарым менің әдемі,

Сұлулықтың әлемі.

Ойын сауық кешінде,

Боласыңдар әдемі.

(Ортаға екі қыздары шығып шешелерінің қолынан ұстап залдан шығып кетеді)

(Күлше қыз ортада жылап отырады)

Өгей шеше:

Тапсырма мен ойлап таптым.

Көңілді сен босатпа

Біз келгенше кешімізден,

Мыналарды жинақта.

(Еденге шелектерді төгіп тастайды..)

ІІ.бөлім.

Күлше қыз ортаға шығып жылайды.

Ортаға қайырымды пері шығады қолында сиқырлы таяғы бар.

Күлше қызға қайырымды пері мейіріммен қарап, құшағына алып,көңілін көтереді.

Күлше қыз:Сәлем бердім сізге мен,

Келгеніңе қуанып.

Не істеймін енді мынаны,

Қалай жинап үлгерем?-деп көмек сұрайды.

Фея: Жылама қызым,жылама,

Жақсылықтың бәрі алда.

Орындалып арманың,

Сенде кешке барасын.-дейді де көмекшілерін шақырады.

Көмекшілерім қайдасыңдар?

Көмекшілер:Жұмыстан біз қашпаймыз,

Бәрін жинап тастаймыз.-деп бұршақтарды жинайды.

Күлше қыз:Қандай ғажап адамсыз,

Ризамын мен өмірге.

Ойын сауық кешіне,

Кір көйлекпен қалай барамын.

Фея: Ай мен Жұлдыз жарығы,

Жол көрсетер сендерге.

Құпия сыйқыр таяғы,

Әдемі өтер сені де.

Қайырымды пері Күлше қызға сыйқырлы таяқшасының арқасында үстіне әдемі көйлек, жалтыраған шыны кебіс кигізіп, сиқырлы күймемен сауық кешіне жібереді.

Күлше қыз әдемі көйлекпен таңданып,қуанып қалады.

(Фея мен Күлше қыз қоштасып залдан шығып кетеді).

ІІІ.бөлім. Ерте ғасырдағы әуен.(балл)

Салтанатты сарайда би кеші басталады.Осы кешке Өгей шешесі мен оның екі қызы шығып, тағзым етеді.

Ханымдар мен Мырзалар шығады.

Ханзада келіп мырзалар мен ханымдармен амандасады.Осы кешке Күлше қыз әкесімен бірге шығады.Ханзада Күлше қызға қарап:

------------ Күлше қызға таңданып,

Келгеніне қуанып.

Көтерілді көңілім,

Бейтаныс қыз қолынды бер

Кел билейік танысып.

(Ханзада мен Күлше қыз билейді)

Екеуі кеш бойы бірге билеп, бірге жүреді. Осы кештің сәніне айналады. Кенет сағат түңгі 12 болғанда Күлше қыз үйіне асығады. Сарайдан жүгіріп, шығып кетеді.Ештеңеге түсінбеген Ханзада қыздың артынан жүгіреді.Жолдан Күлше қыздың аяғынан шешіліп қалған бір хрусталь кебісті тауып алады. Сол кебісті алып,көңілсіз күйде болады.

ІV.бөлім. (Күлше қыз ертегісінен көңілді әуен)

Күлше қыз үйге оралып Өгей шешесінің тапсырмасын орындайды. Үй жинап, пештің күлін тазалайды. Осы кезде Өгей шешесі екі қызымен үйге келіп, Күлше қыздан не істегенің сұрай бастайды.Оның жұмысына риза болмай итеріп жібереді.

Жүргізуші: Ханзада болса сыңар кебісті қолына ұстап, үй-үйді аралап,ханшайымды іздейді. Өгей шешейдің үйіне келіп, кебісті қыздарына кигізіп көруге береді. Алдымен, үлкен қызы кебісті киіп көреді, бірақ кебіс үлкен болып шығады. Екінші қызда киеді, оған тар болып шығады. Ханзада Күлше қызға көзі түсіп кебісті оған береді.Ал, кебіс Күлше қызға құйып қойғандай дәл келеді.

Осы кезде мейірімді пері шығып, сиқырлы таяғымен Күлшеге әдемі көйлек кигізеді. Сұлу болған күлше қыз ханзадамен би билейді.Оларды көрген Өгей шешемен қыздары келіп,Ханзадан, Күлше қыздан кешірім сұрайды.

Өгей шешесі мен қыздары:

Бізді кешіріңіз, енді біз адал, мейірімді боламыз.

Қорытынды:

Күлше қыздың қызыққа толы хикаясы ертегісі сіздерге ұнаған шығар деп ойлаймын.