Ашық сабақ "Мағжан Жұмабаев «Қазақ тілі», «Мен кім?» өлеңдері" 6 сынып

Сынып: 6

Пәні: Қазақ әдебиеті

Тақырып: Мағжан Жұмабаев «Қазақ тілі», «Мен кім?» өлеңдері

Мақсаты:

Білімділік: Оқушыларға ақпараттық білім көзі арқылы Мағжан Жұмабаевтың

өмірі мен шығармашылығы жайында түсінік беру. «Қазақ тілі», «Мен кім?» өлеңдерінің мазмұнын ұғындыра отырып ақынның өршіл де жігерлі бейнесін таныту.

Дамытушылық: Оқушыларға бүкіл өмірін Алашына арнаған ұлы ақын Мағжан Жұмабаевтың «Мен кім?», «Қазақ тілі» өлеңдерінің мазмұны мен идеясын меңгерту, ойлау белсенділігін, сөздік қорын молайту, шығармашылық ізденіске баулу, сөйлеу мәдениетін жетілдіру, ойлау қабілетін дамытып, әдебиет ғылымына қызығушылығын арттыру.

Тәрбиелік: Автор көтерген идея арқылы жас ұрпақты қайырымдылыққа, жанашарлыққа, мейірімділікке тәрбиелеу, жаман әдеттен жирендіру.

Сабақ түрі: Қалыпты сабақ.

Әдісі: түсіндіру, суреттеу, салыстыру, сұрақ-жауап, сөздікпен жүмыс, бағалау, бекіту, қорытындылау.

Көрнекілігі: ақын портреті, көркем әдебиеттер, бейнелі суреттер, рефераттар, бүктемелер.

Сабақтың формалары: жеке баламен, топпен, сынып ұжымымен жұмыс жүргізу.

Сабақтың типтері: ұйымдастыру кезеңі, үй тапсырмасын сұрау, жаңа сабақты түсіндіру, бағалау, қорытындылау.

САБАҚ БАРЫСЫ

І. Ұйымдастыру.

1. Сәлемдесу.

2. Кезекші мәлімдемесі.

3. Журнал бойынша түгелдеу.

4. Жаңа сабаққа дайындық.

ІІ. Үй тапсырмасын сұрау.

1. А.Байтұрсынұлының өмірі, шығармашылығы жайлы сұраймын.

2. Қалаған өлеңін жатқа сұраймын.

3. Қосымша сұрақтар қою аркылы өткен тақырыпты қорытындылаймын.

4. Оқушылардың берген жауаптарына қарай білімдерін бағалаймын.

б) Жаңа сабақты түсіндіру

Бүгінгі жаңа сабақта оқушыларға Мағжан Жұмабаевтың өмірі, шығармашылығы, «Қазақ тілі», «Мен кім?» өлеңдері жайлы түсіндіремін.

Қаршадайынан зерек, Шығыс, Батыс әдебиетін еркін игерген Мағжан қазақ поэзиясына балғын шағында-ақ ерекше, аса талантты болмысымен келді. Қазақ ауыз әдебиетінің тұнығына қана отырып, жарқ етіп шыққан Абай поэзиясын өзіне мектеп етті.

Мағжан - ұлтын тереңнен сүйген ақын. «Адам,- дейді ол, - шын адам боламын десе, халық ісі, халық пайдасы жолында құрбан бола білсін». Ақынның өзі де осы ізгі мақсаттың құрбаны болды.

- Балалар, бүгін біз сендермен ақын Мағжан Жұмабаевпен және оның «Қазақ тілі», «Мен кім?» өлеңдерімен танысамыз.

Таныспас бұрын осы ақын жайында кім не біледі?

( Оқушылардың ойын білу, қысқаша конспект жасату )

М.Жұмабаевтың «Қазақ тілі» өлеңін мәнерлеп оқыту.

Өлеңнің негізгі тақырыбы не?

Ақынды толғандырған тіл тағдыры екеніне көз жеткіз

Бұл өлеңнің бүгінгі күндегі маңыздылығы неде?

Ана тілінің келешегіне деген ақын сенімі мен үмітінің өміршеңдігін дәлелдеп көріңдер.

Мемлекеттік тіл туралы сұхбат жүргізу.

Өлең мазмұны сендерге қалай әсер етті?

Шығармашылық жұмыс

«Мен кім?» өлеңі бойынша талдау

нұр теңіз

жолбарыс арыстан

жерде - жел көкте - бұлт

тұлпар жалын

күн

-Неліктен ақын өзін осылай бейнеледі еп ойлайсыңдар?

- Ал, сендер, өздеріңді кімге немесе неге балар едіңдер? Не себепті?

- Бұл өлеңде ақынның лирикалық қаһарманы кім?

Сабақтың қорытындысы:

1. Сабақ соңында сұрақ қою арқылы жаңа тақырыпты қорытындылаймын.

2. Оқушылардың берген жауаптарына қарай білімдерін бағалаймын.

3. Үйге тапсырма: Өлеңдердің қалағанын жаттап келу. «Бабам тілі – мәңгілік» атты тақырыпта ойтолғау немесе эссе жазу