Ашық сабақ. Мектепалды даярлық сыныбы. Сезім мүшелері.

Тәрбиеші

Нурпайзова Чахризад Сарсенбековна

Тобы

Мектепалды даярлық

Білім беру саласы

Таным

Оқу пәні

Жаратылыстану

Бөлім

1.Тірі табиғат

Бөлімше

1.4 Адам

Тақырыбы

Сезім мүшелері

Оқу мақсаты

0.1.4.2. Сезім мүшелерін атап олардың қызметін білу.

ҰОҚ мақсаты

Сезім мүшелерін атайды және қызметін біледі.

Күтілетін нәтиже

• Адамның сезім мүшелерін атайды

• Сезім мүшелерінің қызметін біледі.

Қолданылатын әдіс-тәсілдер

Сұрақ-жауап, тәжірибе, ойын. «Миға шабуыл» әдісі.

Жоспарлау

ҰОҚ кезеңдері

Жоспарланған іс-шаралар

Ресурстар

Кіріспе бөлім

5 мин

Ынталандыру:

Біздің сынып әдепті

Бәріне көмек береді.

Біздің сынып әрқашан

Жетістікке жетеді.

Біздің сынып қашанда

Алғашқы болып жүреді.

Мұғалімдер барлығы

Бізді мақтан етеді

«Миға шабуыл» әдісі. Жұмбақтар шешу.

Кішкене ғана тостаған

Жер дүниені бастаған. (Көз)

Күмбір-күмбір қарағым,

Қартайғанша жарадың (Құлақ)

Дәу үңгірдің қақпасы,

Жабылады, ашылып,

Жоқ болса да топсасы. (Ауыз)

Алқапта бар биік тау,

Алды тікжар қиық тау.

Қос үңгірі желдетіп,

Ауа жұтар селдетіп. (Мұрын)

Бұлардың барлығын бір сөзбен не дейміз?

Олай болса бүгінгі оқу қызметіміз адамның сезім мүшелері туралы болмақ.

Негізгі бөлім

20 мин

Сезім мүшелері туралы видео жазба көрсетіп, сезім мүшелері туралы толық ақпарат беру.

ҰЖ. «Кім шапшаң?» ойыны .

Жетелеуші сұрақтар қою. Бала үні. Саралаудың диалог тәсілі.

• Сезім мүшелеріне нелер жатады?

• Көз қандай мүше? (көру)

• Құлақ қандай мүше? (есту)

• Тіл қандай мүше? (сөйлеу және дәм сезу)

• Мұран қандай мүше? (иіс сезу)

• Тері қандай мүше? (сипап сезу).

• Тері арқылы нені сеземіз? (ыстық суықты)

Кері байланыс: жұлдызша арқылы мадақтау.

Сергіту сәті

Бір – таңертең тұр

Екі – шынығып бекі

Үш – тазала тіс

Төрт – сабындап жу бет

Бес – сүртіп тез

Алты – үйді жина

Жеті – киін енді.

ЖЖ. «Мозайка құрастыру» ойыны. Болжау әдісі.

Әр жұпқа бір сезім мүшесінің суреті беріледі. Үлестірмелі карточкалар арасынан сол мүшесіне қатысты суреттерді тауып, мозайка құрастырады.

Бақылау: зерттелетін тақырыпқа дұрыс бағыт-бағдар беремін.

Саралаудың ресурстарды сарлау тәсілі арқылы балалардың алдына ортақ міндет қойылады, бірақ әртүрлі деңгейде дамыған дағдыны талап ететін түрлі ресурстар ұсынамын.

Кері байланыс: смайлітер арқылы мадақтау.

Сезім мүшелері видео жазба.

https://youtu.be/xjbdyzC-mF4

Қорытынды бөлімі

5-мин

Рефлексия:

• Иіс сезу мүшесі не?

• Көру мүшесі не?

• Дәм сезу мүшесі не?

• Есту мүшесі не?

• Оның қызметтері қандай?