Ашық сабақ, Мектепалды даярлық тобы Отбасы

ӨРКЕНДЕУ БАЛАЛАРДЫ ДАМЫТА ОҚЫТУ ОРТАЛЫҒЫ

2020-2021 ОҚУ ЖЫЛЫ

Авторы: Сердалиева Канбибі Жетесқызы

Тобы: мектепалды даярлық

Пәні: Тіл дамыту

Тақырыбы: Отбасы

Сабақтың мақсаты: а) білімділік; Балалардың қызығушылығын оятып, білімдерін шыңдау; ә) дамытушылық; Балалардың ой-өрісін кеңейтіп, байқампаздық қабілеттерін дамыту; б) тәрбиелік; Балаларды қамқорлыққа,сүйіспеншілікке тәрбиелеу;

Сабақтың көрнекіліктері: отбасыға арналған суреттер,үлкен қалың дінді ағаштың суреті,жапырақтар,ағып жатқан бұлақтың суреті,таратпа қағаздар;

Сабақтың әдіс-тәсілдері: топпен жұмыс,ауызекі сөйлесу,суретпен жұмыс;

Сабақтың барысы:

I Кіріспе бөлім

Балалармен амандасу; Түгендеу;Назарларын сабаққа аудару;Бүгінгі күндеріне сәттілік тілеу;

II Негізгі бөлім

Отбасы туралы толық мәлімет беру; Отбасы мүшелерімен таныстыру; Отан отбасынан басталатынын толық ұғындыру;Әр баланың өз отбасына деген махаббатын ояту;Отбасы мүшелерінің үйде атқаратын қызметтерін айту;Кез-келген сәтте өз отбасына пана,қамқор оларды мақтан ететіндей салаларына сіңдіру;Үлкен-кішіге,туысқа деген сыйластықтарын арттыру;Отбасының қорғаны әке екендігін,отбасының жылуы ана екендігін ой -саналарына салу; Отбасы үшін кім не істей алады?деген сұраққа жауап алу; Өзара әңгімеге тарту;

Сұрақтарға жауап алу;Тақтадағы суреттермен жұмыс;

Сергіту сәті: Бес саусақ әні Бас бармағым әкем Балаң үйрек анам

Ортан терек ағам,кішкентай бөбек апам,шылдыр шүмек мен

Топ-топ барайық, Жалаудан күн жасайық, Екі қолды ашайық,Екі қолды қосайық,Шапалақты соғайық, Бас бас бас бармақ,Ертең үлкен боламыз,Біз бақытты баламыз.

Қорытынды бөлім

Балаларға сұрақтар қойып олардың отбасы ішіндегі қарым-қатынасын пайымдау; Әр балаға сүйіспеншілікті түсіндіріп,олардан алған жауаптарына риза болып қошемет көрсету;Балалар отбасының әлеуметтік ортада қандай орын алатынын түсінді;

Бағалау: Балаларды жеке-жеке мадақтай отырып жақсы көңіл күндегі смайликтерді беру;

Балалармен сабақты бірге аяқтап,үй тапсырмасына әр бала өз отбасының суретін ақ қағазға салып келу беріледі;

-Сау болыңдар балалар!

Нұр -Сұлтан қаласы,2020ж