Пән: Әдебиеттік оқу Мектеп: №9

Ұзақ мерзімді жоспар бөлімі: 1. Тыңдалым және айтылым

2. Оқылым

3. Жазылым

Бөлімше: 1.2. Шығарманы мазмұндау

2.2. Шығарманың мазмұны бойынша сұрақтар қою және жауап беру

3.2. Шығарманың түрлі жанр бойынша шығармашылық жұмыс жасау

Күні: 20.04.2018 Мұғалімнің аты-жөні:

Сынып: 2 сынып Қатысқандар саны: 25

Қатыспағандар саны: 0

Сабақ тақырыбы

Қош келдің, Наурыз!

Осы сабақ арқылы жүзеге асатын оқу мақсаттары

2.1.2.1. Шығарманың мазмұнын дайын жоспар бойынша немесе өз сөзімен мазмұндау.

2.2.2.1. Мұғалім көмегімен қарапайым және нақтылау сұрақтарын қою және оның жауабын шығармадан таба білу.

2.3.2.1. Мұғалім көмегімен үлгі бойынша шағын ұйқастарды қатыстырып, өлең құрастыру.

Сабақ мақсаттары

Сабақтың мақсаттары оқушылардың қажеттіліктерін ескере отырып SMART форматта құрастырылган.

Барлық оқушы: Наурыз мерекесі мәтінін түсініп оқу, наурызға тілек жазу.

Оқушының көпшілігі: Берілген сұрақтарға жауап беру, бір шумақ өлең құрастыру.

Оқушылардың кейбірі: Қабдеш Жұмаділов туралы сызбаны толықтыру.

Ойлау деңгейлері

Түсіну, қолдану

Бағалау критерийлері

1. Шығарманың мазмұнын өз сөзімен айтады.

2. Мұғалімнің көмегімен қарапайым және нақтылау сұрақтарының жауабын шығармадан табады.

3. Наурыз мерекесіне байланысты өз бетімен бір шумақ өлең құрастырады.

4. Берілген бейнебаянды есте сақтай отырып, сызбаны түрлендіреді.

Тілдік мақсат

(тілдік емес пәнге)

------------------------

Пәндік лексика және терминдер

Наурыз – Март – March

Талқылауға арналған сұрақтар:

Жабық сұрақ:

1. Наурыз мерекесі қай мезгілде тойланады?

2. Наурыз көжеге қанша дәм қосылады?

Ашық сұрақ:

1. Қ.Жұмаділов туралы қандай мәлімет білдіңдер?

2. Әңгіме не себепті «Үзынсары» деп аталады?

Құндылықтарды дарыту

Қазақтың салт-дәстүріне құрметпен қарау . «Құрметпен қарау» жалпы сабақ барысында іске асады.

Пәнаралық байланыстар

Көркем еңбек . «Ерекше кітаптар»тақырыбындағы, әртүрлі тәсілдер мен материалдарды және компоненттерді өлшеу,белгілеу,қию, формасын келтіру,жинақтау,қосу және біріктіру мақсаты бойынша даярланған «Ашықхат»

АКТ қолдану дағдылары

Смартфон қолдану

Бастапқы білім

Наурыз мерекесі туралы біледі

(Бұрыннан бар білімді тапсырмаларды түрлендіру арқылы белсендіремін.)

Сабақтың жоспарланған кезеңдері

Сабақтағы жоспарланған іс-әрекет

Дерексөздер/

Ресурстар

Сабақтың басы

10 мин

Оқушыларды түгендеу. Бүгінгі сабаққа назарларын аудару.

Психологиялық ахуал:

Күн жарығын алақанға саламын,

Жүрегіме басып ұстай қаламын,

Ізгі әрі нәзік, әрі жарық, мейірімді,

Болып кетер сонда жан-жағым.

Сындарлылық теориясы негізінде үй тапсырмасын пысықтау:

Мағжан Жұмабаевтың «Бесік жыры» өлеңін мәнерлеп оқыту және «Серпілген сауал» тәсілін пайдалана отырып, оқушыларға ашық, жабық сұрақтар ұсыну арқылы оқушылардың тақырыпты қайта қарау үшін және қызығушылықтарын,білуге құмарлықтарын оятуға түрткі боламын.

1. «Бесік жыры» неге айтылады?

2. Ана баласына қандай сөздер айтады?

3. Анаң сені қалай еркелетеді?

Белсенді оқытудың «Нұсқау беру және айту» тәсілі, саралаудың «Диалог және қолдау көрсету» тәсілі. Тыңдалым және айтылым.

Сабақтың тақырыбын ашу мақсатында жұмбақ өлең оқып, шешуін тапқызу.

Қыдыр ата келген

Жақсы тілек берген

Тіршілік оянған,

Ақ нұрға боялған.

Жеті түрлі дәм салып,

Дәм татқызған ән салған.

Қай мереке жар салган?(Наурыз)

Қалыптастырушы бағалау: «Бас бармақ» тәсілі, кері байланыс, жауап берген оқушыларға смайлик таратып отыру.

Интербелсенді тақта

Сабақтың ортасы

25 мин

Бағалау критерийі

1. Шығарманың мазмұнын өз сөзімен айтады.

Бағалау критерийі

2. Мұғалімнің көмегімен қарапайым және нақтылау сұрақтарының жауабын шығармадан табады.

Бағалау критерийі

3. Наурыз мерекесіне байланысты өз бетімен бес жолды өлең құрастырады.

Бағалау критерийі

4. Берілген бейнебаянды есте сақтай отырып, сызбаны түрлендіреді.

1 тапсырма: Мәтінді мәнерлеп тізбектей оқу

«Конверттегі сұрақ» тәсілі арқылы мәтін бойынша сұрақтар беру (топтық жұмыс) Белсенді оқытудың «Сұрақ қою және талқылау» тәсілі,саралаудың «Диалог және қолдау көрсету» тәсілі.

1 топ Наурыз мерекесі қандай мереке?

2 топ Наурыз көже қандай тағам?

3 топ Наурыз мерекесінде ойналатын қандай ұлттық ойын түрлерін білесіңдер?

Дескриптор:

1. Мәтінді түсініп оқиды.

2. Сұрақтарға жауап береді.

Қалыптастырушы бағалау: «Бас бармақ» тәсілі, кері байланыс, жауап берген оқушыларға смайлик таратып отыру.

2 тапсырма:( Ұжымдық жұмыс), Белсенді оқытудың «Нұсқау беру және айту» тәсілі,саралаудың «Дереккөздер» тәсілі.

Ұзынсары сөзінің мағынасын смартфонның көмегімен интернет желісінен анықтау.

Мәтінді мәнерлеп тізбектей оқыту.

Сұрақ-жауап әдісі арқылы мәтіннің мазмұнын пысықтау

Дескриптор:

1. «Ұзынсары» сөзінің мағынасын табады.

2. Мәтінді түсініп оқиды.

3. Сұрақтарға жауап береді.

Қалыптастырушы бағалау: «Бас бармақ» тәсілі, кері байланыс, жауап берген оқушыларға смайлик таратып отыру.

3 тапсырма: Жұппен жұмыс/Белсенді оқытудың нұсқау беру және айту тәсілі/ Саралаудың «Диалог және қолдау көрсету» тәсілі.

Наурыз сөзіне бір шумақ өлең құрастыру:

Наурыз келді далама

..................................

Наурыз келді қалама

.................................

Дескриптор:

1. Тірек сөздерді қолданады.

2. Өлең құрастырады.

Қалыптастырушы бағалау: «Бас бармақ» тәсілі, кері байланыс, жауап берген оқушыларға смайлик таратып отыру.

4 тапсырма: Жеке жұмыс/Белсенді оқытудың «қҚорытынды шығару» және «Есте сақтау» тәсілі, Саралаудың «Дереккөз» тәсілі арқылы электронды дереккөзді пайдалану

.Автор туралы мәлімет:

Қабдеш Жұмаділов туралы бейнебаянды көре отырып, автор туралы сызбаны толықтыру.

.

Дескриптор:

1. Бейнебаянды есте сақтайды.

2. Сызбаны толықтырады.

Қалыптастырушы бағалау: «Бас бармақ» тәсілі, кері байланыс, жауап берген оқушыларға смайлик таратып отыру.

Ширату жаттығуы (Ұжымдық жұмыс, айтылым )

«Наурыз дастарқаны» ойыны. Оқушылар наурыз дастарқанына қойылатын тағамдардың атауларын атайды.

(музыка қосылып тұрады)

Конверттер

Интернет желісі

Дәптермен жұмыс

Бейнетаспа

Сабақтың соңы

5 мин

Сабақты бекіту:

Белсенді оқытудың «Қорытынды шығару және есте сақтау» әдісі, саралаудың «Қорытынды» тәсілі.

1 Наурыз мерекесінің ерекшелігі неде?

2 «Ұзынсары» дегеніміз не?

3.Наурыздағы тілек өлеңімен танысу.

Наурызда ата-анаңа қандай тілек айтар едің? Ашық хақа жазу. (Көркем еңбек пәнінен даярлаған ашық хатқа өздерінің ата- аналарына арналған тілектерін жазады)

Кері байланыс, әр оқушының жинаған смайликтерін санау арқылы оқушылардың нақты білімін бағалау.

Үйге тапсырма «Ұзынсары» мәтінін оқып, мазмұнын айту.

Саралау-оқушыларға қалай көбірек қолдау көрсетуді жоспарлайсыз? Қабілетті жоғары оқушыларға қандай міндет қоюды жоспарлап отырсыз?

Бағалау-оқушы

білімін тексеруді қалай жоспарлайсыз?

Денсаулық және қауіпсіздік техникасының сақталуы

Сабақтың басында оқушылардың назарын сабаққа аударып,психологиялық ахуал арқылы сапалы білім алуға,белсенділікке,ұйымшылдыққа,мейірімділікке шақырамын.

Сындарлық теориясы негізінде үй тапсырмасын пысықтаймын.Мағжан Жұмабаевтың «Бесік жыры» өлеңін мәнерлеп оқытып, «Серпілген сауал» тәсілін пайдалана отырып, «Ашық,жабық» сұрақтар ұсыну арқылы,оқушылардың тақырыпты қайта қараулары үшін және қызығушылықтарының артып,білуге құмарлықтарын оятуға түрткі боламын.Бұл белсенды оқытудың «Нұсқау беру және айту тәсілі»,саралаудың «Диалог және қолдау көрсету» тәсілі.Оқу дағдылары; тыңдалым,айтылым..

Жалпы сабақ барысында «Диалагты және қолдау көрсету» тәсілін жүзеге асырамын.

Бірінші тапсырмада топтық жұмысты белсенді оқытудың «Сұрақ қою және талқылау» тәсілін қолданудағы мақсатым барлық оқушылардың қатысып отырғанына көз жеткіземін,түрлі сұрақтар қоя отырып,жауаптарын тыңдап,білімдерін дамыту үшін сындарлы әрекет ету,ойларына түрткі боламын. Саралаудың «Диалог және қолдау көрсету» тәсілінде сөзбен қолдау көрсету және ынталандыру, «Қарқын» тәсілін белгілі уақыт беру арқылы окушыларды жігерлендіру мақсатында қолданамын. М:Қай топ бірінші дайын болады?

Екінші тапсырмада саралаудың «Дереккөздер»тәсілін бейнежазба көрсету арқылы қолданмын.Саралаудың бұл тәсілін қолданудағы мақсатым кейбір оқушылардың басқа сыныптастарына қарағанда анағұрлым күрделі дереккөздермен жұмыс істей алатындықтарын ескеріп,окушы қажеттіліктеріне қарай ресурстар ұсынып жұмыс жасатамын.Бұл тапсырма белсенді оқытудың «Нұсқау беру және айту» тәсілі,яғни ерекше назар аударуы қажет мәселелерге көңіл бөлемін. Оқушылар мәтінді оқи отырып, нақтылау сұрақтарын мәтіннен таба алуларын жетілдіруді көздеймін.

Үшінші тапсырмамда жұппен жұмыс жасау арқылы белсенді оқытудың «Нұсқау беру және айту» және саралаудың «Диалог және қолдау» тәсілдерін пайдалана отырып, «Наурыз» тақырыбына бір шумақ өлең құрастыру.Бұл тапсырманы орындаудағы мақсатым оқушылардың ой-өрісін, тілдік қорларын дамыту,тірек сөздерді қолдана отырып, өлең шумақтарын құрастыра алуға жетелелеймін.

Төртінші тапсырмамда оқушылармен жекелей жұмыс,белсенді оқытудың «Қорытынды шығару және есте сақтау» және саралаудың «Дереккөз» тәсілін қолданудағы мақсатым ,мәтіннің авторы Қ.Жұмаділов туралы бейнебаянды көріп,көрген бейнебаянды есте сақтай отырып ,сызбаны түрлендіре алуларын қалыптастыру болады.

.

Критериалды бағалауды іске асыруда сабақ мақсатынан бағалау критерийін құрастырдым.Әр критерийді орындауға бағытталған тапсырмалар құрастырдым. Оқушылардың тапсырмаларды орындау барысында мүмкіндік деңгейлеріне қарай смайлик тарату арқылы қолдау көрсетіп отырамын,бұл саралаудың «Бағалау» тәсілі.Қалыптастырушы бағалау мақсатында «Бас бармақ» әдісін қолдану арқылы оқушының ішкі уәжін оятып,сабаққа деген қызығушылығы мен ынтасын арттырып отырамын.

Оқушылардың нақты білімін анықтау үшін, әр тапсырманы орындау нәтижесінде жинаған смайликтерді санау арқылы көз жеткіземін.Оқушылардың әрбір тапсырманы орындағанына сәйкес,кері байланыс арқылы білім алушының жауабын қолдап және түзетуге мүмкіндік беремін.

Оқушылар партада кеуделерін тік ұстап отыру Ширату жаттығуын жүргізу Көзге,қолға арналған жаттығулар жасату.