Ашық сабақ "Міржақып Дулатов. "Бақытсыз Жамал" романы 11-сынып

Сабақтың тақырыбы:

«М.Дулатұлы. «Бақытсыз-Жамал» романы»

11-сынып

Пән мұғалімі: Зәкариянова Сандуғаш Зарыққанқызы

Алматы қаласы Түркісіб ауданы С.Сейфуллин атындағы №74 жалпы білім беретін мектеп, қазақ тілі мен әдебиеті пәнінің мұғалімі .

Поштаның мекенжайы: Сейфуллин даңғылы 107, индекс 050037

Жұмыс орнының телефоны: Алматы. 8 (727)-2-94-58-40

Электрондық пошта: sandugash.zakariyanova@mail.ru

Ұялы телефон: 87016797731, 87479573987.

Түсінік хат

«М.Дулатұлы. «Бақытсыз-Жамал» романы» тақырыбындығы сабақ 11 –сыныптың қазақ әдебиеті пәні бойынша ұсынылып отыр.

Сабақта «әдеби шығарманың жанрына байланысты сюжеттік желілерін анықтау; Шығарманың тақырыбы мен идеясын , тарихи құндылығын бағалау » мақсаттарын жүзеге асыруды жоспарладым. Роман желісімен танысқан оқушылар шығарманы талдайды. «Тарихтың, мәдениет пен тілдің біртұтастығы» атты «Мәңгілік Ел» идеясының құндылықтарын игерту көзделді. Тарих, қазақ тілі пәндерімен байланысты.

АКТ-ны қолдану дағдыларын қалыптастыру үшін интербелсенді тақтадан тапсырмалар көрсетіліп, оқушылардың өз бетімен жұмысын ұйымдастыру мақсатында ноутбук қолданылады, топтық жұмыста таныстырылым дайындайды.

Сабақта оқушылардың зейін аудару үшін психологиялық ахуал қалыптастыру мақсатында «Сатамын және сатып аламын» тренингін өткіземін.Оқушыларды шеңбер бойымен тұрып,қасындағы көршісіне өзінің жағымсыз қасиетін сатып, оның жақсы қасиетін сатып алады. Бұл оқушыларды сергіту мақсатында да қолданылады.

«Ой қозғау» әдісі негізінде «Бақытсыз Жамал» романы не себепті құнды деп ойлайсыңдар?» атты сұраққа «Әдеби әңгіме шеңберінде» берген тапсырманы талқылайды. Бұл тапсырма арқылы оқушылардың тақырыпты меңгеру деңгейі бақыланады.

Топтық жұмыс ретінде оқулықта берілген «Бақытсыз Жамал» романының бөлімдеріне композициялық талдау жасап, алдарындағы ноутбукта таныстырылым дайындап, ортаға шығып қорғайды. Топтық жұмыс берілген дескриптор бойынша бағаланып, «Екі жұлдызша, бір тілек» арқылы кері байланыс беріледі.

Сабақта жұппен жұмыс «Пікір пирамидасы» әдісі арқылы жүзеге асады. Ұсынылған әдіс арқылы оқушылар әңгіме кейіпкерлерінің іс-әрекеттері арқылы образдарын талдайды, кейіпкерлердің іс-әрекеттеріне дәлел келтіреді.

Жеке жұмыс бойынша ұсынылған кесте бойынша әңгімеден негізгі кейіпкерді сипаттайтын тұстарын тауып, портреттерін жинақтайды. Бұдан соң «Т» кестесін толтырады. Онда «Жамал трагедиясы-бүкіл халықтық трагедия ма, әлде бір қыздың бас қайғысы ма? сұрағының төңірегінде ойларын ортаға салады. Сабақты қорытындылау үшін топтық жұмыс ретінде «Ойланудың алты қалпағы тәсілі» арқылы оқушылардың ой қорытуына мүмкіндік беріледі.

Сабақтың соңында « 5-5-1» әдісі бойынша әр оқушы сабақ туралы өз ойларын білдіреді.Оқушылар сабақ кезінде нені меңгергені жайлы 5 сөйлем жазады. Одан кейін 5 сөйлем орнына 5 сөзге дейін қысқарады. Одан кейін 5 сөз 1 сөзге қысқарады. Оқушылар өздерінің түйінді сөзін сыныпқа ұсыну арқылы кез келген істе түйін болу керектігін түсінеді . Саралау тапсырмасы ретінде «Сол замандағы қазақ тұрмысынан менің түсінгенім» атты эссе жазу беріледі Шығармадан дәлел келтіре , өзіндік пікір білдіреді.

Қысқа мерзімді жоспар:

Қосымша

11-сыныпта қазақ әдебиеті «М.Дулатұлы. «Бақытсыз-Жамал» романы» тақырыбы бойынша сабақтың нәтижесінде сюжеттік –композициялық жоспар құруды оқушылар меңгереді.Оқушылардың барлығы әдеби шығарманың жанрына байланысты сюжеттік желілерін анықтай алады. Оқушылардың көпшілігі шығарма жанрына байланысты сюжеттік желілеріне талдау жасайды. Осы нәтижеге қол жеткізу үшін тиімді әдіс –тәсілдер сабақта қолданылды.

Оқу мақсаттарына қол жеткізу үшін сын тұрғысынан ойлауға үйрету, оқыту мен оқуда АКТ-ны пайдалану, диалогтік оқыту, оқыту үшін бағалау және оқуды бағалау, қалай оқу керектігін үйрену, талантты және дарынды балаларды оқыту модульдері арқылы жүзеге асырамын. Мәселен, «Екі жұлдыз, бір тілек» әдісі арқылы оқушылар бір-бірін бағалағанда нақты және шынайы екі жетістігін, сондай-ақ бір ұсыныс, сын айтады. Бұл оқушылардың жанындағы сыныптасының еңбегін дұрыс бағалауы үшін ойлануына әкеледі. Оқушы сыни тұрғыдан ойлана отырып, өзін немесе сыныптасын бағалайды және оның дұрыс, нақты, шынайы болуына көңіл бөледі. Бұл өмірлік қажетті жағдаят болатыны анық. Сондықтан сабағымда оны қолдану маңызды деп түсінемін. Сабағымда диалогтік оқыту мен сын тұрғысынан ойлауға үйрету модульдеріне сүйендім. Таңдаған белсенді әдіс-тәсілдерім арқылы оқушыға тапсырманың орындалуына бағыт-бағдар беремін. Осы белсенді әдіс-тәсілдерді қолдану арқылы оқушылар өзара әрекеттесіп, мақсатқа қол жеткізеді. Жеке жұмыс, топтық, жұптық, жұмыстар жасау жолдары да жоспарланды. Тапсырмалар оқу мақсатымен байланысқан, сараланған және жас ерекшелігіне сай таңдап алынды.

Сабақтан деректер:

АКТ-мен жұмыс.Таныстырылым дайындау сәті

Таныстырылымды қорғау. «Пікір пирамидасы». «Ақылдың алты қалпағы».