Ашық сабақ М.Мағауиннің «Бір атаның балалары» әңгімесі 6-сынып

М.Мағауиннің «Бір атаның балалары» әңгімесіне қысқа мерзімді жоспар дайындадым. Сабағымның кіріспе бөлімін оқушы есімінің басқы әрпінен басталатын «Жылы лебіз» атты психологиялық дайындықтан бастадым. 1.«Мағынаны ашу» М.Мағауиннің «Бір атаның балалары» әңгімесіндегі бас кейіпкер кім? деген секілді әр түрлі сұрақтарға оқушылар сыни көзқараста жауап берді. 2.«Шеңбер бойымен» Сенің ойыңша әңгіме қалай аяқталады? Зекен Ахмет ақсақалдың үмітін ақтай алды ма? Осы сұрақ аясында оқушылар «Шеңбер бойымен» әдісі арқылы оқиға картасын құрды.Оқушылар талқылау кезінде түсініктеме айтуға мүмкіндігі бар екенін біліп, өздерінің бойында сенімділік қалыптасты, өздігінен жұмыс жасауға бағытталды. Сын тұрғысынан ойлаудың стратегиялық әдістері идеяларды туындатып, шығармашылық және креативтік ойды ынталандырып отырды. М.Мағауиннің «Бір атаның балалары» әңгімесіне дайындаған қысқа мерзімді жоспар қазақ әдебиеті пәнінен сабақ беретін мұғалімдерге көмегі тиеді деп ойлаймын.