Ашық сабақ Ө дыбысы мен әрпі

Сабақтың тақырыбы: Ө дыбысы мен әрпі.

Сабақтың мақсаты: Танымдық: Ө дыбысы мен әрпін таныту. Бас және

кіші әріптерін үйрету. Ө дыбысын жеке

дыбыстату.

Дамытушылық: Ойын арқылы дүниетанымын,

шығармашылық қабілеттерін ой-өрісін ,

тілін дамыту.

Тәрбиелік: Оқушыларды ұқыптылыққа, ұйымшылдыққа

әдемі, таза жазуға тәрбиелеу.

Сабақтың әдісі: түсіндіру, сұрақ – жауап.

Көрнекілігі: слайд, тақырыптық суреттер, кеспе әріптер.

Сабақтың барысы: І бөлім Ұйымдастыру кезеңі

Психологиялық дайындық

Сыныбымыз тап – таза

Борда дайын тақтада

Денемізді жинақтап

Отырамыз партаға

Бүгін сабағымыз күндегіден ерекше, өйткені бүгін сендердің алғырлықтарыңызды, тәртібіңізді бақылап отыратын қонақтар қатысып отыр сабағымызға.

- Сауат ашудан нені үйрендік ?

- Дыбыс нешеге бөлінеді ?

- әріптерден не құралады?

ІІ бөлім Қайталау - білім анасы

Қазір жылдың қай мезгілі?

Қөктемде жердің беті қандай көрпеге оранады?

Көктемде қандай ерекшеліктер болады? --

-Қар ериді, тоң жібиді,барлық жәндіктер, жабайы аңдар қысқы

ұйқысынан оянады.

Көктемде ең алғаш бәйшешек гүлі өсіп шығады.

Осы гүлдің суретін көргілерің келеме балалар?

Ол үшін біз бәйшешектің тапсырмасын орындауымыз керек.

Бәйшешек гүлінің тапсырмасы:

Өткен сабақты кайталау

• Өткен сабақта қай дыбыспен таныстық?

• З дыбысы қандай дыбыс?

Ойын: « Ыстық орындық »

Өткен сабақтар бойынша сұрақтар қою. 1,2 оқушы шығару.

Тақтаға шыққан оқушы бір әріп алып, тиісті үйшікке салып кету керек.

ІІІ бөлім Тапқыр болсаң , талас жоқ

Күзде құстар қайда ұшып кетеді? - Жылы жаққа

Көктемде олар қайта орала бастайды.

Олар бізге жұмбақ ала келіпті, құстардың жұмбағын шешіп көрейік.

Сарғайып отсыз піседі

Үзіліп жерге түседі. (өрік)

• Бұл не балалар

Өрік сөзі қай дыбыстан басталып тұр? Өөөөө

Осы дыбыс қалай айтылып тұр? Бірге айту Өөөөөө

Осы дыбыс қалай айтылып тұр? Созылып кедергіге ұшырамай айтылса, ол қандай дыбыс болады дедік? Дауысты дыбыс, қызыл текшемен белгіленеді.

Ө әрпі қай әріпке ұқсайды? О дыбысына.

О дыбысы мен Ө дыбысының айырмашылығын тапқызу.

Ауада жазып көрсету.

Бұл әріпті қай үйшікке саламыз. (қызыл үйшікке)

Сергіту сәті

Оқушыларға өткен әріптердің атын айту, егер дауысты болса,

балалар қол шапалақтайды, егер дауыссыз дыбыс болса аяқты тыпырлатады.

ІV бөлім Ойлы бала - озар

Сондаяқ көктемде, қысқы ұйқыға кеткен жабайы аңдар да ұйқысынан оянып, тіршілігін бастайды екен балалар.

Бұл кай аң? - Аю

Аюдың тапсырмасы: Оқулық пен жумыс.

1. Оқулықтағы сөздерді оқу. (қосылып оқу, жеке 3,4 оқушыға оқыту)

2. Өрік, өзен, көз, сөздерін кеспе әріптермен жазып,

дыбыстық талдау жасау, текшелермен белгілеу.

Тақтаға 3 оқушы шығару, басқа оқушылар орындарында отырып

кеспе әріптермен жазады.

3. Өө дыбысын бастырып жазу.

Қорытындылау: Сұрақ –жауап арқылы.

Бүгінгі сабақта кандай дыбыспен таныстық?

Өө дыбысы қандай дыбыс?

Мадақтау: сабаққа жақсы қатысқан

оқушыларды жұлдызша беріп мадақтау.

Көктемнің алғашқы айы қалай аталады?

Наурыз айында қандай мерекелер бар?

Алдымызда келе жатқан 21 - 22 наурыз, наурыз мерекесімен құттықтаймыз.