Ашық сабақ "Ойыншықтар"

Тіл дамыту

Мырзағазиева Гүлнар Ерназарқызы,

Қызылорда облысы, Шиелі кенті,

№ 3 Облыстық балалар оңалту

орталығының тәрбиешісі

Тақырыбы: Ойыншықтар дүкені

Сабақтың мақсаты: Балаларға ойыншықтар әлемін таныстыру.

Білімділік : Балаларға ойыншықтар жайлы әңгімелеу, сұрақ-жауап, ойын арқылы сөздік қорын молайту, дұрыс, анық сөйлеуге үйрету.

Түзете-дамытушылық: Логикалық ойлау, сөйлеу, есте сақтау қабілеттерін арттыру, ұсақ қол моторикасын дамыту.

Тәрбиелілік: Ойыншықтарды ұқыпты ұстауға тәрбиелеу.

Көрнекілігі : Ойыншықтар, Түрлі-түсті суреттер.

Ұйымдастыру кезең

Балаларды сабаққа психологиялық тұрғыда даярлау.

Үлкенге де сіз,

Кішіге де сіз,

Барша жанды құрметтеп,

Бас иеміз біз.

Қане, балалар барлығымыз шаттық шеңберін жасайық.

Біз ұқыпты баламыз,

Айтқан тілді аламыз.

Ойыншықтарды жинаймыз,

Үлкендерді сыйлаймыз.

Тәрбиші :

-Балалар ойыншықтарды ұстап, сипап, көру арқылы біз олардың қандай екенін білеміз.Ойыншықтар қатты пластмассадан, бостау резинадан, жұмсақ матадан жасалады.Олар үлкендердің еңбегінің арқасында жасалады.Сондықтан оларды ұқыпты ұстау керек.

-Енді балалар, осы ойыншықтарды қолымызбен ұстап көру, ойнау үшін ойыншықтар дүкеніне барғыларың келе ме?

-Ендеше көзімізді жұмып, сиқырлы әуенді тыңдаймыз.

-Міне, енді ойыншықтар дүкеніне де келдік.

-Сәлеметсіз бе апай!

-Саламатсыңдар ма, балалар!

-Қай жақтан келдіңдер?

«Мейірім» орталығынан келдік.

-Топтарыңның аты қандай?

- «Құлыншақ» тобы.

-Жарайсыңдар , балалар!

-Апай бізге ойыншықтар бересіз бе?

Дүкенші:

-Балалар қараңдаршы, менің дүкенімнің сөрелерінде әдемі ойыншықтар көп.

-Сендерге ұнай ма?

-Егерде сендер менің тапсырмамды орындасаңдар, қалаған ойыншықтарыңды беремін.

Тәрбиеші:

-Ал, балалар дүкеннің іші кең, орындықтары да бар екен, барлығымыз отырып, апайдың берген тапсырмаларын орындап, қалаған ойыншығымызды алайық.

1-тапсырма:

Ойын : «Түстеріне қарай орналастыр.»

Мақсаты : Ойыншықтардың түрін-түсін ажырата білуге үйрету.

2-тапсырма:

Тақпақ : Нұртілеу

Ойыншықтарым көп менің,

Бәрін жақсы көремін.

Кешке дейін жалықпай,

Бірге ойнап жүремін.

Сергіту сәті

Ұзын құлақ, сұр қоян,

Естіп қалып сыбдырды.

Ойлы-қырлы жерлермен,

Ытқып-ытқып жүгірді.

Қарап еді артына,

Қиғын сап көзінің.

Келе жатқан томпаңдап,

Көжегі екен өзінің.

3-тапсырма:

Ойын: «Көлеңкесін тап»

Мақсаты: ойыншы0тардың көлеңкелермен сәйкестендіру,

4-тапсырма:

Ойын : «Ұқсасын тап»

Мақсаты: Ойыншықтардың арасынан ұқсас ойыншықтарды таба білу.

Тәрбиеші:

Тілдік жаттығу

-НА-НА-НА Машина

-Ю-Ю-Ю Аю

- КІ-КІ-КІ Түлкі

-ШАҚ-ШАҚ-ШАҚ Қуыршақ

-Балалар ермексаздан, қағаздан, сазбалшықтанда өзіміз қалаған ойыншығымызды жасай аламыз.Қазір қағаздан қоянның келбетін жасаймыз.

Қорытындылау:

Сабақты сұрақ-жауап арқылы қорытындылау.

Сабаққа жақсы қатысқан балаларды мадақтау.