Ашық сабақ. Орамалды пішіндермен өрнектеу.

Түркістан облысы

Ордабасы ауданы

«Ақкөгершін» бөбекжай балабақшасы

«Қарлығаш» ортаңғы тобы

Ашық ұйымдастырылған оқу іс әрекеті.

Тақырыбы:«Орамалды пішіндермен

өрнектеу».

Тәрбиеші: Сейдуалиева Назира.

Ұйымдастырылған оқу іс-әрекетінің технологиялық картасы.

Білім саласы: Таным, Шығармашылық.

Білім бөлімі: Құрастыру, Сенсорика, Жапсыру.

Тақырыбы: «Орамалды пішіндермен өрнектеу».

Мақсаты: Баланы пішіндермен таныстыру, атын атауға, тани біліп ажыратуға

және салыстыруға жаттықтыру. Ойлау қабілетін, есте сақтауын, қабылдауын, зейінін дамыту, әсемділікпен ұқыптылыққа баулу. Қамқорлыққа тәрбиелеу.

Әдіс – тәсілі: Пішіндерді атау, жапсыру, сұрақ – жауап. Тосын сәт.

Көрнекілігі: Үлгілі жұмыстар. Орамалдар, бет орамалдар, әр түрлі пішіндегі құлыптар, бүктеме кітапшалар.

Балалардың зейінін өзіме аудару.

Балалардан көңіл-күйлерін сұрау.

Шаттық шеңбері.

Біз ерекше баламыз,

Айтқан тілді аламыз.

Достарымды көргенде,

Қуана қарсы аламыз.

Тақырып пен таныстыру.

«Орамалды пішіндермен өрнектеу».

-Балалар орамал екі түрлі болады:

1. Аналарымыз басына тартып жүретін жаулықты айтамыз, оның көлемі үлкен болады.

2. Бет орамал-ол өзі айтылуына байланысты бетімізді сүртіп жүретін бет орамал. Оның көлемі кішкентай болады.

Орамалды пішіндермен өрнектеп көрейікші. Өрнектемес бұрын пішіндермен танысып алайық (бүктеме кітапшадан көрсету).

• Дөңгелек – шеңбер.

• Төрт бұрыш –шаршы.

• Үш бұрыш.

Бүктеме кітапшадан көңілді пішіндерді де қайталап шығу.

Ал енді балалар біз пішіндермен таныстық. Енді біз осы пішіндер арқылы орамалды өрнектейік.

Қараңдаршы аппақ орамал көңілсіздеу, қызықсыз көрінеді. Ендеше біз осы орамалдың жиегін пішінді жапсыру әдісімен өрнектейік.

Үлгі жұмысты көрсету.

Балаларға жапсыру әдісін көрсету.

Сергіту сәті.

Қол ұшына қара да,

Үш бұрыш сыз ауада.

Сол қол босқа тұрмасын,

Шеңбер жасап тынбасын.

Тосын сәт.

Тосыннан есікті біреу қағады.

Ішке кішкентай ғана Маша кіреді.

-Ой балалар қараңдаршы бұл кім?

-Кімге ұқсайды?

-Сендер бұл қызды танисыңдар ма?

-Күндегі теледидардан көріп жүрген мультсериалдағы кейіпкер қыз Маша.

Машаның көңіл күйін сұрау.

Маша:

-Менің бет орамалымды, көрші қоян ойып-ойып тастады. Сол бет орамал-дарымның ойылған пішіндерін жамау үшін құрастыра алмай жүрмін.

Түстерінде ажырата алмаймын.

-Маша сен уайымдама, біз көмектесеміз. Машаның бет орамалдарын құрастыру.

Машаның бет орамалдарының жамауын табу.

Маша қатты қуанып риза болады. Ризашылығын білдірейін десе Машаның сандықшасын «Сиқырлы құлыптармен құлыптап тастапты». Сиқырлы құлыптарды ашу үшін, өзінің кілтін табу керек. Дәл құлып сияқты пішін қілті болады.

Қортынды: Олай болса барлығын еске түсірейік.

-құлып

-кілт

Сиқырлы құлыптар ашылып, Маша ризашылығын білдіреді.

Балаларды мақтап мадақтау.

Күтілетін нәтиже:

1. Білуі қажет: Пішіндерді атай, ажырата білуі керек.

2. Қалыптасқан түсінік: Көмек көрсету. Желімдеу арқылы жапсыру.

3. Орындаушылық қабілет: Тәрбиешінің тапсырмасын түсіну және орындау.