Ашық сабақ Ою-өрнектер кіші орталық тобында

Білім беру саласы: «Қатынас»,

Сабақтың түрі: Тіл дамыту

Мақсаты:Қазақтың ұлттық бұйымдары,тұрмыстық қолданбалы заттар туралы түсінік беру.Тілдерін дамыту.

Ою-өрнек туралы мағлұмат беру. Дәстүрлі емес әдіс-тәсілдерді қолдана отырып,балалардың танымдық қабілеттерін арттыру.

Баланың есте сақтау қабілетін,елесін дамыту.Балаларды шыдамдылыққа ,ұқыптылыққа, шапшаңдыққа тәрбиелеу. Сабақта қолданылатын әдіс-тәсілдер:Көрсету,түсіндіру,көркем сөз,,жұмбақ шешу.

Көрнекіліктер: Киіз үй,слайд ,түрлі-түсті оюлар,тіс пастасы,дымқыл шүберек

Сабақтың барысы: Амандасу

Жарқырап күн ашылды

айнала күн шашылды

Біз нәзік қыздармыз

Біз ержүрек ұлдармыз

Амансыңдарма достарым

Сіметсіздерме қонақтар!

Кіріспе әңгіме: Өткен сабақты қайталау

Жыл мезгілдері туралы: апта күні туралы қайталау

1жылда неше мезгіл бар?

1аптада неше күн бар?

Бұрынғы елде ата-бабаларымыз киіз үйде өмір сүрген. Сол киіз үйдің ішінде қазақтың ұлттық- тұрмыстық бұйымдарын ұстаған.Қазақтың ұлттық тұрмыстық бұйымдарына сандық,көрпе-жастық,киіз,сырмақ,торсық,:киім-кешектерге-кимешек,мәсі жатады

Қазақтың қай ұлттық бұйымы болмасын,ою-өрнексіз болмаған.Бүгін біздер оюлардың түр-түрімен танысамыз.

Оюлардың түрлерімен таныстыру:

Тақпақ айту.Балалар сендер осы оюлар жайлы тақпақ білесіңдерме?

Қызықты сәт: Балалар мынау не?

Әрине киіз үй.Ендеше бүгін осы киіз үйде тұратын әженің үйіне қонаққа барамыз.

Әженің сендерге беретін тапсырмалары бар екен.

І Жұмбақ

1Кіруге адам батпайды

затыңды аман сақтайды (сандық)

2.Текшелеп төрге

Жиғаным көп,ол не? (көрпе,жастық)

Жарайсыңдар балалар,Балалар қараңдаршы, әжеміздің киім-кешектеріне,жиһаздарына не жетіспейді?

Ою-өрнек жетіспейді.Олай болса әжеміздің жиһаздары мен киім-кешектерін безендіріп береміз бе?

Балалар бүгін сендер әдеттегідей қарындашпен ,бояумен емес,бүгін сендер кәдімгі тіс пастасымен саламыз

Саусақпен ою саламыз. Ою салмас бұрын сергіп алайық

Сергіту сәті:

Орнымыздан тұрайық

Қолымызды созайық

Оңға қарай иіліп

Солға қарай иіліп

Белімізді жазайық

айналаға қарайық

бір тынығып алайық

Тынығып біз болған соң

Әсем ою салайық –тіс пастасымен ою салғызу

Жарайсыңдар балалар,әже сендерге көп алғысын айтып жатыр,өнерлі,білімді балалар екенсіңдер дейді.Үлкен әжелеріміз,апаларымыз,аналарымызға әрдайым көмектесіп тұруымыз керек.

Қорытынды: Сабақ ұнады ма?Бүгінгі сабақта не үйрендіңдер?

Не білдіңдер?

Ең жақсы ою салған балаларды атау,мадақтау

«Георгиевка орта мектебі»КММ

АШЫҚ САБАҚ

Тақырыбы:

«ОЮ-ӨРНЕК СӘНІМІЗ»

Өткізген: Ж.З.Бейсембинова