Ашық сабақ Қозғалысқа арналған есептерді теңдеу құру арқылы шығару

Математика 4- сынып

Сабақтың тақырыбы: Қозғалысқа арналған есептерді теңдеулер құру арқылы шығару.

Сабақтың мақсаты:

Білімділік: Оқушылардың қозғалысқа арналған есептер туралы білімдерін тиянақтай отырып, қозғалысқа берілген есептерді теңдеу құру арқылы шешу тәсілдерімен таныстыру және меңгерту. Арифметикалық және алгебралық тәсілдер арасындағы айырмашылықты анықтау; оқушылардың ауызша есептеу дағдыларын дамыта түсу.

Тәрбиелік: Оқушыларды ұйымшылдыққа, сабақтағы бірыңғай тәртіп ережелерін сақтай білуге тәрбиелеу; өз Отанын, жерін тани білуге және сүюге тәрбиелеу.

Дамытушылық: Оқушылардың ой-өрісін, дүниетанымын кеңейте түсу; логикалық ойлау қабілеттерін дамыту, өзін-өзі бағалай білуге, жауапкершілікпен жұмыс істеу дағдыларын дамыту.

Сабақтың түрі: Жаңа білім беру сабағы.

Сабақтың типі:

Сабақты оқыту әдістері: Компьютерлік, репродуктивтік, деңгейлік, зерделеу технологиясы, әңгімелеу, түсіндіру, т.б.

Сабақта қолданылатын көрнекі және техникалық құралдар: Компьютер, ойын-карточкалар, логикалық тапсырмалар, т.б.

Сабақтың барысы:

І. Ұйымдастыру кезеңі: Сабақтың мақсатын хабарлау.

ІІ. Оқушылардың өтілген материалдар бойынша білімдерін тексеру және оны бағалау.

МАТЕМАТИКАЛЫҚ ДИКТАНТ.

Жауабын ғана жаз!

1. Зауза қоңыз 11 км/сағ жылдамдықпен 2 сағат ұшты. Қоңыз қандай қашықтықты ұшып өтті?

2. Ұлы 30 дм/сағ жылдамдықпен 3 сағат жорғалады. Осы уақыт ішінде ол қандай қашықтықты жүріп өтті?

3. Акула 90 метрді 9 секундта жүзді. Ол қандай жылдамдықпен жүзді?

4. Пошта көгершіні 15 км-ді 5 минутта ұшып өтті. Көгершін қандай жылдамдықпен ұшты?

5. Ақ аю 30 км-ді 10 км/сағ жылдамдықпен жүзіп өтті. Ақ аюдың қозғалыс уақытын тап.

6. Киік 120 км-ді 60 км/сағ жылдамдықпен жүгіріп өтті. Киіктің қозғалыс уақытын тап.

(Жауабы тақта арқылы көрсетіліп, әр сұраққа 2 баллдан беріледі.)

ІІІ. Жаңа сабақ.

а) Экранда ШҚО-ның кртасы. Ертіс өзені туралы дүниетану пәнінен оқығандарын еске түсіру. Ертіс өзені туралы әңгімелеу.

(Жалпы ұзындығы, Қазақстан жерінің ұзындығы)

ә) Ертіс өзені туралы есеп құрастыру және оны теңдеу құру арқылы шығару.

Егер кеме Зайсан көлінен Ресей шекарасына дейінгі аралықты 2 сағатта 100 км жүзетіндей жылдамдықпен 36 сағат жүзетін болса, Ертіс өзенінің Қазақстан территориясындағы ұзындығы қанша болғаны?

а) Ертістің Қазақстан S = х делік, ал V = х : 36 (км/сағ тең, сондай-ақ, бұл жылдамдық 100: 2 –ге тең.)

Теңдеу құрамыз: х : 36 = 100:2

х : 36 =50

х = 36 · 50

х = 1800 км

ә) Теңдеу құру алгаритмін құрайық.

1. Белгісіз шаманы анықтап, оны х деп белгілейміз.

2. Санды және әріпті өрнек құрамыз, белгілі және белгісіз шамалар арасындағы байланысты анықтаймыз.

3. «тең» қатынасымен байланысты өрнектерді анықтап теңдеу құрамыз.

4. Есептің мазмұнымен байланыстармай-ақ, теңдеуді шешеміз, сондықтан мұнда шама бірліктері жазылмайды.

5. х-тің мәнін табамыз – бұл белгісіз шаманың санды мәні болады.

6. Шама бірліктерін қолданып, жауабын жазамыз.

б) Оқулықпен жұмыс. №2 есепті тақтаға және дәптерге арифметикалық және алгебралық тәсілмен шығарылады.