Құрастыру

Тақырыбы: «Біз құрылысшымыз»

Мақсаты: Балаларға Рухани жаңғыру туралы түсінік беру. Отанын сүюге тәрбиелеу.Балаларды конструктордан қала , жол, робот құрастыруға үйрету. Қол маторикасын дамыту. Ойлау қабілеттерін арттыру.Сөздік қорларын молайту. 4К моделін қолдана отырып, балаларды командада жұмыс жасауға, креативті ойлауға, коммуникативтілікке, сыни ойлауға тәрбиелеу.

Балалар топқа кіреді, амандасады.

Сұрақ-жауап:

-Біздің Отанымыз қай ел?

-Қазақстанда қандай қалалар бар?

-Біз қай қалада тұрамыз?

-Қостанай қандай?

Сурет көрсету

-Мынау не? Қала екенін қайдан білдіңдер?

-Балалар біз қазір үш топқа бөлінеміз.

Тәрбиеші карточкалар таратады. Карточка арқылы балалар үш топқа бөлінеді. Карточкада қызыл үйлер, көк үйлер және жасыл үйлер болады.

-Балалалар, біз бүгін конструкторлардан жаңа қала саламыз. Ол қаланың ортасында ақылды робот болады. Ол роботты бізге «жасыл үйлер» тобы жасайды.Қаланың ортасынан өзен өтеді. Өзеннің оң жағына «қызыл үйлер» командасы қала салады, ал «көк үйлер» тобы қаланы өзеннің сол жағына жасайды.

Балалар конструктордан қала жасайды,бір топ робот жасайды.

-Қандай әдемі, үлкен қала. Қаламызға қандай ат береміз, балалар?

Балалар әр түрлі аттар айтады.Тәрбиеші «Рухани жаңғыру» деп қойсақ ұнай ма?

Балалар топтарымен өз жұмыстарын істейді. Тәрбиеші әр топқа барып, жұмыстарын тыңдап, сұрақтар қояды.

-Балалар, робот айтады,қала үлкен, қалаға үш балабақша керек дейді? Салып береміз ба?

Балалар қаланың үш шетіне үш балабақша жасайды.

Әр топ өз балабақшаларыңа ат қойыңдар.Сұрақ жауап.

-Балалар, жаңа қалаға қандай аттар қоямыз?

- Балалар, қараңдаршы, қаланың үстінен ұшақ ұшып келеді. Ол бізге себет әкеліпті. Себетті алып,ішінен балаларға арналған тәттілерді таратады.