Ашық сабақ "Құстар"

Сабақ тақырыбы: Құстар – біздің досымыз

Мырзағазиева Гүлнар Ерназарқызы,

Қызылорда облысы, Шиелі кенті,

№ 3 Облыстық балалар оңалту

орталығының тәрбиешісі

Мақсаты: Құстарды қорғауға, қамқорлық жасауға баулу. Балалардың сөздік қорын, белсенділігін, қызығушылығын, қиялын дамыту. Табиғатқа, қоршаған ортаға қызығушылығын арттырып, сүйіспеншілікке тәрбиелеу.

Қолданылатын көрнекі-құралдар: құстардың суреттері, слайд.

Әдіс-тәсілдері түсіндіру, сұрақ-жауап, ойындар, мадақтау.

Сабақ барысы:

І.Ұйымдастыру кезең:

Психологиялық сәт.

Арайлап таң атты,

Алтын сәуле таратты.

Қайырлы таң, қайырлы күн,

Күліп шықты күн бүгін!

Саламатсыздар ма апайлар!

-Тәрбиеші

-Балалар жер шарын қаншама құстар мекендейді. Олардың өмір сүретін ортасына байланысты түсі, тұмсықтары, қанаттары әр түрлі болып келеді. Түрлі жерлерде мекендеп, әртүрлі ұя салады.Құстардың бізге пайдасы көп екен.

-Балалар құстардардың бәрі жем тауып жеуге бейімделген, бірақ көбісі қыстамайды.Себебі, олар қысқы суыққа шыдай алмайды.

-Балалар неліктен қарға, торғай, сауысқан қыстап қалады?

-Өйкені олар суыққа төзімді.

-Балалар құстар болмаса зиянкестер барлық ағаштарды қуратып, табиғатымызға зияны тиер еді.Құстар ағаштардағы құрт-құмырсқамен қоректеніп, ағаштардың жайқалып өсуіне қамқорлық жасайды.

Мысалыға тоқылдақты «орман тазалықшысы» -дейді, өйткені ағаштарды құрт-құмырсқалардан қорғайды.

Тыйым сөздер:

Аққуды атпа.

Құстың ұясын бұзба.

Құстың жұмыртқасын жарма.

Сергіту сәті

Орнымыздан тұрайық ,

Қане, қанат қағайық.

Қарлығаш болып ұшайық,

Ұшып-ұшып алайық.

-Ал, балалар құстар жайлы кім тақпақтар біледі?

Нысанәлі: Шыр-шыр еткен торғайды,

Қорғамасақ болмайды.

Кіп-кішкене торғайлар

Ағаштарды қорғайды.

Ойын: «Үй құстары мен дала құстарын ажырат.»

Мақсаты: Үй құстары мен дала құстарының айырмашылығын ажырата білуге үйрету.

Бектөре: Таспен атып торғайды

Ұя бұзған оңбайды.

Құс өкпелеп кетеді,

Бақшамызға қонбайды.

Ойын: «Суретшінің қатесі.»

Мақсаты: Құстардың қайда мекендейтіні жайлы түсінік беру

Нұртілеу: Ой, балалар, балалар

Құстарда да ана бар,

Құстарда да бала бар.

Құс ұясын бұзбайық,

Обалына қалмайық.

Ойын: «Құстардың суретін құрастыру.»

Мақсаты: құстарды ажырата білуге үйрету, ұсақ қол моторикасын дамыту.

ІІ.Қорытындылау:

• Құстарға қарап ауа райын болжау:

1) Құстар ертемен жем іздеуге шықса, күн жауын-шашынды болады.

2) Қарға жазда аузын ашып қарқылдай берсе, найзағай болады.

3) Құстар көңілдене сайраса күн ашық болады.

• Құстарға қамқорлық жасау: Біз құстарды қорғаймыз, қамқорлық етеміз.

• Жұмыртқасын жармаймыз, құстардың ұясын бұзбаймыз, тас лақтырмаймыз, дән, су береміз.