Ашық сабақ "Санның кубы"

Сандардың кубы

Қала құрылысы және Қазақстанның бейресми символдарының мәні

Мектеп: № 19

Күні: 13.11.2018

Мұғалімнің аты-жөні: Ерденбекова Ж.Г.

3 «Д» сыныбы

Қатысқандар саны:27

Қатыспағандар саны:0

Оқу мақсаттары

3.1.2.1 * санның квадратын - бірдей екі көбейткіштің, ал кубын - бірдей үш көбейткіштің көбейтіндісі ретінде түсіну

Күтілетін нәтиже

Барлық оқушылар:

Санның кубын бірдей үш көбейткіштің көбейтіндісі ретінде түсіну

Бірқатар оқушылар үшін:

Кубты бірдей үш көбейткіштің көбейтіндісі ретінде есептеу, бірдей үш көбейткіштің көбейтіндісі ретінде санның кубы ретінде түсіну

Кейбір оқушылар үшін:

Санның кубтық құрамын табу үшін, санды өрнектің мәнін бірнеше амал арқылы табу.

Тілдік мақсаттар

Оқушылар:

Санның кубын бірдей үш көбейткіштің көбейтіндісі ретінде түсіндіру

Пәндік лексика және терминология:

Санның квадраты, санның кубы

Жазу:

Санның кубын жазыңыз.

Тірек білім, білік, дағдылар

Бірдей көбейткіштердің көбейтіндісі, санның квадраты, көбейту компоненттері

Жоспар

Сабақтың кезеңдері

Жоспарланған іс-әрекет

Қоры

Сабақтың басы

Сыныпта жақсы көңіл-күй орнату. Бір-біріне күлімдеп қарайды.

• Ортақ тақырып қандай?

• Уақыт.

• Уақытты білдіретін қандай сөздер бар?

• Уақыттың маңыздылығы неде?

• Қазір біздің мектепте уақытпен байланысты қандай мереке болып жатыр?

• Мектебімізге 30 жыл!

• Мектебімізге қандай тілек білдіре аласыңдар?

Ширату. Өткен тақырыпқа байланысты.

Ескерткіштердің атын табу үшін сандардың квадратын табады.

«Алтын адам», «Бәйтерек», «Мәңгілік ел» атаулары бойынша «Монумент» сөзі туралы түсінік беріледі.

Монуме́нт (лат. monumentum – «естелік; ескерткіш», monere – «еске салу, жандандыру») — ескерткіштің мәнді өнер туындысы.

"Монументті" мүсінді көбіне маңызды, ерлік оқиғалар кезінде өз уақытында адамдардың қабылдауы үшін көп күш жұмсалған оқиғаларға қойылады. «Алтын адам», «Бәйтерек», «Мәңгілік ел» монументтері жайлы ақпарат беріледі.

"Сәйкестендір" әдісі бойынша орындату. Әрқайсысының атауын білу үшін санның квадратын тауып, суретпен сәйкестендіру.

8² -"Бәйтерек"монументі (64)

9²-"Мәңгілік ел" салтанатты қақпасы (81)

7²- "Тәуелсіздік" монументі (49)

6²- «Кубик Рубиктің» ескерткіші (36)

Математикалық диктант

Дескриптор:

1.Сандардың квадратын табады.

2.Мәнін жазады.

3. Көршісімен дәптерін ауыстырып, слайдтағы дұрыс жауаппен тексереді.

4. Жасыл, қызыл , сары қарындашпен 1 торкөзді бояп бағалайды.

Жасыл түс – қате жоқ

Сары түс – 1-3 қатте

Қызыл түс – 4-тен көп қате

3² 6² 8² 9² 7² 5² 2² 4² 1² 10²

Дұрыс жауаптар: 9 36 64 81 49 25 4 16 1 100

Монументтердің суреттері немесе слайдттар

Ескерткіштерге байланысты слайд.

Қарындаштар

Сабақтың ортасы

Оқушыларға кеңістік фигураларын көрсетемін. Олардың әрқайсысын атайды.

Жаңаны ашу. №2 (а) Санжар Венгрияның Будапешт қаласында болды және сол жерден «Кубик Рубиктің» ескерткішін көрді. Ол сыныптастарына сыйлық әкелуді ұйғарды. Ол бір қорап кәдесый текшелер сатып алды және оларды текше пішінді қораптарға салды.Сендер Санжарға оларды санауға көмектесіңдер. Текше пішіндес қораптарға төртбұрыштарды сал және қорапқа қаншасы сыйғанын сана.

Балалар тәжірибелік жұмыс орындайды. Төртбұрыштарды қорапқа суретте көрсетілгендей, шетінен бастап қатарынан қалап салады.

• Балалар, санаудың бұдан да ыңғайлырақ түрін атай аласыңдар ма?

• Текшенің неше өлшемі бар? (Биіктігі, ені, ұзындығы).

3х3- бұл текшенің бір қабатының саны. Ал мұндай қабаттан үшеу шықты. Онда мынадай өрнек шығады: 3х3х3=27 Яғни, 27=3³ Бұл санның кубы.

-Қандай қорытынды шығарамыз?

- Санның кубын бірдей үш көбейткіштің көбейтіндісімен атауға болады. Жоғарғы жағындағы 3 деген индекс санның кубы екенін білдіреді. Бірдей үш көбейткіштің көбейтіндісін санның кубымен алмастыруға болады

4∙4∙4=4³ 4∙4∙4=16∙4=(10+6)∙4=40+24=64

4³=64 а∙а∙а=а³

Оқулық

Слайд

Ұсақ текшелер

Сергіту сәті

Дәптермен жұмыс. Төмендегі көбейтінділерді санның кубымен алмастырады. Немесе санның кубын көбейтіндімен алмастырады.

7*7*7 = 7³ 4³ = 4*4*4

8*8*8 = 8³ 9³ = 9*9*9

6*6*6 = 6³ 5³ = 5*5*5

1-ден 10-ға дейінгі сандардың кубын есептеп табады.

1∙1∙1=1³ =1 2∙2∙2=2³ =8 5 ^. 5 ^. 5 = 5³= 125

3∙3∙3=3³=27 4 ^. 4 ^. 4 = 4³= 64 10 ^. 10 ^. 10 = 10³= 1000

Оқулық, дәптер, кубик-рубик

Бағалау

Жұппен жұмыс. Берілген сандардың қайсысын бірдей екі және үш көбейткіштің көбейтіндісі түрінде жазуға болады? Кеспе сандардан таңдап, түсіндіру.

64=4∙4∙4=4³ 8=2∙2∙2=2³

Көбейтіндіні көбейткіштің квадратына немесе кубына алмастыру, есептеу.

3∙3=3² =9 9∙9=9²=81 2∙2∙2=2³=8

6∙6 =6²=36 7∙7=7²=49 3∙3∙3=3³=27

"Шапалақ соғу"арқылы бағалау

Тапсырманы тексеріп, дұрыс орындаса мұғалім шапалақ соғу арқылы бағалайды.

Жетістік критерииі:

Мен:

• Санның кубын бірдей үш көбейткіштің көбейтіндісі ретінде көрсете аламын;

Санның кубын бірдей үш көбейткіштің көбейтіндісі ретінде есептей аламын;

Өзін-өзі бағалау

Дәптер, оқулық, текшелер мен қорап

Бағалау

Сабақтың соңы

Кері байланыс

• Бүгінгі сабақтан не үйрендің?

• Санның кубы дегенді қалай түсінесің?

• Санның кубын таба аласың ба?

• Қалай табасың?

Рефлексия

«Блум текшесі» әдісі арқылы кері байланыс жасау. (Текшенің әр қабырғасында:

«Мен үшін не қызықты болды?»,

«Мен не үйрендім?»,

«Мен не түсіндім?»,

«Не қиын болды?» деген сұрақтар жазылып тұрады. Текшені лақтырғанда әр қатардан 2 оқушы сұраққа жауап береді).

Текше , стикерлер