Ашық сабақ: Сиқырлы асық

«Сиқырлы асық»

Білім беру саласы: Таным, Коммуникация, Әлеуметтік орта, Шығармашылық.

Бөлімі:Математика негіздері, Сөйлеуді дамыту, Әлеуметтік орта, Құрастыру.

Тақырыбы: Сиқырлы асық.

Мақсаты:балаларға асықты таныстыра отырып жыл бойы алған білімдерін түрлі тапсырмалар орындау барысында еске түсіру арқылы сандардың қатарын,кеңістікте қоршаған ортаны бағдарлай білу қабілеттерін бекіту, санамақ айтқызу, жабайы және үй жануарлары туралы түсініктерін кеңейту, шығармашылық қабілеттерін ұжыммен жұмыс жасау арқылы дамыту, балаларды өз ойларын еркін жеткізе білуге, ұқыптылыққа, достыққа, мейірімділікке тәрбиелеу.

Қолданылатын көрнекіліктер: түрлі түсті суреттер, асық.

Әдіс-тәсілдері: әңгімелеу, сұрақ-жауап, көрсету,ойын.

Мотиватциялық -қозғаушылық: -Балалар бүгін бізде ерекше күн бізге қонақтар келді, алдымен қонақтармен амандасып алайық.

Сәлеметсіздер ме!

Жылулық шеңбері:

Амандасу үлкенге

Тәрбиенің басы ғой.

Ал кәнекей, бәріміз

«Сәлем» дейік үлкенге.

Сәлеметсіздер ме қонақтар!

Сәлеметсіздер ме балалар!

Ұйымдастырушылық-ізденістік: -Балаларды отырғызып бүгінгі ашық оқу қызыметін бастайық.

-Қазір жылдың қай мезгілі? ( Көктем)

-Көктем мезгілінде неше ай бар?(Үш ай бар: наурыз, сәуір, мамыр)

-Дұрыс айтасыңдар балалар, көктемде күн жылынады табиғат анамыз жанданады, жылы жаққа ұшып кеткен құстар келеді, ағаштар бүршік атады.

-Балалар бүгінгі оқу қызыметінде жыл бойы алған білімімізді көрсетеміз.

Ғажайып сәт: Қоржын.

-Балалар мынау не ? (Сиқырлы қоржын)

-Дұрыс айтасыңдар балалар бұл қоржын.Қоржынның ішінде сиқырлы асықтар бар.Балалар сендер асықтың не екенін білесіңдер ме? Асық – төрт түлік мал мен қоңыр аңдар тілерсегінде болатын, қызметі аса күрделі, буынға біткен шымыр сүйек. Қой, ешкі, сиыр, түйе асығы үлкен-кішілігіне қарамастан бір пішіндес, мүсіндес келеді. Ал жылқы асығы басқа пішінді болады. неше түрлі асық ойындары ойналады. Ойында асықтың сыртқы пішіндері үлкен рөл атқарады. Қазір бір бала келеді де осы қоржынның ішінен асықты алу керек. Асықта сан белгіленген.Әр асықтың санына қарай тапсырмалары бар.

Бірінші тапсырма: Сақа асық

-Балаларға жұмбақ жасыру.

Жұмбақ

Кезікті бір жануар

Арқасында тауы бар

Мойыны ұзын, көзі үлкен

Бұл не, өзің тауып ал. (Түйе)

Кішкене ғана бойы бар

Айналдырып киген тоны бар. (Қой)

-Түйе, қой қандай жануарлар? Тағы қандай үй жануарлары бар?(Сиыр, жылқы, ешкі).

-Үй жануарлары қайда тіршілік етеді?

-Үй жануарларының адамдарға қандай пайдасы бар?

-Тағы қандай жануарларды білесіңдер? (Жабайы жануарлар)

«Төлін тап» ойыны.

Шарты: үй және жабайы жануарлардың төлін (баласын) табу керек.

Екінші тапсырма: Кеңістікте бағдарла. Алшы асық

-Балалар , мына суретте не көріп тұрсыңдар?(Орман)

- Орманда қандай жануарлар тіршілік етеді?

-Сурет бойынша кеңістікте бағдарлау.

-Қандай ағаштар өсіп тұр?

-Ағаштардың табиғатқа қандай пайдасы бар?

-Ағаштардан не жасайды?

-Жақсы балалар енді кішкене сергіп алайық.

Сергіту сәті:

Жайқалады ағаштар

Алдымнан жел соғады

Кіп-кішкентай ағаштар

Биік болып өседі.

Үшінші тапсырма: Сан және санның қатары. Тәйкі асық

-Балалар, біз нешеге дейін санау білеміз? ( 1- ден 5-ке дейін)

-Жануарларды санаймыз, қатарын табамыз.

-Балалар санамақ білеміз бе?

Төртінші тапсырма:Табиғат туралы не білесің? Бүк асық

-Балалар табиғат деген не?(бізді қоршаған орта)

-Табиғат нешеге бөлінеді? (Жанды және жансыз табиғат)

-Жанда және жансыз табиғатты ажыратамыз.

Бесінші тапсырма:Ұжымдық жұмыс.Шік асық

-Балалар қазір екі топқа бөлінеміз.

Бірінші топ: Жанды табиғатты тауып жапсырадық

Екінші топ: Жансыз табиғатты тауып жапсырып береді.

Рефлексиялық -түзетушілік:

-Балалар бүгін оқу қызыметінде немен таныстық?

-Қандай тапсырмалар орындадық?

-Оқу қызыметі сендерге ұнады ма?

-Жақсы балалар оқу қызыметі аяқталды.

-Оқу қызыметіне жақсы қатысқандықтан біздің қоржынымызда сендерге арналған сыйлық бар.

-Ал енді қонақтармен қоштасайық.

Нұр-Сұлтан қаласы әкімдігінің

№ 9 «Нұршашу» балабақшасы МКҚК

Келісілді Бекітемін

№9 «Нұршашу» №9 «Нұршашу»

балабақша әдіскері балабақша меңгерушісі

_______А.Г.Махметова _______Т.Қ. Гусманова

№4 «Ақбота» ересек тобы Ұйымдастырылған қорытынды ашық оқу қызыметі

Тақырыбы: «Сиқырлы асық»

Тәрбиеші:Атабекова І.Д

Нұр-Сұлтан 2021