Ашық сабақ "Сұраулы сөйлем" 8-сынып

Уақыты:21.09.17

Қазақ тілі

Мұғалім:Абишева Н.

Сынып:8

Сабақ тақырыбы:

Сұраулы сөйлем

Жалпы мақсат:

 Сұраулы сөйлем туралы орыс тілі арқылы салыстыра толық мәлімет алуы және сөздік қорын , сөйлеу дағдыларын жетілдіру.

Міндеттер:

 сұраулы сөйлем туралы түсіну, білу;

• сөйлемдерді талдау арқылы, жүйелі ойлауға, сөйлеуге үйрену, оны қолдану;

• Алған білімнің нәтижесін жинақтау оны бағалау

Сілтеме:

Мұғалімдерге арналған нұсқаулық

Қазақ тілі мен әдебиеті оқыту әдістемесі

Үлестірме материалдары

Оқу нәтижесі:

сұраулы сөйлем туралы түсінеді, біледі;

• Сөйлемдерді талдау арқылы, жүйелі ойлауға, сөйлеуге үйренеді, оны қолданады;

• Алған білімнің нәтижесін жинақтайды оны бағалайды

Сабақта қолданылатын материалдар:

Оқулық, интерактивті тақта

Оқыту әдістері:

Оқыту мен оқудағы жаңа әдіс-тәсілдер,сыни тұрғыдан ойлауға үйрету, оқыту үшін бағалау және оқуды бағалау.

Оқушыларға психологиялық ахуал туғызу

Мұғалімнің іс-әрекеті

Оқушының іс-әрекеті

Оқушылармен сәлемдесу,түгендеу.

Назарларын сабаққа аудару.

Алдағы іс-әркеттердің мазмұнына байланысты сынып оқушылары топтарға бөлінеді.

(3 топ)

Сурет қиындылары арқылы топқа бөлінеді.

«Рәміздер» тобы

«Бәйтерек» тобы

«Ұлттар достығы» тобы

Қызығушылықты ояту

«Сұрақ менен жауап сенен»

1. Хабарлау,баяндау, суреттеу мақсатында айтылған сөйлемді......хабарлы сөйлем дейміз.

2. Айтылу түрлеріне қарай, яғни айтылу мақсатына қарай....... хабарлы, сұраулы, лепті және бұйрықты сөйлем болып 4-ке бөлінеді.

3. Сөздердің әр алуан тұлғада өзара тіркесіп, біршама тиянақталған ойды білдіруін........сөйлем деп атаймыз.

4. Бастауыштық-баяндауыштық құрылымының санына қарай ...... жай және құрмалас сөйлем деп ажыратылады.

5. Хабарлы сөйлемнен соң....... нүкте қойылады.

6. Синтаксис грек тілінен аударғанда ......... «құрау», «біріктіру» дегенді білдіреді.

Талдау,жинақтау,қорыту

Тиісті жауапты тауып оқиды.

Жаңа тақырып

Миға шабуыл.

Көрсетілім.

Видео көрсету. «Қазақ елі» анимациялық мультфильм

Видеодан не көрдік?

Қандай сөйлемдер қолданылды?

Әкесі не мақсатта сұрақтар қойып отыр?

Бір нәрсе жайында сұрап білу мақсатында айтылған сөйлемді сұраулы сөйлем дейді. Сұраулы сөйлемдер негізгі сұрақты, жетек сұрақты, анықтауыш сұрақты білдіреді. Бір нәрсе, оқиға, іс туралы мәлімет алу үшін қойылған бастапқы сұрақты негізгі сұрақ дейміз.

Мысалы: Сен тамақ іштіңбе? Үйде кім бар?

Негізгі сұрақ сұрау есімдіктерінен (Қашан?Кім? Қанша? Қайда? Неге?Кімде? т.б.) және ма, ме, ба, бе, па, пе шылауларының қатысуымен жасалады.

Негізгі сұраққа жауап алу үстінде қосымша ойға байланысты туған сұрақты жетек сұрақ дейміз.

Мысалы:

1. - Кеште кімдер өлең айтты?

2. - Ұлдар өлең айтты.

3. - Қыздар ше?

Жетек сұрақтар толымсыз болып құралады, көбіне тек сұрақ мағыналы сөзден ғана тұрады. Жетек сұрақ ше шылауының қатысуымен жасалады.

Екінші жақтың сөзін анықтап алу үшін қойылған сұрақты анықтауыш сұрақ дейміз.

Мысалы:

- Бұл кісілер  қай жердікі?

- Жетісудікі?

- Иә, Жетісудікі.

Анықтауыш сұрақ сұрау интонациясы арқылы жасалады. Сұраулы сөйлемдерден соң сұрау белгісі қойылады. Сұраулы сөйлемнің өзіне тән интонациясы болады: бас жағы көтеріңкі айтылып, соңғы жағы онша бәсеңдемей, көтеріңкі қалыппен тынады.

Орыс тілі мұғалімі

Қосымша мәлімет:

Естеріңде болсын:

сұрау есімдіктері мен сұраулық шылауы бар сөйлемдердің бәрі бірдей сұраулы сөйлем бола бермейді. Кейде сұрау есімдігі мен сұраулық шылау белгісіздік пен дүдамалдықты білдіреді.

М: Ауру ма, сау ма белгісіз, жүзі адам көргісіз.

Кеше мұнда кім келіп, кім кеткенін өзім де білмеймін, себебі саяхатта болдым.

1.Тапсырма. Оқылым (3мин). Айтылым

Бақыттың кіндігі – Отан

Мәтінді бойынша бірнеше сұрақ дайындаңдар.

1. Топ: Мәтін бойынша жетекші сұрақ

2. Топ: Мәтін бойынша негізгі сұрақ

3. Топ: Анықтауыш сұрақ

Қазақ тілінде және орыс тілінде сұрақ құрастыру және жауап беру.

Сергіту сәті. Поэзия минуты.

2. Тапсырма. Жазылым. 3 минуттық эссе

- Тілдің адам өміріндегі маңызы қандай?

-Неліктен тілді анамен байланыстырамыз?

-Қандай адам өз тілін құрметтейді?

Бекіту

1-топ. Сұрақтың түрлері бойынша мәлімет беру.

2-топ. Сұраулы сөйлемнің жасалу жолдары бойынша мәлімет беру.

3-топ. Сұраулы сөйлемнің өзіндік белгілерін айқындау.

Шығу парағы

-сабақта мен қандай білім алдым?

-ол үшін мен қандай жұмыс пен әрекеттер атқардым?

-бұл білім маған қандай пайда береді?

Оқушылар сұрақтарға жауап береді

Білу, түсіну, қолдану. Әр топ- тың спикері шығып қорғайды

Үйге тапсырмасын беру

22-жаттығу

Үй тапсырмасын білу, түртіп алу

Бағалау

Формативті бағалау

Топтардың бірін-бірі бағалауы

Кері байланыс

Сабақтан алған әсерлері мен ұсыныстары туралы қысқаша жаздыру

«Екі жұлдыз, бір тілек »