Ашық сабақ "Сыныптағы достық" 6 сынып

Мақсаты: Оқушыларға сыныптағы достықтың маңыздылығын түсіндіре отырып, сүйіспеншілік құндылығының мәнін ашу.

Міндеттері:

1. Білімділік: Оқушыларға адамдарға риясыз қызмет жасаудың маңыздылығы туралы түсіндіру.

2. Дамытушылық: Оқушылардағы шынайылық қасиеттерін дамыту.

3. Тәрбиелік: Оқушыларды айналасындағы адамдарға, жанашыр болуға тәрбиелеу.

Ресурстар:

(материалдар, дереккөздер)

Сабақтың барысы:

1. Ұйымдастыру кезеңі.

5 Т – ережесі:

1. Тәртіп.

2. Талап.

3. Тыныштық.

4. Тазалық.

5. Татулық.
   Балалар ережені есімізге түсіріп, сыныптың тәртібін сақтап, оқып - білуге талаптанып, тыныштықты орнатып, тазалықты сақтап, бүгінгі күнімізді татулықпен өткізейік.

Тыныштық сәті. Нұрға бөлену

2. Үй тапсырмасын тексеру.

1. №19 – сабақ. Аптаның ақырғы күндері.

Сұрақтар:

1. «Дос», «Достық» деген ұғымды қалай түсінеміз?

2. Достар арасындағы ізгі қарым-қатынасқа кедергі келтірмеу үшін не істеуіміз керек?

3. Досқа адал, қамқор болу үшін адам бойында қандай қасиеттер болуы тиіс деп ойлайсыңдар?

3. Сабақтың дәйексөзі.

(Ұл балалар бір рет оқиды, қыз балалар бір рет оқиды, барлығы бірге қайталайды)

Айнымас досы бар адам-ең бақытты адам.

Халық мақалы

Бақытты адамның бойында қандай қасиеттер болады деп ойлайсыздар?

4. Оқиға айту (Мұғалім сыйы)

Ертегі: «Дос табу»

Ертеде бір ерке бала болыпты. Ата-анасы оның айтқанының бәрін орындайды екен. Ерке балада бәрі жеткілікті болыпты, тек оның бірге ойнайтын досы болмапты. Бала айналасындағы балалармен тіл табыса алмапты. Ол ешкімнің сөзіне құла түрмей, өзінің айтқанымен жүреді екен. Бірақ оған ешкім сенің бұл ісің дұрыс емес деп айтпапты. Бір күні ол үйіне ренжіп келіп:

«Барлық балалар менен теріс айналды. Ешкім менімен дос болғысы келмейді. Менің енді ешқашан досым болмайтын шығар»,- деп ойлайды. Бір уақытта:

- Ендеше, мен сенің досың болайын,- деген біреудің дауысы естіледі.

«Бұл кім?- деп бала бұрылып артына қарағанда кереуеттің үстінде отырған кішкентай адамды көреді. Бала аң-таң болып оған қарап қалады. Жаңағы кіп-кішкентай адам қарапайым адамға мүлде " ұқсамайтын еді. Ол сарғыш түсті, мөлдір, бірақ оның тұла бойы қайырымдылыққа толы екені сезіліп тұратын.

- Сен қай елден келдің?- деп бала одан сұрайды. Кішкентай адам өзін Мейірім деп таныстырып, өзінің басқа елден келгені туралы, ол жер де бәрі ұша алатынын және олар өте бақытты екенін айтты. Ол жердегі барлық адамдарға көмектескісі келетінін, бірақ қазір оның күші жеткіліксіз екенін, ол тек бір балаға ғана көмек бере алатынын жеткізеді.

- Айтшы, Мейірім, мүмкін сен білетін шығарсың, менің неге досым жоқ?

- Бәрі менен неге теріс айналады?

- Көмектесші маған,- дейді бала.

- Бұл өте оңай, айналаңдағыларды жүрегіңмен тыңдап үйрену керек. Қасыңдағы адамдарды жақсы көріп, олардың айтқандары саған қызықты болмаса да сөзіне құлақ асу керек. Сондықтан өзің үшін ғана емес, басқалар үшін де өмір сүре білуің қажет.

Сөйтіп, олар бірден достасып кетеді. Олар кештерін бірге өткізіп, қызықты әңгімелер айтады. Мейірім өзі кіп-кішкентай болса да, көп нәрсе білетін. Ол өзінің білгенін баламен бөлісіп отырады.

Ерке бала Мейірімнің бұл ісіне әрқашан разы еді.

- Рақмет, саған Мейірім, сенің қасымдаболғаның қандай жақсы. Сен менің нағыз досымсың!

Осылай уақыт өте береді. Бір күні бала үйіне қуанып келеді.

- Мейірім, бүгін мен үшін өмірімдегі ең қуанышты күн. Мен арманыма жеттім. Ақырында мен өзіме ДОС таптым. Бұл өте бір керемет. Қасыңда қашанда көмекке дайын тұратын, сырың мен мұңыңды тыңдайтын адамың болғаны қандай жақсы.

Бала өзінің өміріндегі бақытты күні туралы тоқталмастан айтып жатты. Бірақ оны ешкім тыңдаған жоқ. Ол Мейірім білген құпияны білген жоқ. Осы уақыт ішінде Мейірім

баланы көп жақсы істерге, дос болуға және өзіне қалай дос табуды үйретіпті.

Бала қалай өзіне дос тапқан соң, Мейірім солай өзінің ғажайып, сиқырлы еліне қайтуы керек еді. Мейірім өзінің ісін бітіріп, балаға достықтың не екенін, дос бола білуді түсінуге көмектескен соң өз еліне оралыпты.

Бала Мейірімнің жоғалғанын көріп, қапаланады. Бірақ Мейірім баланың мәңгіге жүрегінде қалды. Бала енді қашанда басына іс түскенде Мейірім мен ақылдасып, жүрегін тыңдайтын болыпты.

Сұрақтар:

1. Қиын жағдайға түскенде достар бір-біріне қандай көмек көрсетуі қажет?

2.Ерке баланың өзгеруіне не себеп болды?

3.Сіздердің өмірлеріңізде осындай жағдайлар болды ма?

5. Шығармашылық жұмыс, топпен жұмыс.

Оқушылар үш топқа бөлінеді.

І тап: «Дос» ұғымына топтастыру жасау күн сәулесіне, адасқан әріптерді орнына орналастыру, достыққа байланысты 5-6 сөйлем жазу.

ІІ топ: «Дос» ұғымына тән қасиеттерді ағаштың жапырақтарына жазу, адасқан әріптерді орнына орналастыру, достық туралы мақал-мәтелдер жазу.

ІІІ топ: «Дос» ұғымына тән қасиеттерді шаңырақтың уықтарына жазу, адасқан әріптерді орнына орналастыру, дос, достық туралы 4 жол өлең шығару.

Әр топ өз постерларын қорғау.

Топпен ән айту.

Достарым Гүлнұр Оразымбетова.

1. Дөңгелек шексіз ғалам бар
   Өтсе де қанша замандар 
   Достық құшағын ашады 
   Біріне бірі адамдар

Қайырмасы:
Достарым, ай- күнім 
Арайлап айдыным 
Сендерсің сарқылмас

Береке байлығым.
2. Жетсе де жылжып жыл басқа 
Достардың жөні бір басқа 
Сағынысып көргенде 
Құшағын жайып тұрмасқа 

Қайырмасы.
Достарым біргеміз 
Бөлінбес іргеміз
Арманмен қиалмен

Қол создық күнге біз

7. Үй тапсырмасы.

1. №20 – сабақ. Қоңыр күз еді (үзінді) Қалихан Ысқақ. 81 бет оқу.

8. Сабақтың қорытынды сәті.

Тыныс алуға зейін қою.

Баяу музыка қойылады.

Бүгінгі сабақтан игерген жақсы қасиеттерді есімізге түсіріп, жүрегімізге сақтайық.