« Ақбота» I- сәбилер тобы үшін

ұйымдастырылған оқу қызметінің технологиялық картасы

Өткізілетін күні,айы,жылы:

Тәрбиеші:Туржанова А .К.

Білім беру саласы: «Таным»

Ұйымдастырылған оқу қызметі: «Жаратылыстану»

Тақырыбы: «Құстар»

Білімділік міндеті:Құстар туралы( көгершін мен торғай) білімдерін кеңейту.Құстардың дене құрлысын (басы,тұмсығы, қанаты, аяқтары), құстардың қыс мезгіліндегі тіршілігі, қорегі туралы, олардың қимылдарын салу (ән салады, ұшады,шоқиды, су ішеді) білімдерін кеңейту. Атауларын айта білуге, ажырата білуге үйрету.Үлкен-кіші, биік-аласа ұғымдарын кеңейту.Сөйлеу тілін дамыту, сөзбен сөзді байланыстырып сөйлете отырып, естігенін қайталай білуге,сұраққа жауап бере білуге үйрету.

Дамытушылық міндеті:Есте сақтау қабілетін, тіл байлығын, дыбыстық артикуляциясын дамыту.

Тәрбиелік міндеті:Кішкентай достарын сыйлауға, қоршаған ортаға қамқорлық жасауға, көмек көрсетуге, жақсы мен жаманды ажырата білуге,тәрбиеші нұсқауын орындауға тәрбиелеу.

Көрнекі құралдар: Көгершін, торғай, терезенің суреттері, атрибуттары, үйдің макеті.

Билигвалды компонент: құстар-птицы

I Мотивациялық – қозғаушылық

Жылулық шеңберін құру.

Балалар бір бірінің қолынан ұстап, жарты шеңбер болып тұрады.

Қонақтармен амандасу.

-Сәлеметсіздер ме!

Қуан шаттан алақай!

Қуанатын келді күн!

Қайырлы таң апайлар!

Қайырлы таң балалар!

-Балалар біз тағы нелерге қайырлы таң тілеуіміз керек?

-Құстарға! Біз қандай құстар туралы тақпақ білеміз?

Нан қоқымын шашпаңдар,

Жерде жатса баспаңдар,

Теріп алып қастерлеп,

Торғайларға тастаңдар!

II Ұйымдастыру – іздестіру

Терезе қағылады.

Терезенің артында көгершін мен торғай.

-Олар көмек сұрайды, қарындары ашып отыр екен.Көмектесейік пе?

Құстарға нан қоқымын шашу.

Құстар туралы білімдерін кеңейту. Құстармен таныстыру,құстардың дене құрлысымен таныстыру, айтқызу, қайталату. Олардың қыс мезгіліндегі тіршілігі туралы айту. Құстарды салыстыра отырып үлкен-кіші ұғымдары туралы білімдерін кеңейту. Құстардың дауыстарын салдырту.

Билингвалды компонент: құстар-птицы.

Сергіту сәті: «Торғай, торғай , тоқылдақ»

Ойын «Биік-аласа»

Мақсаты: биік-аласа туралы білімдерін кеңейту.

Барысы: Биік жерде және аласа жерде тұрған құсқа тура сондай құсты отырғызу.

Ойын «Құстар»

Мақсаты: құстардың қимылын салу.

Ойын жаттығу «Дұрыс, дұрыс емес»

Мақсаты: Дұрыс іспен дұрыс емес істі ажырата білуге үйрету.

Барысы: Дұрыс істі айтқанда , қолдарын жоғары көтеру, дұрыс емес түсті айтқанда қолдарын көтермеу.

III Рефлексивті – түзетушілік

-Біз бүгін не туралы айттық?

-Нелерге көмектестік?

Балаларды мадақтау, смайлик тарату.

Құстармен, қонақтармен қоштасу.

-Орнымыздан тұрайық,

Жарты шеңбер құрайық,

Кездескенше күн жақсы,

Сау-саламат болайық!

Сау болыңыздар!