Бекітемін: ДОІЖО Ж.Б.Бақыжанқызы

Куні:22.02.18

Білім салалары: Коммуникация
Бөлімдері: Көркем әдебиет
Тақырыбы: Төлдердің айтысы
Мақсаты: Балалардың білім, білік дағдыларын қалыптастыру, үй жануарлары туралы білімдерін дамыту. Үй жануарларының пайдасы, әрі қайсысының орыны, төлі, ерекшеліктері жөнінде білімдерін кеңейту. Жануарлар жөнінде өлеңдер, тақпақтар, жаңылтпаштарды мәнерлеп жатқа айту арқылы тілдерін дамыту.
Көрнекілік: Төлдердің суреттері және бетперделері

І.Психологиялық дайындық 
- Балалар, таңертең көзімізді ашып оянғанда терезеден қарасақ ең алдымен нені көреміз. 
- Күнді, күннің шуағын, нұрын көреміз. 
- Олай болса, бүгін бізге келген қонақ апайларға жылы лебізімізді білдірейік. 
Саламатсыздар ма! 
Кел балалар күлейік,

Күлкіменен түлейік

Қабақ шытқан не керек

Күліп өмір сүрейік 
Олай болса,балалар сендердің де күн сияқты күлімдеген аналарың өздеріңді қалай еркелетеді екен соны білгім келіп тұр. 

-Менің атым Айша, мені анам «қошақаным» деп еркелетеді.

- Менің атым Елжан, мені анам «ботақаным» дейді.

- Менің атым Әмина, маған анам «құлыншағым» дейді.

ІІ.Негізгі бөлім:
- Балалар бүгін біз үй жануарымен танысамыз. Онда біз бүгін ойын ойнап көрейік. Ойынның аты «Қателесіп қалма» деп аталады. Мен қазір сендерге әр түрлі жануарлардың ішінен тек қана үй жануарларын теріп айтатын боласыңдар, жарай ма?
Кім біледі үй жануарларына қандай жануарлар жатады?
Балалар:                                     
                    Түйе,  Жылқы, , Сиыр,Қой , Ешкі
   Оларды неге үй жануарлары дейміз.

Өйткені үйде өсірілетін жануар болғандықтан.Үй жануарларының адамзатқа қандай пайдасы бар.
Жануарларынан: Түйеден – Жүнін, қымыран.
                              Жылқы – Мінсе көлік, ішсе сусын.
                              Сиырдан – Сүт,құрт, май, айран, ірімшік.
                              Қойдан -  Жүнін, етін пайдаланамыз.
   Оларды күтіп баптау үшін біз не істейміз? Оларға уақытылы жем шөбін беріп қорасын тазалап отыру қажет. Әрбір үй жануарларының өз пірлері болады.
                               Түйе – Ойсыл қара
                               Жылқы -  Қамбар ата
                               Сиыр – Зеңгі баба           
                               Қой – Шопан ата
                               Ешкі – Сексек ата.
 

Үй жануарларының төлдері бар. Олар: Бота, құлын, бұзау, қозы, лақ.
- Өте жақсы балалар.Ендеше бүгін сол жануарлар туралы ертегі тыңдайық.

Ертегі «Төлдер айтысы» деп аталады.Балалар тыңдайды.

-Бұл ертегіде қандай кейіпкерлер қатынасты? 
-Төлдер бір-бірімен не үшін айтысты? 
-Лақ не айтты? 
-Құлын не айтты? 
-Бұзау не деді? 
-Қошақан мен бота не деді? 
Адам не деп жауап берді? 

Кітаппен жұмыс

Балалар қане кім үй жануарлары туралы мақалдар біледі.

Мақал-мәтелдер:

1.Мал өсірсең қой өсір,

Пайдас оның көл- көсір.

2.Ат-адамның қанаты,

Ас-адамның қуаты.

3.Малды баға біл,

Бабын таба біл.

4.Малды жақсы баққаның-

Өзәңе абырой тапқаның,

Малды жаман баққаның-Келген бақты қаққаның

Балалар ертегіні өздері сахналайды

Сергіту сәті

«Сиқырлы сандық ойыны» 
Сиқырлы сандықта жасырылған үй жануарларын босату үшін олар туралы тақпақтар айту.
1.    Құлыншағым құндызым
Құлдырайды шабады
Жылтылдаған жұлдызым
Құстай қанат қағамыз
    
2.    Ең зор түлік  - түйемін
Тікенді шөпті сүемін
Пайдалансаң, сүтім шұбатым
Дертке дауа жанға қуат 
Қу тышқанға алдандым
Жыл басынан құр қалдым

3.    Қорасында маңыраған
Қозысымен жамыраған
Қозысынан айырылса
Қоймай ұзақ аңыраған
Аппақ қою сүті бар
Ақ шағала құрты бар
Ақтыл қой жануар.

4.    Мүйізі айдай иілген
Мұрнын көкке шүйірген
Керілген желін, сала емшек
Сауғанда жаның сүйінген
Ірімшік пенен құрт майы
Жегенде тілді үйірген

5.    Ақ бұзауым ұнайды
Мө мө деп сүт сұрайды
Ақ бұзауды бағамын
Апамнан алғыс аламын

6.    Кіп-кішкене момақан
Қошақанды ұнатам
Сүйеді апам қозым деп
Қошақаным өзің деп

7. «Құлдыр – құлдыр құлыншақ 
Жібек жолды құлыншақ
Жүйріктігі құйындай
Құлыншақты мін де шап

8.    Айналайын ботам
Қандай күлте жотаң 
Табандарың жалпақ
Теріп жейсің жантақ

«Ол қалай дыбыстайды» ойыны.
Әр бала қолындағы суреттерін көтеру арқылы өз төлінің дыбысын танып дыбысын анықтау.
     

Ән «Қошақаным»

Бағалау

Бір жерге жиналған лақ, бұзау, қошақан, бота біздің иеміз кімді көбірек жақсы көреді деп айтысыпты.

Бірінші лақ:
- мә - ә - ә! Әрине иеміз бізді жақсы көредңі ол сүтімізді ішіп, түбітімізді киімге пайдаланады.

\Қошақан тұрып:
- ме - ме ал біз ше? Адамдарға біздің етіміз ұнайды! Ол біздің жүнімізден шұлық тоқиды - деп дауласыпты

Осы кезде бұзау:
- мө - ө - ө сендер босқа мақтанасыңдар адам тіршілігіне ең қолайлы мен сүт, қарын, май алады деп мақтанады

Сонда құлын бір кісінеп:
- Ихо - хо! Босқа мақтанбаңдар иеміз мені жақсы көреді, мен мінсе көлік, жесе азық - депті

Сонда үндемей тұрған бота:
- бәрінен де бізді жақсы көреді біздің шұбатымыз ең алтыны

Сол кезде адам келіп

-төлдерім босқа таласпаңдар әрқайсыларыңның орындарың бөлек деп жауап беріпті