Ашық сабақ "Тригонометрия" 8-сынып

Ұзақ мерзімді жоспар бөлімі:

Мектеп:М. Горький атындағы №1 мектеп-гимназия» КММ

Күні:

Мұғалімнің аты-жөні: Фазилова Зада Бахытжановна

Сынып: 8

Қатысқандар саны:

Қатыспағандар саны:

Сабақ тақырыбы

Тригонометрия

Осы сабақта қол жеткізілетін оқу мақсаттары (оқу бағдарламасына сілтеме)

8.2.4.1 Пифагор теоремасын пайдаланып, формуласын қорытып шығару және есептер шешуде қолдану

Сабақ мақсаттары

Пифагор теоремасын пайдаланып есептер шығарады.

Формуланы қорытады.

Египет үшбұрышын анықтап, кері теореманы тұжырымдайды

Бағалау критерийі

Пифагор теоремасын тұжырымдайды

Формуланы пайдаланып, есептер шығарады

Пифагор теоремасына кері теореманы тұжырымдайды

Тілдік мақсаттар

Оқушылар Пифагор теоремасын түсінеді және есептер шығаруда қолданады

Пәнге қатысты лексика мен терминология:

Пифагор теоремасы, катет, гипотенуза, үшбұрыш, теорема, Египет үшбұрышы, тік бұрыш

Диалогқа/жазылымға қатысты тіркестер:

Пифагор теоремасы........

Египет үшбұрышы дегеніміз........

Құндылықтарды

дарыту

Оқушыларды еңбекке, шығармашылыққа, өмір бойы білім алуға баулу

Пәнаралық байланыстар

Сызу

Бастапқы білім

Үшбұрыш, катет, гипотенуза, өлшем бірліктері, пропорционал кесінділер туралы теорема

Сабақбарысы

Сабақтың жоспарланған кезеңдері

Сабақтағы жоспарланған іс-әрекет

Ресурстар

Сабақтың басы

10 мин

1. Ұйымдастыру кезеңі (оқушыларды түгендеп, сынып тазалығына назар аударамын)

2. Оқушылардың зейінін сабаққа шоғырландыру үшін «Бір қадам алға...»әдісін қолданамын (мұнда өткен тақырыптар бойынша сұрақтар қоя отырып, жаңа сабаққа бағыттаймын, оқушылар тақтаға шығады)

3. Топқа бөлу (геометриялық фигуралар арқылы топқа бөлемін)

4. Үй тапсырмасын интерактивті тақтадағы жауап бойынша сағат тілі бойынша жылжу арқылы дәптерлерін ауыстырып тексереді.

Оқушылар үй тапсырмасын «Басбармақ» әдісі арқылы бағалайды, яғни қаншалықты меңгергенін қол сигналдары арқылы көрсетеді.

Сабақтың ортасы

25 мин

І.Топпен жұмыс

«Фишбоун» әдісі, яғни, графикалық органайзерді сабаққа қолданады.

Жаңа мәліметті, идеяларды сұрақ-жауап арқылы жаза отырып, қорытынды ойларын жинақтайды. Берілген мәлімет бойынша өздері сұрақ қойып, жауабын топтық жұмыста талқылауға, ой қорытуға белгілі бір қорытындыға келуге жетелейді. Постерге балықтың қаңқасы суретін салып, басына тақырып жазылады. Денесінің жоғарғы жағындағы қанаттарға идеяның себептері, төменгі қанаттарға идеяның салдары жазылады. Түйінді ой құйрығына жазылады. Кейін ауызша, жазбаша кері байланыс береді. Жақсы тақырып мазмұнын ашқанына байланысты оқушылар бір-біріне кері байланыс жасайды.

ІІ. Жұппен жұмыс

“Ара ұясы” техникасы

Топ ішіндегі оқушыларды жұптастырып аламын. Жұптағы оқушыларға деңгейіне қарап есеп дайындаймын. Есептер деңгейіне қарай алдын ала тақтада үш ұяда ілінеді. Ұядан алған есепті оқушы орнында шығарады. Есептердің жауабы слайдта көрсетіледі. Жұп есептің шешімін бір-бірімен жұмысын алмасу арқылы тексереді. Бұл әдісті таңдағандағы себебім, енді екі жұп алған ақпараттарын ары қарай талдауды практикалық есептерді шығару барысында жалғастырады.

І ұя

Есеп: a=6 жәнеb=8 катеттері бойынша үшбұрыштың гипотенузасын тап

Тік бұрышты үшбұрыштың гипотенузасы 5 м, ал оның бір катеті 3 м. Екінші катетті табыңыз.

Тіктөртбұрыштың қабырғалары 8 дм және 6 дм. Диагоналін табыңдар

ІІұя

Есеп: 1) 6 м және 8 м;

2) 12 см және 16 см;

3) 1 дм және 2,4 дм диагональдары бойынша ромб қабырғасының ұзындығын табыңдар.

ІІІ ұя

Есеп: Катеттері бойынша тік бұрышты үшбұрыштың гипотенузаға түсірілген биіктігін табыңыз. Мұндағы:

1) а= 5, b=12

2) а=12, b=16

Қабырғалары 10 см және 12 см болатын тең бүйірлі үшбұрыштың табанына түсірілген биіктігін табыңдар

Қалыптастырушы бағалау: сигналды карта арқылы оқушылар өзін-өзі бағалайды. Кері байланыс дер кезінде жүргізіп отырамын.

ІІІ. Жеке жұмыс

«Сұрақтар қорапшасы» арқылы оқушылармен жеке жұмыс жүргіземін.

Оқушылар топ басшысын сайлайды. Жүргізушінің қолында қорап болуы керек. Оқушылар тақырып бойынша ашық сұрақтар құрастырып, жүргізушіге береді. Сұрақтар құрастырылып біткен соң, оқушылар сандықшадан кез келген сұрақты алып, дауыстап оқиды, толық жауап беруге тырысады. Қойылған сұрақпен берілген жауап бағаланады.

Қалыптастырушы бағалау: Жарайсың, керемет, жақсы ...деп деген сөздермен көңілдерін көтеріп, смайликтер арқылы оқушыларға қолдау көрсетіп отырамын

Сергіту сәті

«Гүлдер»

Оқушыларға қағаздан қиылған үш түсті гүл үлестіріледі. Олар сабақ қорытындысы бойынша жасыл түсті гүлді ең көп көмектескенге, сары гүлді ең сыпайы оқушыға, ал қызыл гүлді ең жақсы тыңдай білген балаға береді. Ең үлкен гүл шоғы кімде болар екен? деген оқушыларда сабақ соңында қызығушылық туады.

Сабақтың соңы

5 мин

Сабақты бекіту

Рефлексия. Кері байланыс:«Блоб» ағашы

Үйге тапсырма: №2.6; №2.22; №2.33 есептерді шығару

Саралау –оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Бағалау – оқушылардың материалды меңгеру деңгейін қалай тексеруді жоспарлайсыз?

Денсаулық және қауіпсіздік техникасының сақталуы

Күрделілігіне қарай алға ілгеріп отыратын тапсырмалары бар карточкаларды пайдаланамын. Оқушыларды ойланту үшін және бірқатар жауап алу үшін сұрақтарға тартамын. Оқушылардың қажеттіліктеріне қарай жұптағы оқушыларға деңгейіне қарап есеп дайындаймын.

«Басбармақ» әдісі, сигналды карта арқылы оқушылар өзін-өзі бағалау, жарайсың, керемет, жақсы ... деген сөздермен көңілдерін көтеріп, смайликтер арқылы оқушыларға қолдау көрсету

Сынып бөлмесіндегі техника қауіпсіздік ережесін сақтау

Сабақ бойынша рефлексия