Ашық сабақ "Тұрмыстық жиһаздар"

№3 облыстық балалар оңалту орталығы

Ашық сабақ

Тақырыбы:

(Құрастыру)

Тәрбиеші: Қантаева Г

Тақырыбы: ЖИһАЗДАР

Мақсаты:

Білімділік: балаларға үй жиһаздары туралы түсіндіру, жеке-жеке атын атап үйрету.

Түзете дамыту: есте сақтау, көру, ойлау, сөйлеу, танымдық процестерін, қиялын, қызығушылығын дамыту, сөздік қорын молайту, зейінін шоғыр-ландыру, шапшаңдыққа үйрету, ойынға қызығушылығын арттыру, ұсақ қол, саусақ моторикасын дамыту.

Тәрбиелік: жиһаздарды күтіп, бүлдірмей, таза ұстауға тәрбиелеу.

Көрнекілік: Үй макеті, жиһаздар бейнеленген суреттер, құрастырғыштар, доп.

Әдіс-тәсілі: Сұрақ-жауап, көрсету, түсіндіру, әңгімелеу, суретпен жұмыс, ойын, құрастыру жұмыстары.

Барысы І. Ұйымдастыру кезеңі

Баланы психологиялық тұрғыда сабаққа дайындау.

«Шаттық шеңбері»

«Бала, бала, балақан» әнін орындайды.

ІІ. Негізгі бөлім

Ой қозғау.

Үйдің макетін көрсетіп, сұрақ-жауап әдісін пайдалана отырып, балаларды жаңа сабаққа енгізу.

• Балалар, мынау не?

• Үй

• Біз қайда тұрамыз?

• Үйде.

• Біздің үйіміз қандай?

• Таза, жарық,үлкен.

• Үйде кім-кім тұрасыңдар?

• Папам, мамам, қарындасым.

• Ал, енді үйлеріңде қандай заттар бар? Атын атап беріңдерші.

• Стол, орындық, шкаф, сандық, диван, телевизор, кілем, керуерт.

• Балалар, бұл заттар біздің топта да бар ма?

• Иә.

• Ендеше, балалар осы заттарды қысқаша жиһаз деп атайды екенбіз.

«Жиһаз» сөзін қайталау.

Дидактикалық ойын: «Жиһаздың атын атап допты домалату»

Мақсаты: Шапшаңдыққа, төзімділікке үйрету, сөздік қорын молайту.

Шарты: Балаларға допты бір-біріне домалата отырып жиһаздардың атын атап үйрету.

Балалардың түсінгенін пысықтау, бекіту. (Сұрақ-жауап)

ІІІ. Бекіту

Тәрбиеші көмегімен құрастырғыштармен жұмыс.

Сергіту сәті:

Тербеледі ағаштар,

Алдымнан жел еседі.

Кіп-кішкентай ағаштар,

Үп-үлкен боп өседі.

- Балалар мына сандықтың ішін ашып көрейікші. Мұнда не бар екен?

(Балалар сандық ішіндегі жиһаздар бейнеленген суреттерді өз қолдарымен алып, атын атауы тиіс)

Қорытынды:

Әрқайсысымыздың отбасымыз аман болсын! Деніміз сау болсын!