Авторы: Омарғазина Әдемі Мұхтарқызы

Абай облысы.Аягөз каласының «А.Шах»ЖШС- не қарасты

«Айым жеке меншік мектеп- балабақшасы»

Ү ү дыбысы мен әрпі

Білім беру саласы :Қатынас

Бөлімі: Сауат ашу

Тақырыбы: Ү ү дыбысы мен әрпі

Мақсаты: Балаларды ү дыбысымен таныстыру, аталған дыбысқа сөз ойлату арқылы сөздік қорларын байыту. Ойын арқылы ойлау қабілеттерін дамыту.

Міндеттері: Сөздерге дыбыстық талдау жасауға жаттықтыру, үйрету. Балалардың сөйлеу мәнерін, сөздік қорларын байыту. Білімге деген қызығушылығын қалыптастыру, сауатты жазуға тәрбиелеу.

Әдіс-тәсілдер: көрсету, түсіндіру, сұрақ - жауап, ойын, сергіту, қорыту.

Сөздік жұмыс: үтік, үйрек, күшік.

Көрнекіліктер: Ү әрпінің баспа түрлері, суреттер, текшелер, карточкалар. «Сауат ашу. Әліппе-дәптер».

Сәлемдесу

Бүгінгі ұйымдастырылған оқу қызметін бастамас бұрын, сіздерге миға шабуыл жасау арқылы өткен тақырыптарды еске түсіріп бір пысықтап өтейік.

-Дыбыс дегеніміз не?

-Дыбыстар нешеге бөлінеді?

-Неге дауысты, дауыссыз дыбыстар деп атаймыз?

-Әріп дегеніміз не?

Балалар балалар бүгін біз жаңа дыбыс әріппен танысатын боламыз.Алдымен сендерге жұмбақ жасырғым келіп тұр,егер жұмбақтың шешімін тапсаңдар бүгінгі дыбысымыз,әрпіміз шыға келеді.

Жұмбақ жасыру

«Үйрек» десе -бірінші,

«Бүйрек» десе -екінші,

Бұл қайсы әріп екенін,

Біреу айтып берсінші.

-Балалар, үйрек дегенде бірінші қандай дыбыс естіп тұрсыңдар?

- Үү дыбысы қандай дыбыс?

- Қандай текшемен белгілейміз?

Ү әрпінің баспа, жазба түрін көрсету.

Ауада , тақтада бас әрпімен, кіші әрпін жазып көрсету.

Сөздерді буынға бөлгізу.

Үй-рек, ү-кі, кү-шік, үй-шік, күй-ші , үл-кен.

«Буынға буын қос» ойыны.

Ойынның шарты : балаларға топқа сөздің басқы буынын айтады, сөзді тез аяқтау керек.

Ау – (ла), ал – (ма), Са – (ра), Сә - (біз). Үй-рек, ү-кі, кү-шік, үй-шік, күй-ші , үл-кен.

Ойын: «Дыбыстар сандығы»

Сандық ішінде дыбыстар мен әріптер жасыру. Әріптер мен дыбыстарды сандықтан алып өз үйшіктеріне апару.

Дәптерімізге Ү әрпін жазу.

Д/о:«Сөз ойла, тез ойла»

Ү дыбысы бар суретті тауып атын атау , буынға бөлу , бір сөзіне дыбыстық талдау жасау.

Үйрек , үкі, күшік , үйшік.

Әріптерге дыбыстық талдау жасату

Рефлексивті-коррекциялаушы кезеңі

-Сонымен балалар,біз бүгін қандай әріппен таныстық?

- Ү әрпі қандай дыбыс?

- Ү әрпін қандай текшемен белгілейміз? (көк текшелерін көрсетеді )

- Балалар, бүгінгі өткен сабағымызды «Сиқырлы таяқша» ойыны арқылы қорытамын.

Сиқырлы таяқшаны ұстап тұрып Ү әрпіне байланысты сөз айтып шығамыз. Сабаққа жақсы қатысқан балаларды мадақтау.

Балалар сұрақтарға жауап береді.

Күтілетін нәтиже:

Білуі керек: Ү дыбысы мен әріп таңбасымен толық танысады;

Игеруі керек: Ү дыбысы бар сөздерге дыбыстық талдау жасауды игерді

Меңгеруі керек: Сурет бойынша әңгіме құрай алуды, баспа түрде жазуды меңгерді.