Тақырыбы: «Үй жануарлары мен жабайы жануарлар» Мақсаты: балалардың үй жануарлары мен жабайы жануарлар туралы түсініктерін қалыптастыру. Балалардың ойлау қабілеттерін сұраққа жауап беру арқылы дамыту. Сөздік қорын молайтып, есте сақтау қабілетін дамыту.

Көрнекілік: үй жануарлары мен жабайы жануарлардың суреттері. Төлдерінің суреттері, үй жануарлары мен жабайы жануарлар бейне баяны, аудиодыбыстар.

Ұйымдастыру кезеңі: Балаларды шаттық шеңбер басына тұрғызып, келген қонақтармен амандасу, төмендегі өлең жолдарын айтқызады: Шаттық шеңбері: Күлім қағып жанарым, Қолымды мен соғайын. Қарап тұрған көршіме, Қолымды мен бұлғайын. Маңдайыңнан сипайын, Қолыңды бер қысайын. Амандасып өзіңмен, Құшақтасып алайын.

Т әрбиеші: Жарайсыңдар, балалар орнымызға отырамыз. Бүгінгі ашық оқу қызметі тақырыбы: «Үй жануарлары мен жабайы жануарлар»

Т әрбиеші: балалардың назарын тақтаға аударады. Үй жануарлары мен жабайы жануарлар туралы таныстырады. Адамдардың көмегімен өмір сүретін жануарларды- үй жануарлары деп атаймыз. Оларға: Сиыр, ешкі, түйе, жылқы, қой, ит, мысық жатады. Ал орманда өз беттерімен тамақ тауып, өздерін қорғайтын жануарларды – жабайы жануарлар деп атаймыз. Оларға: түлкі, қоян,қасқыр, аю тағыда басқа көптеген жануарлар жатады. Ендеше үй жануарлары мен жабайы жануарлар туралы теледидардан көріп тамашалайық.

Тәрбиеші: балалар үй жануарлары мен жабайы жануарлардың төлдерін білесіңдер ме? Сиыр- бұзау Жылқы- құлын Қой- қозы Ешкі- лақ Түйе- бота Ит- күшік Мысық- марғау Аю- қонжық Түлкі- жәудір Қасқыр- бөлтірік Қоян- көжек (балалар қайталап айтады)

Тәрбиеші: жарайсыңдар, балалар тапсырма орындағыларың келе ме? Ендеше тақтада тұрған жануарлардың адасып қалған төлдерін атап жандарына орналастырайық. 1. Тапсырма: «Жануарларды төлдерін ата» (ұжымдық жұмыс) Мақсаты: балалар жануарлардың төлдерін енелерінің қасына қоюлары керек. Оларды атап, үй немесе жабайы жануарлар екенін табулары керек. Тәрбиеші: жарайсыңдар, балалар. Қане бір сергіп алайық, барлығымыз ортаға шығып, теледидарға назар аударайық. Сергіту: теледидардан бейне баян көру арқылы жануарлардың қимыл-қозғалысын қайталап жасайды. Тәрбиеші: жарайсыңдар, балалар. Сергіп қалдыңдар ма? Енді ойын ойнағыларың келе ме? Ойын: «Даусын ажырат» Мақсаты: аудиодыбыстағы дыбыстарды мұқият тыңдап ажырату. Онда мына жануарлардың даустары естіледі: мысық, ит, жылқы, қасқыр, сиыр, аю. Тәрбиеші: жарайсыңдар, балалар. Ендеше келесі тапсырманы орындайық. 2- тапсырма: «Жануарлар немен қоректенеді?»

Мақсаты: қағаз бетіндегі үй жануарлары мен жабайы жануарлары, жейтін қоректерін жай қарындаш арқылы сызып қосу.(жеке жұмыс)

Тәрбиеші: жарайсыңдар, балалар. Бүгінгі оқу қызметін қорытындылайық. Қорытынды:

-Ұйымдастырылған ашық оқу қызметі ұнады ма, балалар? -Біздер жануарлардың қандай түрлерімен,төлдерімен таныстық? -Қандай бейне баян көріп тамашаладық? -Қандай ойын ойнадық? -Қандай тапсырмалар орындадық?

Тәрбиеші: Жарайсыңдар,балалар. Бүгінгі ашық оқу қызметіне өте жақсы қатыстыңдар. Балаларды мадақтау, тәттілер тарату. Келген қонақтармен қоштасу.