Ашық сабақ. Ұлттық ойын «Қашпа доп»

Сабақ тақырыбы: Ұлттық ойын «Қашпа доп»

Білімділік мақсаты: Оқушыларды ұлттық ойындарға қызығушылығын

арттыру.Икемділікке,шеберлікке,мергендікке,шыдамдылыққа баулу.

Дамытушылық мақсаты: Студенттердің логикалық ойлау қабілетін дамыта отырып, көргендерін еске сақтап, оны қайта жаңғыртуға үйрету.

Тәрбиелік мақсаты: еңбек сүйгіштікке тәрбиелеу, ұқыптылыққа тәрбиелеу.

Сабақ түрі: аралас сабақ

Сабақтың әдісі: Қимылдау әдісі, топтық жұмыс, тәжірибелік жұмыс.

Сабақтың көрнекілігі: ысқырғыш, кіші доп, қашпа доп таяғы.

Сабақ барысы:

Ұйымдастыру кезеңі

Ұйымдасқан түрде колледж алаңына шығып бір қатарға сапқа тұру. Спорттық киімдерін тексеру.

• «Түзеліңдер»

• «Тік тұрыңдар»

• Кезекшінің баяндамасы

• «Сәлеметсіздер ме? Еркін тұрыңдар»

II. Үй тапсырмасын тексеру.

• Үй тапсырмасы Қозғалмалы ойындар, кім шапшаң, эстафета

Жалпы жаттығулар:

Б.Қ-Қол белде,аяқ иық тұсында,басты айналдыру жаттығуы.

Б.қ-Қолды алға созу,аяқ иықтың тұсында,10 рет отырып тұру жаттығуы

Б.қ-аяқ иық тұсында белді айналдыру жаттығуы.

Б.қ.-Аяқ иық тұсында қол тізеде,аяқты ішке,сыртқа айналдыру жаттығуы.

Жүгіріс кезінде дұрыс тыныс алу.

Жаттығулардың дұрыс жасалуын қадағалау.

II

Негізгі бөлім

Ұлттық ойын «Қашпа доп».

Ойын 60х40 метр алаңдықта ойналу керек.Алаңнын екі шетіне диаметрі 4 метрлік шеңбер сызылады.Бөлінген екі команданы А және Б командасы деп алайық.Төрешінің жеребе тастауы бойынша екі команданың біреуі шабуылдаушы,ал біреуі қорғаушы болады.А командасы бастапқы сызықтың қасында бірінен соң бірі тұрады,ал Б командасының бір ойыншысынан басқасы алаңды күзетеді.Допты беруші мен допты соғушының ара қашықтығы 3 метр болуы керек.Б командасының бір ойыншысы А командасының ойыншыларына кішкене допты көтеріп ауаға қалқытып береді,ал А командасының допты соққан ойыншысы Б командасының ойыншылары допты ұстап алғанша қарсы бағыттағы межеге үлгеріп барып келуі керек.А командасы ауаға қалқытып соққан добын жерге тигізбей Б командасының ойыншысы қағып алса допты алыс қашықтыққа лақтырып Б командасы барлық шапшаңдықтарымен алғашқы межеге толықтай кірулері керек.

Алаңнан шығып кетуге болмайды.

15 минуттың ішінде көп ұпай жинаған команда жеңіске жетеді.

Допты соққанда айналасындағы ойыншыларға тигізіп алмауын қадағалау.

III

Қорытынды бөлімі

• Сапқа тұрғызу.

• Жіберілген қателіктерін айту.

• Бағалау.

• Үйге тапсырма.

• Қауіпсіздік ережесін қайталау.жаттығу жасау.