24.11.2022 жылы информатика пәні бойынша «Векторлық суреттерді құру» тақырыбында

5 «А» сыныбында өткізген ашық сабаққа рефлексивтік есеп

Сабақты оқушылармен «Ыстық құшақ» әдісімен бастап, оқушылардың көңіл-күйін көтеріп, жағымды ахуал тудырдым. Таңдау жасаған смайликтері бойынша 2 топқа бөліп,топта жұмыс жасау ережесін айтқыздым.

Үй тапсырмасын тексеруде «Ғажайып ұяшық» әдісімен қандай графикалық редакторлардың бар екенін және қаншалықты тақырыпты түсінгендердерін түрлі түсті ұяшықтарды таңдау арқылы анықтадым.

Жаңа тақырыпты болжап,мақсаты айқындалғаннан кейін ортақ тақырыпты түсіндіріп вектор мен растр айырмашылықтары мен кемшіліктерін анықтау барысында « Балық қаңқасы» әдісімен толықтырылды.

Жаңа сабақтың тақырыбын да, жетістік критерийлерін де балалар өздері аша білді.

Сабақта алған білімдерін топтық жұмыстар жасап, одан әрі бекітті. 2 топқа бөлініп топпен жұмыс жасау барысында оқушылар бір-бірінің пікірлерін тыңдай отырып, біріге жұмыс жасай алатындары байқалды. Топтық жұмыста векторлық және растрлық суреттерді салыстыру кестесі берілді. Әр топ қосымша берілген жұмыстарын қорғап шықты. Топтар бір-бірлерін бағалады.Әр оқушы тапсырмасын орындаған деңгейіне қарай сабақ кезеңдерін бағалау парақшасына белгіліп отырды.

.

Жеке жұмыста әр оқушы LearningApps платформасында векторлық және растрлық суреттерді ажырата білді. LearningApps платформасында «Қызықты сөздер» ойыны ойналды әр оқушы тақырыпқа байланысты сөздерді тауып, интерактивті тақтада жұмыс жасады.

Сабақты қорыту мақсатында Plickers платформасында оқушыларға QR карточкалар таратылып, тесттік сұраққа жауап берілді.

Рефлексияда оқушылар өздерінің сабақта не үйренгендерін және қандай әсер алғандарын стикерге жазып, «Қуат көзі» бағалау әдісімен сары және жасыл түсті таңдап, тақырыпты жақсы меңгергендерін көрсетті.