Ашық сабақ:Төртбұрыштар мен үшбұрыштың ауданын табуға есептер шығару.8-сынып

Мұғалімнің

аты-жөні

Кузембекова Айнур Жанатовна

Ақыртөбе орта  мектебі

Пән: геометрия

Сынып: 8

Сабақтың тақырыбы:

Төртбұрыштар мен үшбұрыштың ауданын табуға есептер шығару.

Сілтеме

Білім стандарты,   пән бағдарламасы,  «Геометрия» оқулығы  8-сынып, әдістемелік құрал,ғаламтор материалдары.

Жалпы мақсаты

Оқушылардың төртбұрыштар тарауынан алған білімдерін жаңғырту, тереңдету, есептерді талдай білуге үйрету.

Логикалық ойлау қабілеті мен есептеу дағдыларын жетілдіру, өз бетінше еңбектену, белсенділіктерін арттыру, пәнге қызығушылығын ояту, оқушылардың білім, білік дағдыларын қалыптастыру.

Ынтымақтастықта жұмыс жасауға, ұйымшылдыққа тәрбиелеу.

Күтілетін нәтиже

Алған білімдері мен түсініктерін қайталайды, есте сақтау қабілеттері артады. Төртбұрыштар мен үшбұрыштардың аудандарын таба біледі.

Логикалық ойлау қабілеті мен есептеу дағдылары жетіледі.

Топпен бірлесіп, жекелей және жұппен жұмыс жасауды үйренеді. Өзара бағалайды, бір-біріне түсіндіреді.

Негізгі идеялар

Төртбұрыштар мен үшбұрыштар жайлы өтілген материалды еске түсіру, формулаларды қайталау, есептер шығаруда қолдану.

Әдіс-тәсілдер

Жеке, топпен, сыныппен жұмыс, тренингтер, "Ой қозғау" стратегиясы, семантикалық кесте, критерийлер бойынша есеп шығару өзара, өзін-өзі бағалау, БББ техникасы(кері байланыс)

Ресурстар

Ғаламтор ustaz.kz, 45 минут сайттары, топтық тапсырмалар,слайдтар, үлестірмелер, түсті қима қағаздар, стикерлер, фигуралар, смайликтер,бағалау парағы, маркерлер, А3 қағаздары.

Сабақтың барысы

Уақыты

Мұғалімнің іс-әрекеті

Оқушының іс-әрекеті

Ұйымдастыру кезеңі

"Ой қозғау"

(жеке жұмыс)

Семантикалық кесте

Топтық жұмыс:

Топтық жұмыс.

(критерийлер бойынша есептер шығару)

Кітаппен жұмыс.

Қорытындылау кезеңі

Ұжымдық жұмыс:

«Кім көп біледі?»

3 минут

5 минут

15 минут

10 минут

3 минут

Оқушылармен амандасу.

Топқа бөліну: Таратылған фигураларға қарай топқа бөледі.

Топбасшыға бағалау парағы беріледі.

Әр оқушыға семантикалық кесте беріледі.

Бұл кезеңде үш топқа үш түрлі есеп беріледі.

1-есеп: Тіктөртбұрыштың периметрі 56 см, ал бір қабырғасы екіншісінен 6 есе ұзын. Тіктөртбұрыштың ауданын табыңдар.

2-есеп: Параллелограмның қабырғалары 4 см және 6 см, ал олардың арасындағы бұрышы 30⁰. Параллелограмм ауданын тап.

3-есеп:Егер табаны АС болатын теңбүйірлі АВС үшбұрышының АВ=10 м, ВН биіктігі 8 м болса, ауданын табыңдар

Мұғалім әр топқа бірлесе орындауға бірдей есеп береді.

№293 Есеп

Экраннан есептің шығарылу жолы көрсетіледі.(соңынан)

Тақтаға фигуралардың аудандарының формуласы көрсетіледі. Оқушылар қай фигураның ауданы екенін айту керек.

Мұғаліммен амандасады.

Оқушылар алған фигуралары

бойынша топқа бөлінеді. Әр топқа бір топбасшы сайланады. Топбасшы бағалау парағына топтағы оқушылардың аты-жөнін жазады. Әр тапсырманың ұпайларын жазып отырады.

Оқушылар кесте бойынша фигуралар мен аудан формулаларын сәйкестендіреді. Экранда көрсетілген жауап бойынша оқушылар өзін-өзі тексереді.

Оқушылар фигурадағы есептерді шығарады. Постерге жазып, қорғайды. Шыққан есептерді келесі топ тексереді.

Үш топқа бірдей 1 есеп берілген.Соларды

критерийлер бойынша

орындаған соң, оқушылар

бірін-бірі топтарды

бағалайды.

Оқушылар тақтадан жылдам әрі дұрыс қай фигураның ауданының формуласы екенін айтады.

Бағалау

Әр топтың топбасшылары бағалау парағы бойынша жинаған ұпай сандарын қосып, бағалау критерилері бойынша бағаланады.

Үйге тапсырма:

№286,№294

Кері байланыс

«Білемін, Білдім, Білгім келеді» кесте толтыру