Болшақтың жарқын жолында –« Жас маман»

Жас мамандармен жүргізілген жұмыстар туралы

анықтамасы

Ақырын жүріп, анық бас,

Еңбегің кетпес далаға,

Ұстаздық еткен жалықпас,

Үйретуден балаға…»-деп, Aбaй aтaмыз бекер  aйтпaғaн. Ұстаздық бұл өмірдегі ең жақсы, ең адал, ең жауапты, қызығы мен қиыншылығы қатар жүретін  мaмaндықтардың бірі. Ұстаз әрқашанда іздену үстінде болу керек, үнемі жаңалықты ашушы,ізденімпаз  болуы  керек, Eлбaсымыз айтып кеткеніндей «Біздің басты байлығымыз – адам, және адамдағы бар жаксылық — мұғалімнен» біздерге қазіргі таңда үлкен жауапкершілік артылып отыр, өйткені Қазақстанның болашағы – қазіргі жас ұрпақ, ал болашақтың қандай болатынына тікелей әсер етуші біз- ұстаздармыз. Қазақстанның басты мақсаты-әлемдегі озық елдердің қатарына қосылу болғандықтан, келешекте өз еліне үлес қосып, елімізді әлемге танытатын тұлғаларды қазірден бастап тәрбиелеу біздің басты міндеттеріміздің бірі.  «Адамның адамшылығы — жақсы ұстаздан» деп ұлы Абай айтқандай, мұғалім тәрбиесі мен өнегесі оқушының болашақ азығы. Жақсы ұстазға кезігіп, тәлім-тәрбие алған шәкірт өмір майданында мойымай күресіп, болашақ жолдарда бағытынан таймасы анық.     

 Биылғы оқу жылында мектебімізде 13 жас педагог жұмыс атқарады. Жаңартылған білім мазмұны жағдайында жас мамандардың табысты бейімделуі үшін ұйымдастыру, әдістемелік жағдай жасау мақсатында «Жігер» жас маман орталығы жұмыс жүргізеді. Жас мұғалімдердің кәсіби дайындық деңгейін анықтау, нормативтік құжаттармен жұмыс істеуді меңгерту, күнтізбелік-тақырыптық жоспарлауды дайындау, мектеп құжаттарын жүргізу, таңдау пәндері бойынша,  жеке және топтық курс бағдарламаларын дайындаудағы жеке консультациялар, қазіргі сабаққа қойылатын талаптар, оқу процессін ұйымдастыру формалары, олардың үйлесуі, қазіргі мектептегі сынып жетекшісінің қызметі сияқты мәселелер отырыстарында қаралды. Қыркүйек айында жас мандардың тізімі жасалып, сапалық құрамы анықталды, «Жігер» жас маманның жұмыс жоспары бекітілді.

Ұстаз-жас маман арасындағы қарым-қатынас әріптестік бағытта қарастырылған.Әр жас

маман үшін тәжірибелі ұстаз бекітілген.Әдістеме бірлестік жетекшілері жас мамандар және

жұмысқа жаңа орналасқан мұғалімдермен жұмыс жасаудың жоспарын жасайды.Жас мамандармен ұлағатты ұстаз арасындағы сабақтастық мектебіздің жыл бойына қаланып келе жатқан дәстүрін жалғастыру мақсатында көп көмек беріп жатыр.

Біршама педагогтардың жоғары сапалы сабақтары ,білім сапасының жоғарылауы,пәнге деген мектепке деген қызығушылықтың артуы жұмыстың жүйелі түрде жүргізіліп келе жатқанын байқатады.

Химия пәнінің мұғалімі Батырбеков Мұхтасарға –Химия пәнінің мұғалімі Смағұлова Гүлзат, педагог –ассистент Абдуллаева Гулистанға-Жанасыл.Дадебаева ,математика мұғалімі Маратова Мадинаға-математика пәнінің мұғалімі Қаратаева Баян , тәлімгер болып тағайындалды, жұмыс жоспары бекітілді. Сонымен қатар жас маман алғашқы әскери дайындық мұғалімі Әлмұрат Манас –Еримбетов Кенжеғали.

Жас мандарға әдістемелік көмек көрсету мақсатында жыл басында информатика пәні мұғалімі Алтынай Киргабакова жас мандарға электронды журналды толтыру бойынша нұсқаулық беріп, платформаны қолдануды үйретті. Мақсаты: функционалды жұмыс істеу үшін ережелерді білу; критериалды журналға өзгерістер енгізуді білу, формативті және қалыптастырушы бағалауды дұрыс енгізу, қатысу туралы белгілерді қоя білу. 

Мектеп мұғалімдері жас мандармен жоспар бойынша жыл бойына жұмыс жасйды .2024-2025 оқу жылындағы «Жігер» жас маман жоспары таныстырылды.

Бүгінгі жас мамандар – еліміздің ертеңі. Олар Қазақстанның дамуына үлесін қосар азаматтар, болашақ білікті мамандар, өз ісінің шеберелері. Заман талабына сай қызмет еткен жас маманның нағыз майталман маманға айналмауы мүмкін емес. Ол үшін әрине, Елбасымыз айтқандай, әрбір жас өз – өздерімен үздіксіз жұмыс істеп, өз білімдерін, кәсіби құзырықтарын арттыру қажет.

Анықтама беруші: Р.Турсынова («Жігер» жас маман жетекшісі)