ашық тәрбие сағатының жоспары. Тәуелсіздік тәңір берген тәтті сый

«Т.Момбеков атындағы ШЖЖОМ» КММ

Тәуелсіздік

тәңір берген тәтті сый

Тайқоңыр елді мекені

2022-2023 оқу жылы

КЕЛІСЕМІН БЕКІТЕМІН

ДТІЖО Тікенов Д.М. Мектеп директоры А.Омарқызы

____________________ ____________________

«____»________ 2022 ж. «____»________ 2022 ж.

Тәуелсіздік

тәңір берген тәтті сый

Ұйымдастырушылар :

Үйірме жетекшілері

Култаева Б.Т., Дүйсебаева Ж.К.

Тайқоңыр елді мекені

2022-2023 оқу жылы

1-жүргізуші Ассалаумағалейкум, Қазақ елі!

2-жүргізуші Армысыздар, азат елдің айбынды азаматтары!

1-жүргізуші Бір Алла атты теңдессіз ғажап ұстаның,
Бойына жиған имани тазалық нәрін.
Төріңе қанша төнсе де қара дұшпаның,
Болашағы үшін бастарын бәйгеге тігіп,
Қорғады сені серт беріп сан арыстарым – Қазақстаным!

2-жүргізуші Төндіріп тағдыр басыңа қара бұлттарын,
Тарихтан білем ұлтымның жан ауыртқанын.
Ұрпақтарыңның былғаған балалық шағын,
Қариялардың ұрлаған даналық шамын,
Замандар да өтті-ау, жататын тоналып бағың – Қазақстаным!

1-жүргізуш іӨмір-өзеннің бұлқынған долы ағыстарын,
Елең де қылмай, еңкеймей, алабұртпадың.
Қап-қара жерге қып-қызыл көп ағып қаның,
Ақырып теңдік сұрап ең, Алашыңды айтып,
Ақыры келіп қолыңа жалау ұстадың – Қазақстаным!

2-жүргізуші Босатып тордан зарыққан дала құстарын,
Алдыңнан атты нұр шашып, ағарып таңың.
Соның үшін де қолыма қалам ұстадым…
Жүрегімменен жүремін үнемі сезіп,
Бойыңда сенің асқақ рух, дара күш барын – Қазақстаным!

1-жүргізуші Алты алаштың арманы болған, арда елдің айбары болған ең ұлық болған тәуелсіздік күні баршамызға құтты болсын!

1-номер. 6 сынып оқушысы Асылбек Алмаздың орындауында «Менің елім» әні.

«Жас ұлан», «Жас қыран» ұйымына қабылдау

2-жүргізуші Салтанатты жиынымыздың басында бүгінгінің балалары, ертеңгі болашағымызға айналар өрендерге беруді жөн санадық. Олай болса , жыл сайынғы дәстүріміз бойынша ортаға «Жас ұлан», «Жас қыран» ұйымына мүшелікке қабылданушыларды шақырайық.

1-жүргізуші «Жас қыран» ұйымы мүшелері 3 “А» сынып оқушылары

1.Абайұлы Айбол

2.Сейтқазы Бағым

3.Нұржан Нұрай

4. Бақытжан Асылжан

2-жүргізуші

4 «А» сынып оқушылары

1. Омаров Іңкәр

2. Шаншархан Нұрғаным

3. Өмірбек Гүлсезім

4. Кемал Карима

1-жүргізуші

Жас ұлан ұйымына қабылданушылар 5 «А» сынып оқушылары

1.Күмісбек Кәусар

2. Өрікбай Балғын

3. Мұхаммедияр Зерде

4. Ақылбек Әділет

6. Ислам Сафуан

7. Мырзабек Айзере

3-4-5 сынып оқушылары ортаға шығып, АНТ қабылдайды, әнұранын орындайды.

2-жүргізуші Құрметті мектеп әкімшілігі және Ұстаздар сіздерді , «Жас Қыран» ұйымына қабылданған оқушыларға төсбелгілерін тасбыстау рәсіміне шақырамыз.

2-номер Өлең оқу

Жігіттер монолог оқиды

Бақытжан Мағжан, Саматұлы Абай, Уали Мұхамедали

2-жүргізуші:

Көкірегімнің үміті мен тілегі
Күй боп түлеп, күн боп шығып күледі.
Күн астында көк төбелер түледі —
Менің елім, менің елім — гүл елі!

1- жүргізуші

Айтпағым бір ағыл-тегіл сыр еді —
Шежіреңе ол өлең болып кіреді.
Мендегі өнер сен деп өмір сүреді
Менің елім, менің елім — жыр елі!

3-номер

Сахнада Бақытбекқызы Жанеркенің орындауында «Атамекен» әні. Қабыл алыңыздар!

4-номер МОНОЛОГ ТОППЕН

6-7-8 сынып оқушылары

5-номер 10-9-8 сынып қыздары БИ

Дархан даламның арландарына ризамын мен

1-жүргізуші:

Ерлерім мініп ақ боз ат,

Еліме қонған бақ ғажап.

Алаң да алаң заманда,

Бабам да талай тартты азап.

2-жүргізуші:

Алланың ғана құлымын,

Алаштың ғана ұлымын!

Азаттық үшін күреспеу –

Азамат деген атқа жат.

1-2 жүргізуші бірге айтады:

Ойланбай түсем отқа да,

Мәртебең үшін, мәрт ҚАЗАҚ!

1-жүргізуші «Тәуелсіздік – ел тілегі» атты театралды-музыкалық қойылым Ұлы ақын Абай Құнанбайұлы мен «Алаш» қозғалысының көсемдеріне арналады.

2-жүргізуші:

Өзіңсің, Қазақстан, ән, арманым да,

Аяулым, алтын бесік, қара орманым да.

Бір нәрсе жетпейді деу қате болар

Өзіңдей ұлан байтақ далам барында.

Гүл дала – Қазақстаным.

1-жүргізуші:

Сен менің шұғылаға толған даламсың,

Жасампазым, сан  асу жолдарды аларсың.

Бабамның көздерінің қарашығы ең,

Баламның бақытына да қорған боларсың.

Жан дала – Қазақстаным.

2-жүргізуші

Елдігіміз бен теңдігімізді алып келген қасиетті Тәуелсіздік жайында толғанған сәтте Желтоқсан оқиғасына тоқталмай өту күнә. Тәуелсіздік десе Желтоқсан, Желтоқсан десе Лаззат пен Сәбира, Қайрат пен Ербол сынды рухты жастардың ерлігін елемеу жас ұрпаққа сын. Келесі жыр жолдары желтоқсанның мұзға жанған алауы Сәбира мен Ләззаттың рухына арналады.

4-номер

Ортада 8 сынып оқушылары Кемал Мөлдір мен Өрікбай Айару

2-жүргізуші:
Бағаламай өткізбе мына уақытты
Ақ сарайым алтыннан далам жақұтты
Тәңір сүйіп нұр жауған Қазақстаным
Сенде туған адамдар қандай бақытты

8-номер Сахна төріне Момеков мектебінің шәкірті Асылхан Ақеркенің орындауында «Менің Қазағым» әні. Қарсы алыңыздар.

9-номер Қымбат Асылайым Көрініс.

1-жүргізуші:

Сен неткен Отан – анам ғажап едің,

Әспеттеп көркем тілмен жазар едім,

Болашақ ұрпағымның бақыты үшін,

Жайнай бер, Ұлы Отан – Қазақ елім!

10-номер Сахнаға «Қазақтың шын есімі - Тәуелсіздік» әнімен Камаш Аяулымды шақырамын. Қарсы алыңыздар.

11-номер ФЛЕШМОБ

1-Жүргізуші: 

Бірдей көрген бар адамның баласын,

Ата сыйлап ардақтаған анасын!

Үлкенге де кішіге де иілген,

Пейіліне құдай берген даласын.

2-Жүргізуші

Бірін-бір бауыр деген,

Той тойлаған ауылменен,

Бірге көрген ауыр менен жеңілді,

Дәстүр салтын ұлықтаған,

Тілін-дінін ұмытпаған,

Жақсы көрем қазақ дейтін елімді.

1-Жүргізуші: Олай болса ерлігіміз бен елдігіміз мәңгі болғай деген тәтті тілекпен біз сіздерге осындай дүбірлі додаларда кездескенше дейміз.

2-Жүргізуші: Мәңгілік елдің болашағы жарқын болсын! /Екеуі бірге ЖАСАЙ БЕР, ҚАЗАҚСТАНЫМ!/