«ABAY school lyceum» мектеп -лицейі

7 «Г» сынып оқушыларының ата- аналарымен өткен жиналысының

ХАТТАМАСЫ

07.09.2024ж

Өткен орны: «ABAY school lyceum» мектеп -лицейі

Өткізілген уақыты: 12:00

Қатысқаны: 8

Сынып жетекшісі: Жалишова М.А

Күн тәртібі:

1. .Баяндама «Бала тәрбиесіндегі ата-ананың рөлі және
мектеппен байланысы »

2. Мектептің ішкі тәртіп ережелерін сақтау

3 . Ағымдағы мәселелер

Тыңдалды:

1-мәселе бойынша: Баяндама «Бала тәрбиесіндегі ата-ананың рөлі және мектеппен байланысы»
“Отбасы –шағын мемлекет
Мен-президент, сен-премьер...”
Отбасы- ол да бір шағын мемлекет. Әр мемлекеттің өзіне тән өндірісі, өнім бөлісі, сыртқы және ішкі саясаты, басқару тәртібі, міндет-қызмет бөлінісі, кіріс- шығыс бюджеті, қасиеттеп, қастерлеп ұстанатын рәміздері т.б болмыс-тіршілік жақтары болады. Адамдардың жақсы өмір сүруі отбасы құрамындағыларға байланысты. Сондықтан отбасы құрылымына зор маңыз беріліп, мәнін қорғаған, отбасының ар-намысын сақтауға, сырын шашпауға, мүшелерінің бір-біріне адал, қамқор болуына тәрбиелеген.
Бала тәрбиесіндегі алғашқы ұстаз — ата-ана.

Ата-анаға берілетін кеңес:
1. Балаға мектеп, мұғалім туралы көбірек мағлұмат беріп, дайындық жұмысын алдын ала жүргізіңіз.
2. Балаңызды өзіне-өзі қызмет етуге дайындаңыз.
3. Жанұяда бала тәрбиесіне бірдей талап қоя біліңіздер.
4. Балаға уәде бергеннен кейін орындауға тырысыңыз, орындауға мүмкіндік болмаған жағдайда дұрыс түсінік беріңіз.
5. Баланың өз бетімен әрекет жасауына мүмкіндік беріңіз (бермеген жағдайда бала өмір бойы бір істі өздігінен істей алмайтын, жалтақ, өзіне сенбейтін болып өседі).
6. Балаңызға сүйіспеншілікпен қараңыз. Бала түсіністікте және сүйіспеншілікте өссе, ол бұл әлемнен махаббат табуды үйренеді.

Бала түсіністікте және сүйіспеншлікте өссе, бұл әлемнен махаббат табуға үйретеді.
Баяндама бойынша оқушының талаптары, ережесі, оқу-құралдары, мектеп, ата-ана арасындағы байланыс, түсіністік ортақ нәтиже туралы құнды ой-пікірлер айтылды, қоштайтындығын білдірді.

2 Мектептегі оқушылардың сабақтарға қатысуы және сыртқы келбетке қойылған талаптар

1. Оқушы жолдан абайлап өтіп, жол жүру ережелерін ұстануы қажет.

2. Қоғамдық көлікте оқушы тәртіп ережелерін және тиісінше қауіпсіздік шарасын сақтауы қажет.

3.Оқушы мектепке сабақ басталуына 15-20 минут қалғанда келіп, таза әрі ұқыпты киінуі тиіс.

4. Сыртқы киімді оқушылар гардеробта шешеді.

5. Сыртқы киімнің қалталарында ақша, кілттер, жол жүру билеттері, басқа да құнды заттардың болуына тыйым салынған.

Осы жәнеде одан басқада тәртіп ережелерді сақтау арқылы жақсы тәрбие мен білім алуға болады.

3. Ағымдағы мәселелер бойынша сынып жетекшісі Жалишова М. А

Сонымен қатар сабаққа қатысымы, оқушылардың тазалығы, сабаққа кешікпеуді, сабақтан себепсіз қалмауын, сабаққа дайындалып келуін басты назарда ұстауды және сынып жетекшімен тығыз байланыста болуды тапсырды. Кешкі уақытта баланы ешқайда шығармауды ескертті.

-Ата-анасының, сынып жетекшісінің әрбір ескертуін ұмытпай, ереже талабын бұлжытпай орындаған балалардың әр түрлі сәтсіздіктен аулақ болатыны шындық. Балаларды қауіпті жағдайлардан қорғау әрбір ата-ана мен сынып жетекшінің міндеті. Егеменді еліміздің болашағы - балалар. Сондықтан өмір қауіпсіздігіне немқұрайлы қарамайық.

Шешім:

Ата-аналардың ұсынысы бойынша 2024-2025 жаңа оқу жылына арналған ата-аналар комитетінің құрамын былтырғы оқу жылындағыдай қалдыруды жөн көрді. Осыған орай,  сыныпта сайланған ата-аналар комитетінің төрайымдарына ата-аналарға арнап ортақ чат ашып, сыныптағы басқа ата-аналармен мектеп мәселелері мен жаңалықтары бойынша жұмыс жүргізуді сұранды. Жыл бойы мектепте атқарылатын мектепішілік іс-шараларға қатысып, қолдау білдіріп, көмек көрсетулері керектігіне тоқталды. 

Сынып жетекшісі: Жалишова Мехринса Абдурахманқызы