Ата-аналар жиналысының есебі

Жалпы мектепішілік ата-аналар жиналысында өткен

«Оқушылардың әлеуметтік желілердегі мінез-құлық мәдениеті» тақырыбындағы түсінік жұмысының есебі

07.10.2022 жылы мектепбімізде жалпы мектепішілік ата-аналар жиналысы өткізілді. Жиналыс барысында мектеп және оқушы өміріне қатысты жағдайлар айтылып, ағымдағы мәселелер қарастырылды. Осы жиналыс барысында ата-аналарға «Оқушылардың әлеуметтік желілердегі мінез-құлық мәдениеті» тақырыбында түсінік жұмыстары жүргізілді. Яғни оқушылардың ұялы телефон ұстауы барысында, оны дұрыс қолдану ережелері, әлеуметтік желі дегеніміз не екені, әлеуметтік желінің түрлері, әлеуметтік желілерді пайдалануда ұстанатын ережелер таныстырылды. Әлеуметтік желіні жасөспірімдердің пайдалану мониторингісі көрсетілді. Әлеуметтік желіні пайдаланудағы басты пайдасы айтылды. Сонымен қатар әлеуметтік желілердің пайдасы мен зияны, әлеуметтік желіге тәуелділік туралы, денсаулыққа тигізетін кері әсерлері жайлы түсіндірілді. Әлеуметтік желілердегі топтар, бейне жазбалар мен фотосуреттерді сақтау барысындағы сақтық ережелері айтылды.

Мектепішілік «Қауіпті топтар» (Группа риска) жұмысының барысы түсіндіріліп, жыл сайын мониторинг жүргізіліп отыратыны ескертілді. Ата-аналарға әлеуметтік желі жайлы барлық ақпараттар айтылды және ата-аналар жақсы түсініп, өздеріне қажетті толық ақпарат алды деп ойлаймын. Бұл ақпаратты берудегі басты мақсат: оқушылардың ұялы телефонды және әлеуметтік желіні пайдаланудағы қауіпсіздік.

Балалар біздің болашағымыз! Сондықтан да бала тәрбиесіне үлкен жауапкершілікпен қараған жөн. Қалай болғанда да әлеуметтік желінің пайдасы да, зияны да бар. Біз тек пайдалысын алып, зиянынан алыстап отырғанымыз абзал. Әлеуметтік желілерге қатты байланып қалудан сақтанған жөн!

Информатика пәнінің мұғалімі: Тәкібаева А.Т.

Жалпы мектепішілік ата-аналар жиналысында өткен

«Оқушылардың әлеуметтік желілердегі мінез-құлық мәдениеті» тақырыбындағы түсінік жұмысынан көрініс