Ата-аналар сайысы "Ең тату отбасы"

Ең тату отбасы

Мақсаты: Ата-аналар мен балаларды сайысқа қатыстыра отырып, олардың отбасылық тәрбие туралы білімдерін кеңейту, тәрбиенің үздік үлгілерін насихаттау.

Ата-аналардың балабақшамен, тәрбиешімен қарым-қатынастың тиімді модельдерін іздестіру.

1 жүргізуші: Атамыз қазақ «Бала-адамның бауыр еті», «Балалы үй-базар» дейді. Өйткені бала-өмірдің жалғасы, отбасының жеміс берер гүлі. Отбасы бұл қоғамның негізі. Баланың болашақта жақсы азамат болып өсуі үшін, жан-жақты тәрбиелі болуы отбасында берілетін тәрбиеге тікелей байланысты.

2 жүргізуші: Армысыздар қүрметті ата-аналар мен бүлдіршіндер. Бүгінгі біздің «Ең тату отбасы» байқауымызға қош келдірдіңіздер!

«Отан отбасынан басталады» деп жатамыз. Жанұяның береке-бірлігі әр сабидің, әр баланың болашақ қадамы . Өйткені, ұяда не көрсең, ұшқанда соны ілесің. Отбасы-ол да шағын ғана мемлекет. Бүгін міне осы отбасы арасындағы татулықты, дәстүрді, өнерді жалғастырып кележатқан отбасылар бар. Олай болса, осы сайысымызға қатысатын балабақшамызда тәрбиеленіп жатқан балалар мен ата-аналарды ортаға шақырайық.

1.

2.

3.

4.

1 жүргізуші: Өнерпаздар өнерін салыстырып

Бәйге үшін терлетер шабыстырып.

Әділдікті қолдайтын баға беріп,

Жіберейік қазыларды таныстырып.

Бүгінгі сайыстың әділ бағасын беріп, жеңімпазын анықтайтын әділқазылар алқасымен таныс болыңыздар.

1.

2.

3.

2 жүргізуші:

Ата-аналар бар өнерін салары анық,

Өнегелі тәлімді алған қанып.

Ал ендеше таныстырып өтейін мен

Бөлімдерін сайыстың бөліп жарып.

Сайыс бағдарламасы 8 бөлімнен тұрады.

1Таныстыру

2Мақал-мәтелді жалғастыр

3.Психалогиялық тапсырма.

4.Кім мерген?

5.Шығарма. («Менің отбасым»)

6.КҮН ШУАҒЫ

7.Анамыздың ас мәзірі

8.Шаш өру.

1 жүргізуші:

Гүл көңілдер қуаныштан өріледі,

Көздерінен жалын нұры төгіледі.

Жыр ұшқында тұр ғой,

Әне үйіңнен көпшілікке таныстыршы өзіңді

Таныстыру кезеңі бойынша қатысушыларымызды ортаға шақырамыз

1.

2.

3.

4.

2.жүргізуші:

2 кезең. Сайысымыздың екінші кезеңі мақал-мәтелді жалғастыру керек.

1.Ағадан ақыл...(атадан нақыл)

2.Балапан ұяда не көрсе...(ұшқанда соны іледі)

3.Жақсы ата орман...(жақсы бала қорған)

4.Ата-ананың парызын...(өтеу сенің қарызың)

1 жүргізуші:

3 кезең. Психологиялық тапсырмада , алдын ала дайындалған өз балаларының қолы бастырылған суреттері тақтада тұр. Қатысушы аналарымыз өз балаларының қолын тауып, балаларына бояту керек.

2 жүргізуші:

4 кезең. Өзінің алғырлығын ұғындырып

Көрсетер көп іздеген мығым қылық

Келесі бұл сайыстың жоспарында

Түседі бәйгеге білімділік – деп сайысымыздың 4-ші бөлімі «Кім мерген?» кезеңінде әкелеріміз өз мергендіктерін танытып, шарды жарып, берілген тапсырманы орындайды.

1 жүргізуші:

5 кезең. Байқауымыздың келесі кезеңі бойынша аналарымыз берілген тақырып бойынша шағын шығарма жазып беруі керек.

2 жүргізуші:

6 кезең. «Күн шуағы» бұл кезеңде әкелеріміз тақтадағы күннің шуақтарына баласына қалай тәрбие беру керектігі туралы өз ойларын жазады.

1 жүргізуші:

7 кезең. «Анамның ас мәзірі» Аналарымыз баласына қандай сүйікті тағам әзірлейтінін, дайындап келген тағамды таныстырып айтып өту

2 жүргізуші:

8 кезең. «Шаш өру» кезеңі бойынша әкелеріміз сайысқа түседі. Қыздарын аналары жоқ кезде балабақшаға қалай дайындайсыз?

Хор: «Күз келгенде»

1 жүргізуші: Сайысымызды қорытындылау үшін әділ қазыларға сөз береміз.

Би:

Ата-аналарды орын бойынша марапаттау.

2 жүргізуші: Құрметті ата-аналар және қонақтар бүгінгі «Ең тату отбасы» атты сайысымыз өз мәресіне жетті. Барлықтарыңыздың отбасыларыңызға бақыт, береке және бірлік тілейміз