Ата аналарды педагоикалық қолдау

2-қосымша

1. Вариативтік модуль тақырыбын таңдаудың қысқаша негіздемесі

2025–2026 оқу жылында АПҚО 3.0 бағдарламасы аясында ата-аналардың сұранысы мен оқушылардың тәрбиелік қажеттіліктеріне сәйкес , «Бала қауіпсіздігі» модульі таңдалды.

Аталған модуль қазіргі қоғамдағы өзекті мәселелерді қамтып, ата-аналардың бала тәрбиесіндегі жауапкершілігін арттыруға, отбасы мен мектеп арасындағы байланысты нығайтуға бағытталды. Әсіресе, балалардың психологиялық тұрақтылығы, қауіпсіз орта қалыптастыру, цифрлық қауіпсіздік, ата-ананың эмоционалдық қолдауы мәселелеріне ерекше назар аударылды.

2. Ата-аналармен балалардың бірлесіп қатысуымен өткізілген сабақтардың форматы (оң әсері, қиындықтары)

Сабақтар тренинг, пікір алмасу, топтық жұмыс, ситуациялық тапсырмалар, дөңгелек үстел, семинар және ашық диалог форматтарында өткізілді. Кейбір сабақтарға ата-аналар мен балалар бірге қатысып, отбасы мүшелері арасындағы өзара түсіністік пен сенімді қарым-қатынасты дамытуға мүмкіндік жасалды.

Оң әсері: Ата-аналардың мектеппен байланысы күшейді;

• Балалардың пікірін тыңдау мәдениеті қалыптасты;

• Қауіпсіздік пен тәртіп мәселелеріне жауапкершілік артты;

• Отбасындағы эмоционалдық қолдау деңгейі жоғарылады.

Қиындықтары:

• Кейбір ата-аналардың уақыт тапшылығына байланысты толық қатыса алмауы;

• Онлайн және офлайн форматтарды үйлестірудегі техникалық қиындықтар;

• Белсенділік деңгейінің әртүрлі болуы.

3. Ата-аналардың пікірлері, сабақ мақсатына қол жеткізе алуы

Сабақтарға қатысқан ата-аналар бағдарламаның мазмұнына оң пікір білдірді. Олар өткізілген іс-шаралардың тәрбиелік маңызы жоғары екенін атап өтті. Әсіресе, бала қауіпсіздігі, интернеттегі қауіптердің алдын алу, жасөспірімдердің психологиялық қолдауы жөніндегі ақпараттар пайдалы болғаны айтылды.

Кері байланыс нәтижесінде ата-аналардың басым бөлігі:

• бала тәрбиесінде жаңа тәсілдер үйренгенін;

• мектеппен серіктестік қарым-қатынастың маңызын түсінгенін;

• балаларымен ашық сөйлесу дағдыларының жақсарғанын көрсетті.

Жалпы, қойылған мақсаттарға қол жеткізілді деп есептеледі.

4. Келесі оқу жылына арналған ұсыныстар

• АПҚО сабақтарының практикалық бөлігін көбейту;

• Ата-аналардың қатысу белсенділігін арттыру мақсатында икемді уақыт кестесін ұйымдастыру;

• Тәжірибе алмасу форматындағы аудандық семинарлар өткізу ұсынылады.