Тақырыбы: Ата-ананың бала тәрбиелеудегі психологиялық оң көзқарасын қалыптастыру.

Мақсаты: Балабақшадағы балалардың ата-анасының балаға деген сүйіспеншілігін байқау, өзінің және өзгенің даралығын бағалау, өзін құрметтеу;

Тренинг сабақты өткізуге түрлі-түсті қағаз, желім, плакат керек.

Тренинг барысы: Тренинг ережесін бекіту

1. Сәлемдесу рәсімі

2. Сұрақ-жауап «Мадақтау мен жазалау»

3. Жаттығу «Біз біргеміз»

4. Ойын «Өтінемін»

5. Шығармашылық жұмыс

6. «Сиқырлы жүрек» ой-түйін

1. Психолог: Құрметті ата-аналар! Қош келдіңіздер!Танысуды бастаймыз. Жаттығу «Танысу» деп аталады. Нұсқау: Алдымен өз есімдеріңіздің алдына адамның бойында бар жақсы қасиеттің біреуін айтып, өзіңіз туралы қысқаша мәлімет бересіз.

Мысалы: Мен мейірімді –Мереймін;

Мен әдемі -Әселмін;

Мен дарынды- Дулатпын;

Тренинг ережесімен танысып аламыз!

2. Сұрақ-жауап: «Мадақтау мен жазалау»

Мақсаты: Ата-ананың балаға деген көңіл-күйін байқау.

Барысы: Қағазды екіге бөліп, бір жағына баланы мақтау үшін қолданылатын сөздерді , ал екінші жағына сөгіс жариялау кезінде қолдатылатын сөздерді жазамыз.

Психолог: Қай бөлікте сөздердің көп болғандығы жайында сараптама жасалып, ата-аналарға қортынды жасау ұсынылады.

3. Жаттығу: «Біз біргеміз»

Барысы: Отбасындағы қарым-қатынасты нығайтуға өзара түсінушілікте ата-ана мен балаға қолдау, көмек көрсету.

«Қолынан танып білу» көздері байлаулы ата-аналар балаларын тауып алулары керек.

Талдау: Сіздерге балаларыңызды табуға не көмектесті?

Балаңыздың қолынан ұстағанда не сезіндіңіз?

4. Ойын: «Өтінемін»

Мақсаты: Ата-ана мен бала арасындағы қарым-қатынасты жақсарту, бір –біріне көңіл бөлу, бір-бірін тыңдай білуге үйрету.

Барысы: қатысушылар ортаға шеңбер болып тұрады.

Сіздер қандай «сиқырлы» күші бар сөздерді білесіздер?

Рахмет, өтінемін, т.б.

Мен әр түрлі өтініштер жасаймын, егер мен «өтінемін» деген сөзді

айтсам, сіздер оны орындауларыңыз шарт. «Өтінемін» деген сөзді

айтпасам, сіздер ол өтінішті орындамайсыздар.

- Қол шапалақтаңдар!

- Оң аяқтарыңды көтеріңдер,

- Қолдарыңды көтеріңдер!

- Секіріңдер!

5. Шығармашылық жұмыс: «Қол көмек»

Нұсқау ақ параққа оң қолдарыңызды басып аламыз. Содан кейін «балаңызға қандай көмек бере аласыз?» деген сауалға жауап жазамыз.

6. Ой-түйін: «Сиқырлы жүрек»

Нұсқау: Бала тәрбиелеудегі жүрек жылуын алдарыңыздағы жүрек қағаздарға жазылу ұсынылады. Жақсы сөздер арқылы мейірімді жүрекке айналу қажет.