«Оқушылар сарайы» КММ

«Атадан қалған асыл сөз Байдалы би»

(радио хабар)

Редактор және оқыған:

Мұқанбетқазиев Аманжол Сенбайұлы

«Жалын радио»

студия жетекшісі: Жанұзақова Айгүл

«Оқушылар сарайы» КММ

директоры: Қ.Т.Тилешев

2023-2024 оқу жылы

Сәлеметсіздерме, құрметті тыңдармандар! Эфирде «Атадан қалған асыл сөз» бағдарламасы.

Микрофонда –Мұқанбетқазиев Аманжол Сенбайұлы.

Бұрынғы өткен замандарда қазақ даласында болған дау-дамайларды әділ би-шешендер шешіп отырған. Солардан бізге мұра болып қалған қанатты сөздерді насихаттайтын, эфирде «Атадан қалған асыл сөз» бағдарламасы. Бүгінгі бағдарламада Байдалы Бекшеұлының қанатты сөздерін тыңдай аласыздар!

Байдалы Бекшеұлы Қазақ халқының өзара және басқа туысқан мемлекеттермен достық қарым-қатынаста болуын арман-мұрат тұтқан. Асылы, Байдалы би соғысты емес, бейбітшілікті, алауыздықты емес, бірлікті, халықтар достығын, өзара ынтымақ, мәмілегерлікті жақтаған қайраткер, дипломат.

Байдалы тек би ғана емес, ойшыл ақын болған. Байекең ақындық өнермен ерте танылған.

Байдалы 16-17 жасында былай деген екен:

Жау көңілін қылышпен басқан жігіт,

Батыр емей немене асқан жігіт?

Жау дегенде найза алып шыға алмаған,

Қорқақ емей немене сасқан жігіт!

Ердің ерін сынайтын майдан жерден,

Қатын емей немене қашқан жігіт!

Мың жылқылы байыңа пысқыра ма,

Оразасын үйінен ашқан жігіт!...

Бірде ауыл ақсақалдары Байдалының суырыпсалма ақындығын сынау мақсатында, жігіттік, азаматтық жөнінде жырлап беруін сұрайды. Жас ақын іркілместен:

Түнді қанша мақтасаң,

Жарқырап атқан таң болмас.

Тәңірі берген жігітке,

Қойды бақса қор болмас.

Құдай жаман жаратса,

Қанша созса зор болмас.

Құзғын, қарға жиылып,

Намыстанса қаз болмас.

Отқа салып илесең,

Алтын,сірә, жез болмас.

Аяққа шұлғау қылсаң да,

Асыл жібек бөз болмас,- деген екен.

Атадан қалған асыл мұрамыз ұрпақ санасында мәнгі жаңғыра берсін! Осымен бүгінгі эфирді аяқтаймыз. Хабардың редакторы әрі жүргізген Аманжол Сенбайұлы