"Аяулы менің ұстазым" ұстаздар күніне арналған іс-шара сценарийі

_______________________________________________________________________

«Аяулы менің ұстазым»

Ұстаздарға арналған мерекелік іс-шараның сценарийі

Мақсаты: ұстаздарды кәсіби мерекесімен құттықтау, мерекелік көңіл – күй сыйлау.

Өтетін орны: АКТ зал

Өтетін күні:

Өтетін уақыты: 12.00

Жауапты:

Жүргізушілер:

Іс-шараның барысы

Ән: «Молдабайдың әні»

Құттықтау видеоролигі

(1994 жылғы түлектердің әңгімесі)

1. Жүргізуші: Менің балалығымның айнасы - ол мектеп...

2. Жүргізуші: Ия, менің де мектеп кезіндегі қызықты жылдарым естен кетпестей болған.

1. Жүргізуші: Осы сен қайсы мектепте оқыдың?

2. Жүргізуші: Мен, ************оқыдым

1. Жүргізуші: Мәәәәә, сонда оқыдың ба? Қаладағы ең мықты мектеп қой.

2. Жүргізуші: Иә, мен сол мектепте оқығаныма қуанамын. Өз мектебіммен және ұлағатты ұстаздарыммен мақтанамын, оларды қатты жақсы көремін.

1. Жүргізуші: Мен де. Сыныптастарыңмен кездесіп тұрасың ба?

2. Жүргізуші: иә, Олардың көбісі сол мектепте мұғалім болып жұмыс жасайды.

1. Жүргізуші: Кімдер олар?

2. Жүргізуші: сол мектептегі мұғалімдер аты-жөні жазылады.

1. Жүргізуші: Көп екен ғой?

2. Жүргізуші: ия. Ееее, мектеп кезінде от болып лаулап жүретінбіз ғой, шіркін! Біздің сыныпта Гүлжамал деген қыз бар еді, өзі қатты төбелесетін. Қазір төбелесті қойып, мықты мұғалім болып кеткен, қуанамын.

1. Жүргізуші: Біздің сыныпта да сондай бір қыз бар еді, есімі Дана Айткулова Бірақ ол да мықты ұстаз екен. Барлық ғылыми жобалардан, олимпиадалардан оқушылары жүлделі орынсыз қайтпайды дейді.

2. Жүргізуші: Айтпақшы, біздің мектепте еңбектен сабақ беретін Мурат деген ағай бар еді ғой. Сабақтан сәл кешіксек, зырқ еткізетін еді. Әлі жұмыс жасап жүр ме?

1. Жүргізуші: Миша ағай туралы айтып тұрсың ба? Иә, ол кісі әлі де жұмыс жасап жүр.

2. Жүргізуші: Мықты ұстаз ғой...

1. Жүргізуші: Иә, ұлағатты ұстаз болу – ең керемет іс. Оқушыларға бар білгеніңді үйретесің. Менің ойымша, менің сыныптастарым өздерінің мамандықтарын дұрыс таңдай алған.

2. Жүргізуші: Олай болса, ұлағатты ұстаздық өмірді таңдаған сыныптастырымызды, барлық мұғалімдерді келе жатқан төл мерекесімен құттықтап қайтайық!

1- Жүргізуші: Уайымдап тұрмын, мұғалімдер күніне қалай өтеді екен?

2- Жүргізуші: Уайымдама, сіздерде уайымдамаңыздар бәрі керемет өтеді.

Би:

ФАНФАР ОЙНАЙДЫ

Екі жүргізуші шығады.

1. Жүргізуші: Армысыздар, құрметті ұстаздар, асыл жандар!

2. Жүргізуші: Ең аяулы есім ғой «Ұстаз» деген,

Бар тіршілік бақытты ұстазбенен.
Ұстазды жеткізгенше мұратына
Білім іздеп лапылдап жана берем, құрметті ұстаздар төл мерекелеріңізбен шын жүректен құттықтаймыз.

1. Жүргізуші: Біздің мектептің ұстаздары «Алтын» ғой. Алтын деуімнің себебі: мектебіміздің ұлағатты ұстаздары Қазақстанға танымал шәкірттерді тәрбиелеп, білім нәрімен сусындатқан. Дәл № мектептің ұстаздарының берген білімдерімен біздің түлектеріміз Елімізге танымал.

2. Жүргізуші: Ия, мектептегі әр бір ұстаздың оқушы үшін мәні бөлек, бала жүрегінен ерекше ойып алар орны бар.

1. Жүргізуші: Мектебіміздің ұстаздарын қоңыр күздің самал желімен қатар келген төл мерекелерімен құттықтау үшін ортаға мектеп директоры ******* шақырамыз.

Құттықтау сөз

2. Жүргізуші: Осы тұста мен қызықты ақпараттармен бөліскім келіп тұр. Бүгін екінші қазан Григориан күнтізбесінде жылдың 275-ші күні яғни 2021 Жылдың аяқталуына 90 күн қалды. 2009 жылдың 2 мамырында Копенгагенде әлеуметтік педагогтардың XVII Халықаралық коференциясы өтті. Айтулы іс-шараға әлемнің 44 елінен келген өкілдер қатысқан. Осы күні әлеуметтік педагогтар күні белгіленді.

1. Жүргізуші: Олай болса, бізде мектебіміздің жалғыз әлеуметтік – педагогін Копенгагенде бекітілген әлеуметтік педагогтар күнімен шын жүректен құттықтаймыз.

2. Жүргізуші: Барша ұстаздардың құрметіне мектептебіміздегі іс-тәжірибеден өтуші, болашақ педагогтердің сіздерге арналған әнін қабыл алыңыздар.

Ән: «Ұстазым»

1. Жүргізуші: Дархан , менің саған және барша ұстаздарға айтар керемет жаңалығым бар.

2. Жүргізуші: Жағымды болса бөліссей, барлығымыз мәз болып қалайық.

1. Жүргізуші: ҚР Президенті Қ.К. Тоқаев 2022 жылдың қаңтар айынан бастап, барша мұғалімдердің жалақысын 25%-ға көтеріледі деп хабарлады.

2. Жүргізуші: Бұл жаңалықты біздің мұғалімдер сенен бұрын естіп қойған сияқты ғой, ешкім күліп қуанып отқан жоқ.

1. Жүргізуші: Просто біздің мұғалімдер эмоцияларын сақтап отыр. Әйтпесе, бұл жаңалықты естіп, іштерінен кредиттерін есептеп отыр.

1. Жүргізуші: Сандуғаш, менің де саған айтар жақсы жаңалығым бар.

1. Жүргізуші: Қандай жаңалық?

2. Жүргізуші: бүгінгі мерекелік іс-шарамызға жұлдызды қонақ келіп , сахнаның артында мұғалімдерді құттықтаймын деп дайындалып тұр.

1. Жүргізуші: Кім болды екен? Қайрат Нұртасты 2 қазан күні Шымкентке тойға келеді деген еді, сол емес пе?

2. Жүргізуші: Жоқ, жұлдызды қонағымыз, ол – біздің ата-анамыз. Жұбайы біздің мектепте мұғалім.

1. Жүргізуші: Өзі актер, өзі шоумен, өзі сценарист

2. Жүргізуші: Қарсы алыңыздар № мектептің ұстаздарын құттықтауға келіп тұрған жұлдызды қонағымыз – Дәнекеееееер Оразбаааааааай!

ФОН -Rihanna – Dimonds

Дәнекер Оразбайдың құттықтауы

1. Жүргізуші: Ұстазы жақсының – ұстамы жақсы деген сөз тегіннен-тегін айтылмаса керек. Ата-анадан кейінгі балаға білім беріп, тәрбие үйрететін сол ұстаз.

1. Жүргізуші: Бүгінгі әнде, барлық құрметте, әзілде тек сіздер үшін.

2. Жүргізуші: Олай болса, шәкірттеріміздің құттықтау номеріне кезек берейік. «Болашақ» өзін-өзі басқару ұйымының сәлемдемесін қабыл алыңыздар.

«Болашақ» өзін-өзі басқару ұйымы

1. Жүргізуші: Құрметті ұстаздар, араларыңызда мектебімізге ерең еңбегі сінген ұстаздарымызды ортаға шақырып бір сұрақ қойсақ деп едік, қарсы емессіздер ме?

2. Жүргізуші: Сіздер салып кеткен сара жол — ұстаз жолы – ұлы жол. Өткен жолдарыңызға көз жіберіп, еске ала отырып, өздеріңізге бірнеше сұрақ қоюға рұқсат етіңіздер.

1. Жүргізуші: 1 — қонаққа сұрақ: Ұстаздық өмірге қалай келдіңіз? Жүрек қалауымен бе, әлде осы мамандықты таңдауға себепші оқиға немесе бір жағдай болды ма?

2. Жүргізуші: 2 — қонаққа сұрақ: «Ұстаз болу жүректің батырлығы» дейді, осы ұстаздық қызметті таңдауда батырлықпен қандай қасиет адам бойынан табылу керек деп ойлайсыз?

1. Жүргізуші: 3 — қонаққа сұрақ: Кешегі өзіңіз еңбек еткен мектебіңізден қандай өзгерістерді байқадыңыз? Мектебіңізге айтар тілегіңіз?

2. Жүргізуші: Сіздерге көп рахмет, аяулы да мейірбан ұстаздар.

1. Жүргізуші: Сіздердің құрметтеріңізге мектебіміздің 2008жылғы түлектердің орындауындағы «Ұстазым» әнін қабыл алыңыздар.

Ән «Ұстазым»

1. Жүргізуші: Айта берсек ұстазға тіл жетпеген.
   Кімге ұстаз білім нәрін төкпеген?!
   Айтыңдаршы, адам бар ма Өмірде,
   Ұстаздарға қарыздар боп өтпеген?

2- Жүргізуші: Білім көшін жылжытып келе жатқан ұстаздар қауымын кәсіби мерекелеріңізбен шын жүректен құттықтаймыз.