«Ауған асуында от кешкендер»

«Ауған асуында от кешкендер»

Айнабұлақ ауылдық клуб үйінде Ауған жерінен Кеңес әскерлерінің шығарылғанына 35 жыл толуына орай «Ауған асуында от кешкендер» атты ауылымыздағы Ауған соғысы ардагерлерімен кездесу кеші өтті. Кешке ауыл әкімі: Әділ Мұратбекұлы Қаламов, Ауған соғысы ардагерлері: Атымтаев Тәңірберген мен Биғалиев Алуанбек ағаларымыз қатысты.

Өскелең ұрпаққа патриоттық тәрбие беріп, соғыста опат болған жауынгерлердің есімдерін қастерлеу мақсатында өткен кездесуде ардагерлер соғыс жылдарындағы естеліктерін баяндаса, оқушылар көкейкесті сұрақтарын қойды. Шара барысында ауыл кітапханашысы Айсара Аманғазықызы "Кеңес әскерлерінің Ауған жерінен шығарылғанына 35 жыл" атты кітап көрмесін ұйымдастырып, патриоттық кітаптарды насихаттап, шолу жасады. Сондай - ақ ҚР мәдениет саласының үздігі Оразбекова Марина "Ел аман болсын" әнін, ҚР мәдениет және өнер саласының үздігі Өрімханов Балғынбек "Жолыққан қандай жақсы" әнін, Айнабұлақ орта мектебінің 10 сынып оқушысы Әбдікәрімова Тоғжан

"Қазақстан"әнін, "Ақ әже" тобы "Жайнайды гүлдер" әнін тамылжыта шырқап көрермендерді бір серпілтіп тастады. Батылдық пен ерліктің үлгісін көрсеткен қаһарман жерлестерімізге ауыл әкімі алғыс хат пен естелік сыйлықтар тарту етті. Кеш соңында ақ дастархан жайылып, қонақтарға құрмет көрсетілді.