Аурумен күресу – тек дәрі ғана емес

Кейде денсаулығымыз сыр берсе, бірден дәрі іздейміз. Бірақ адам ағзасы тек физикалық емес, психологиялық тұрғыдан да әлсіреуі мүмкін. Көп жағдайда аурудың түпкі себебі – уайым, күйзеліс, жиналған стресс болуы ықтимал.

Психосоматика деген ұғым бар. Бұл – адамның ішкі жан дүниесі мен дене саулығының байланысы. Мысалы, ұзақ уайым мен ішкі реніш асқазанға, жүрекке, жүйкеге әсер етуі мүмкін. Сол себепті өзіңді емдеу – тек денеге емес, жанға да қатысты.

Аурумен күресу – тек таблетка ішіп, емханаға бару емес. Бұл – өзіңді тыңдау, мазасыздықтың себебін табу, шынайы демалу, тынығу, ренішті кешіру. Ауру бізге бір нәрсені ескертіп тұрғандай болады. “Тоқта, тынық, өзіңе қара” деп тұрғандай.

Психологияда “денемен сөйлесу” тәсілдері бар. Мысалы, йога, медитация, тыныс алу жаттығулары – ішкі тыныштықты қалпына келтіруге көмектеседі. Ал ең маңыздысы – ішкі дауысқа құлақ асу. Мүмкін, сен жай ғана шаршаған шығарсың. Немесе саған тек бір адаммен сөйлесу жетіспей тұрған болар.