Б дыбысы мен әріпі

ҚАТЫНАС БІЛІМ БЕРУ САЛАСЫ

«Сауат ашу» ұйымдастырылған оқу қызметінің жоспары

Наурыз айы

Өтпелі тақырып «ЖЫЛҒАЛАРДАН СУ АҚТЫ»»

Тақырыбы:Б дыбысы мен әріпі

Мақсаты:Балаларға сөз туралы түсінік беру.Б дыбысы және оның баспа түрімен таныстыру,Тәріпінің таңбасын жаза білуге машықтандыру.

Балалардың ой-өрісін,сөздік қорын,тіл байлығын дамыту.

Тазалыққа,ұқыптылыққа тәрбиелеу.

Әдіс-тәсілдер:түсіндіру,көрсету,сұрақ-жауап,ойын.

Көрнекілік құралдар: суреттер,Б әріпінің таңбасы,текшелер.сиқырлы қалам

Билингвальді компонент:бәйшешек-подснежник,бақа-лягушка,балық-рыба.

Кіріспе бөлім:

Ұйымдастыру.Шаттық шеңбері:Қайырлы күн достым,

Қайырлы күн болсын

Бүгінгі күн бізге

Сәттілікке толсын!

-Балалар,бүгін аптаның қай күні?

-Бүгін сәрсенбі.

-Қай мезгіл?

-Көктем мезгілі.

-Табиғатта қандай өзгерістер болып жатыр?

-Күн жылынды.Қар,мұздар еріп жатыр.

Негізгі бөлім:

-Балалар қараңдаршы,мына қардың астынан кішкене гүл шығып келе жатыр екен.

-Бұл гүл қалай аталады білесіңдер ме?

Бұл көктемнің алғашқы гүлі-бәйшешек.

-Бәйшешек сөзін буынға бөлейік. Бәй-ше-шек.

-Қандай дыбыстан басталып тұр?

-Қандай дыбыс естіп отырсыңдар?

-Б дыбысы

-Бүгінгі танысатын дыбыс Б дыбысы.

Тосын сәт:музыка әуенімен Әли мен Айя келеді.

-Сәлеметсіңдер ме,балалар!

-Сәлеметсіңдер!

-Балалар бізді таныдыңдар ма?

-Иә.

Тәрбиеші:Әли Айя сендер қайдан келесіңдер?

-Қолдарыңдағы не?

-Бұл қармақ.

-Балалар біздің жұмбағымыз бар,шешуін тапсаңдар, біздің қайдан келе жатқанымызды

білесіңдер.

Жұмбақ шешу.Шаңқ-шұңқ еткен үні жоқ,

сусыз оның күні жоқ. Шешуі:балық

-Иә,біз өзеннен балықтар ауладық.Өзен жағасынан бақаны көрдік.

Балық,бақа сөздерін буынға бөлейікші.Ба-лық,ба-қа

-Неше буын бар екен?

-Екі буын бар.

-Қандай дыбыстан басталып тұр?

Б дыбысы дауыссыз дыбыс.Оны көк текшемен белгілейміз.

Айя:-Балалар,"бақа"сөзіне дыбыстық талдау жасап бересіңдер ме?

Б-дауыссыз дыбыс.

А-дауысты дыбыс.

Қ-дауыссыз дыбыс.

А-дауысты дыбыс.

-Сендер тиісті текшелерді алдарыңа қойып отырыңдар.

Сергіту сәті:Бақа -бақа балпақ

Басың неге жалпақ

Темір телпек көп киіп

Басым содан жалпақ

Кубизм әдісі арқылы балаларды ортаға жиып,кубикті лақтырып,өтілген әріптерді айтады,балалар сол әріптен басталатын сөз айтып кері лақтырады

-Келіңдер,Әли,Айя бізбен ойын ойнаңдар.

-Бәрің ойынды жақсы ойнадыңдар.

Ендеше Б әріпінің таңбасымен танысайық.

-Алдымен ауада жазып үйренейік.Ауада жазады.

Дәптермен жұмыс:Бәріпінің таңбасын үзік сызықтарды бастыру арқылы жазу.

Тапсырма:"Жоғалған әріптер"Бал...а,...ақа,а...ба.

Әли:-Балалар біз сендермен уақытты жақсы өткіздік.Көп нәрсе үйрендік.Айя жүр үйге қайтайық.Атамыз бен әжеміз іздеп жатқан шығар.

Айя:-Иә.Қайтайық.Балалар сау болыңдар.

-Сау болыңдар Әли Айя

музыкамен қонақтар шығып кетеді.

Қорытынды бөлім:

-Сонымен бүгін қандай әріппен таныстық?

-Б дыбыс мен әріпі.

-Бдыбысы қандай дыбыс екен?

-Б дыбысы дауыссыз дыбыс.Б дыбысы сөздің басында, ортасында,аяғында кездеседі екен.

Балаларды мадақтау, бағалау.