Бабалар аманаты. Эссе.4-сынып

Түркістан облысы

Төлеби ауданы, Сарқырама жалпы орта білім беретін мектебі КММ

Жақыпбек Мейрамбек. 4-сынып оқушысы.

Бабалар аманаты! Эссе

«Байлық - байлық емес, бірлік - байлық»

Алда 9-мамыр «Жеңіс күні» мерекесі келеді.Ол мерекені тойлау және оның оңай келмегенін түсіну және ата-бабаларымыздың ерліктерін естен шығармау керекпіз. Жеңіс жолында Кеңес Одағының басқа халықтарының ішінде біздің қазақ халқының қосқан үлестері көп,оның дәлелі деп бір Момышұлы Бауыржан атамыздың ерлігін айтсақ та жетеді.

1941-1945 жылдардағы Ұлы Отан соғысына біздің елімізден 1 млн 200 мыңдай адам қатысса,соның ішінде біздің ауылымыздың 120 тұрғыны сол сұм соғысқа аттанған екен. Содан 60 адам соғыста қаза тапты,жартысы ғана елге оралған.Сол жылдары халқымыз тек майданда ғана емес,тылда да аянбай еңбек етіп,майданға қажетті заттарды,азық-түлікті,қаржыны болсын жеткізіп,барлығы да Отанға,жеріне деген сүйіспеншілігін дәлелдеді.

Ағылшын тарихшысы Александр Верт өзінің «Ресей 1941-1945 жылдардағы соғыста» кітабында: «Қызыл Армияның табанды солдаттарының бірі қазақтар болды,жалпы алғанда қазақтар бүкіл соғыс бойында өздерін жақсы жағынан таныта білді.Тіпті Сталинградтың өзінде ең өжет солдаттар қатарында қазақтар тұрды.»-дегенді айтады.

Майдан даласынан 394 мың қазақ боздақтары қайтпай қалды. Бұл соғыс әр отбасыға қайғы-қасірет әкелді.Мұндай соғыс енді болмаса екен.Сондай қиыншылықпен келген жеңістің мағыздылығын түсінуіміз керек.Өз ішімізде де бірліктің болуы өте маңызды.Сондықтан біз осы күнге Аллаға шүкір деп,бейбіт заманның қадірін біліп,ата-бабалар тілегінің орындалуына имандылық,білім,бірлікті ту етіп жете аламыз!