Шымкент қаласы

Еңбекші ауданы

МКҚК №100 «Тоғжан»

бөбекжай-бақшасы №6 «Қиялшылдар»

ересек тобының тәрбиешісі

педагог-сарапшы Игенбаева У.М.

Тақырыбы: «Бағдаршам – біздің досымыз»

Міндеті: Балаларды өз бетінше сөйлеуге үйрету; дидактикалық және дамытушы ойындарды, жаттығуларды қолдану арқылы сөздік қорды байыту; бақылау арқылы қоршаған орта заттарының санын, пішінін, шамасын, түсін олардың кеңістікте орналасуын ажыратуға үйрету; заттарды зерттеуге қызығушылықты ояту, жаңаны тануға, өзіне сенімділікке баулу; командада жұмыс істей білуге дағдыландыру; көрнекі-қимылдық ойлауды және шығармашылық қиялдауды дамыту.

Көрнекі құралдары: Бағдаршам, фетр материалынан жасалған үлестірмелі карточкалар, түрлі түсті шарлар.

Ойын түрі: Педагогтың жетекшілігімен өткізілетін ойын.

Шаттық шеңбері:

Дөңгеленіп тұрайық,

Шеңберді біз құрайық.

Қол ұстасып бәріміз,

Ақ тілекті жолдайық.

Қайырлы күн ,бақшамыз!

Қайырлы күн, достарым!

Топқа шар ұшып келеді. Шарға жұмбақ жасырылған хат байланған.

Педагог: Балалар мына шарға қараңдаршы бұл шарда бізге арнап жазылған хат бар екен. Қане көрейікші. Хаттың ішінде жасырылған жұмбақ бар екен. Ал мен жұмбақты оқиын мұқият тыңдаңдар.

Жұмбақ: Өзі сөйлей білмейді,

Бірақ «Тоқта, жүр!» дейді.

Балалар: Бағдаршам деп жауап береді.

Педагог: Ал олай болса тобымызға бағдаршам қонаққа келіпті. Балалар жақсылап қарсы алайық.

Бағдаршам:

Тақпақ

Күндіз түні жанамын

Дабыл беріп бәріне.

Үш түрлі түсім бар

Белгілі жаспен кәріге

Мен бағдаршам боламын.

Бағдаршам бізге не үшін қажет?

— Ал, жолдан өту барысында не істеуіміз керек? Бағдаршамның қандай түстері бар және олар не бұйырады?

— олай болса, астындағы тапсырманы орындайық.

1- тапсырма: Ойын: «Бағдаршамның көздерін дұрыс орналастыр»

Балалар бағдаршамның көздерін ретімен орналастырады.

Сергіту сәті:

Біздер жолға шығайық

Ұзын, қысқа жолдарды

Біліп біздер алайық,

Қызыл жанса — тоқтаймыз,

Сары жанса – дайындал

Жасыл жанса – топ – топ басып жүреміз

Бағдаршаммен бірге қайталап айтып жаяу жүргіншілер жолымен өтеді.

2- тапсырма: Ойын «Шарларды жинау»

Бағдаршамның бұйрығына бағыну керекпіз.

Қызыл — тоқта, сары — күт, жасыл — жүр дейді.

Күтілетін нәтиже: Жаңаны тануға ұмтылады, заттарды қызығып, қуанып зерттейді;