«Бал бұлағым-бастауышым» 1-4 сынып

Тақырыбы: «Бал бұлағым-бастауышым»
Мақсаты: Білімнің сара жолы мектептен басталатынын, білімнің кең дүниеде өмірге есік ашатынын сездіру. Білімге деген құштарлығын арттыру, оқуға, білімді болуға шақыру;
2. Бастауыш сынып балаларының оқу барысында алған білім дерін тиянақтау, ойлау қабілеттерін дамыту.
Мұғалім: Құрметті ұстаздар, оқушылар! Білімнің сара жолы мектептен басталады, ал білімнің алғаш есігін ашатын кілті – бастауыш екенін барлығымыз білеміз. Ең алғаш әріп танып, оқуға,
санауға, есептеуге үйреніп, білімге деген құмарлығымызды бастауыштан бастаймыз.

«Бал бұлағым-бастауышым» атты бастауыш сынып апталығы өтті.
2. Қорытынды концерт
Мұғалім:: Ғылымның сырын ұғына,
Шығыңдар білім шыңына.
Ұқыптылық пен зеректік
Жеткізер білім шыңына.
Монтаж ( мини центр, даярлық )
Ән:» Топ-топ балақан» шағын орталық бүлдіршіндерінің әнін қабыл алыңыздар.

Кітап білім бұлағы,
Білім өмір шырағы,-
Деген сөзді мен ұқтым
Биікте ол тұрады.

Би: «Біз кішкентай баламыз» 1 сынып оқушылары.
Қоссаңдар бірді екіге үш болады,
Деуші едің,- білімменен күш толады
Алғыр бол, әдепті бол, сабырлы бол,
Ақылмен іс істесең іс болады.

Ән: «Анашым ана жаным» Даярлық сыныбы.

Мұғалім :

Ақыл, сана, біліммен,
Өнеріме сенемін.
Арым таза, ақкөңіл,
Адалдыққа сенемін.
Абыройлы ақ ниет,
Адамдыққа сенемін- деп , Келесі кезекті биге береміз.
Би : «Калинка-малинка» Қарақат, Інжу, Алтынай орындауында.

Мен . Арманым болып аңсаған,
Мәңгілік қалдың мекендеп,
Өзіңе арнап ән салам,
Ардақтап сізді өтем деп.

Ән: «Ұстаз ана» 1 сынып оқушысы Аяжанның орындауында.

Мен. Білім деген қауыздан гүл ашылған
Оған керек таусылмайтын көп шыдам.
Бар білімнің, бар ілімнің атасы
Бастау алар бастауыш сатысынан

Би: «Толғау» 3 сынып ұлдары
Мен . Нәріңді беріп құрғатпай,
Сусаған шөлді қандырған.
Сәулеңді шашып жүрекке,
Жанымның отын жандырдың.

Ән: «Қыздар – ай» 1 сынып ұлдары

Мен. Нағыз білім - ырыс, бақ,
Дүниені тұр ұстап.
Енді біздер би билеп

Көтереміз көңілді.

Би: «Асатаяқ» 2-4 сынып қыздары
Білім аққан сел дейді,
Бірақ оңай келмейді.
Ала білсең білім көп,
Ақыл - ойға кен дейді.

Ән: «Қолшатыр» 3-4 сынып оқушылары.

Бірдей біздің ойымыз да , сырымыз,

Бір мектептің ұлы менен қызымыз.

Бірдей өстік оқуда да еңбекте,

Күліп – ойнап біріміз бен біріміз.

Хор: «Бала тілегі»

Қорытынды: Балалар ата - аналарың сендердің сапалы білім алуларың үшін бәрін істейді. Сондықтан ел алдындағы, аға ұрпақ алдындағы жауапкершілікті ұмытпайық. Ерінбей, жалықпай білім алайық. Ел - болашағы мына сендердің қолдарыңда.